سۈەنلاتاڭنىڭ ئىشتىھانى ئېچىپ ھەزىم قىلىشنى ئىلگىرى سۈرۈش رولى بار، شۇڭا نۇرغۇن كىشىلەر، ئىشتىھاسى تۇتۇلۇپ قالغان ۋاقىتتا، ئازراق سۈەنلاتاڭ ئىچىپ، تەم سەزگۈ ئەزالىرىنى غىدىقلاشنى ئۈمىد قىلىدۇ.

   كىتەرلىك ماتېرىيال: دۇفۇ، قارا قېرىنقولاق، تۇخۇم، يۇمغاقسۈت، تۇز، كىراخمال، توخۇ تەم جەۋھىرى، ئاچچىقسۇ، قارىمۇچ، لاۋچۇۋ جىياڭيۇسى، كۈنجۈت مېيى
تەييارلاش ئۇسۇلى
   بىرىنچى قەدەمدە، دۇفۇنى كىچىكرەك تۆت بۇرجەك ھالىتىدە توغرىۋالىمىز؛ قارا قېرىنقولاقنى ئالدىنئالا سۇغا چىلاپ كۆپتۈرۈپ قەلەمچە قىلىپ توغرايمىز؛ يۇمغاقسۈتنى ئۇششاق چاناپ توغرايمىز.
   ئىككىنچى قەدەمدە، پىيالىگە قارىمۇچتىن ئازراق سېلىپ، ئۈستىگە مۇۋاپىق مىقداردا ئاچچىقسۇ قۇيۇپ تەكشى ئارىلاشتۇرىمىز؛ كىراخمالغا ئازراق سۇ قۇيۇپ سۇيۇلدۇرۇپ تەكشى ئارىلاشتۇرىمىز.
   ئۈچىنچى قەدەمدە، تۇخۇمنى چېقىپ قوچۇپ تەييارلايمىز؛ قازانغا سۇ قۇيۇپ قاينىتىپ تەييارلايمىز.
   تۆتىنچى قەدەمدە، قازاندىكى سۇ قاينىغاندىن كېيىن، تۇز، توخۇ تەم جەۋھىرى، لاۋچوۋ جىياڭيۇسى، كىراخمال سۈيى، قوچۇلغان تۇخۇم قاتارلىقلارنى قازانغا سالىمىز.
   بەشىنچى قەدەمدە، دۇفۇ ۋە قارا قېرىنقولاقنى قازانغا سېلىپ، چوڭ ئوتتا قازاننى قاينىتىمىز.
   ئالتىنچى قەدەمدە، ئالدىدا ئارىلاشتۇرۇپ تەييار قىلغان ئاچچىقسۇ بىلەن قارىمۇچنى قازاندىكى شورپىغا تۆكۈپ، ئۈستىگە ئازراق كۈنجۈت مېيى قۇيىمىز؛ ئاخىرىدا توغرالغان يۇمغاقسۈتنى قوشۇپ ئارىلاشتۇرۇپ، چىنىگە ئۇسۇپ ئالساق بولىدۇ.