كىچىك ۋاقتىمدا، چوڭلار ھەمىشە "كىچىك بالا دېگەن بېلىق شورپىسىنى كۆپرەك ئىچىپ بەرسە ياخشى، شۇنىڭدا تېخىمۇ ئەقىللىق بولىدۇ" دىيىشەتتى. ئۇ ۋاقىتتا مەن بۇنى تازا بەك چۈشىنپ كەتمەيتتىم، لېكىن ئانام ھەر قېتىم بېلىق شورپىسى قىلغان ۋاقىتتا، مەن تۈگىتىپ ئىچىپ بولاتتىم.
   ئەمەلىيەتتە، "بېلىق شورپىسى ئادەمنى ئەقىللىق قىلىدۇ" دېگەن قاراشنىڭمۇ ئاساسى يوق ئەمەس؛ تاپان بېلىقنىڭ جىگەرنى قۇۋۋەتلەپ كۆزنى روشەنلەشتۈرۈش ۋە مېڭىنى ساغلاملاشتۇرۇپ ئەقلىي ئىقتىدارنى ئاشۇرۇش رولى بار، موگونىڭ بولسا كېسەلگە قارشى تۇرۇش كۈچىنى ئاشۇرۇش ئۈنۈمى بار. شۇڭا، ئەگەر تاپان بېلىق بىلەن موگو ماسلاشتۇرۇلۇپ شورپا تەييارلانسا، ئۇزۇقلۇق قىممىتى ھەسسىلەپ ئاشىدۇ.

   بۈگۈن كۆپچىلىكنىڭ دىققىتىگە، تاپان بېلىق قۇۋۋەت شورپىسى تەييارلاش ئۇسۇلىنى تونۇشتۇرۇپ ئۆتىمىز.
   كىتەرلىك ماتېرىيال: تاپان بېلىق(鲫鱼)، يۇمران دۇفۇ، ئاق موگو
   خۇرۇچ ماتېرىياللىرى: تۇخۇم، تېتىتقۇ ھارىقى، تۇز، غولپىياز، زەنجىۋىل
 

تەييارلاش ئۇسۇلى
 

    بېلىقنىڭ پاكىزلىغاندىن كېيىن، ئىككى تەرىپىنى پىچاق بىلەن تىلىپ، ئىككى قوشۇق تېتىتقۇ ھارىقى، مۇۋاپىق مىقداردىكى زەنجىۋىل قەلەمچىسى، بىر قوشۇق تۇز قاتارلىقلارنى ئىككى يۈزىگە تەكشى سۈرۈپ، 10مىنۇت قويۇپ قويىمىز.

   قازانغا ماي قۇيۇپ قىزىتىپ، توغرالغان زەنجىۋىلدىن ئازراق سېلىپ تەم چىقارغاندىن كېيىن، بېلىقنى قازانغا سېلىپ، كىچىك ئوتتا سارغايغىچىلىك داغلايمىز؛ بىر يۈزى سارغىيىپ بولغاندا يەنە بىر يۈزىنى ئۆرۈپ داغلايمىز.

   ھەر ئىككى يۈزى سارغايغاندىن كېيىن، بېلىق چۆكۈشكىچىلىك سۇ قۇيۇپ، ئالدىنئالا قاتۇرۇپ تەييار قىلغان تۇخۇم ۋە توغرالغان غولپىيازنى سېلىپ، تۇۋاقنى يېپىپ چوڭ ئوتتا 10مىنۇت قاينىتىمىز.

   توغرالغان ئاق موگو بىلەن يۇمران دوفۇنى سېلىپ، تۇۋاقنى يېپىپ ئوتتۇرا دەرىجىلىك ئوتتا 15مىنۇت قاينىتىپ پىشۇرىمىز.

   ئاخىرىدا تۇز تەمىنى تەڭشەپ، توغرالغان غولپىياز مايسىسىدىن ئازراق سېپىۋەتسەك، بۈگۈنكى بېلىق قۇۋۋەت شورپىسى تەييار بولغان بولىدۇ.