زىرە تەملىك قۇۋۇرغا كاۋاپ، دوخوپكا كەتمەيدۇ، ئوت قالاپ چوغ چۈشۈرۈشمۇ كەتمەيدۇ؛ پەقەت ئاستى تۈز قازان بار بولسىلا، ئۆيىڭىزدىمۇ تەملىك قۇۋۇرغا كاۋاپ تەييارلاپ يىيەلەيسىز.

   كېتەرلىك ماتېرىيال: قوي قوۋۇرغا گۆشى بىر كىلوگىرام
   خۇرۇچ ماتېرىيالى: ئاق تۇرۇپ، قوۋزاق دارچىن، شاكال بەدىيان، زىرە تالقىنى، مۇچ تالقىنى، خۇڭشاۋ جىياڭيۇ، تېتىتقۇ ھارىقى، تۇز، زەنجىۋىل
 

 

   ئالدى بىلەن، قازانغا سۇ قۇيۇپ، گۆشنى سۇغۇق سۇغا سالغاندىن كېيىن ئوتنى ئاچىمىز؛ قازانغا يېرىم تال تۇرۇپ، ئىككى قوشۇق تېتىتقۇ ھارىقى، توغرالغان زەنجىۋىل قاتارلىقلارنى سېلىپ قازاننى قاينىتىمىز؛ قازان بىر قايناپ چىققاندىن كېيىن، گۆشنى سۈزۈپ ئېلىپ، گۆشنىڭ يۈز قىسمىغا يېپىشىۋالغان موزىلارنى چايقىۋىتىمىز.

   قازاننى قايتىدىن ئېسىپ، ماي قۇيۇپ قىزىتىمىز؛ ماي قىزىغاندىن كىيىن، قاينىتىپ تەييارلىغان قۇۋۇرغا گۆشنى قازاندىكى مايغا سېلىپ، سىرتقى يۈز سارغايغىچىلىك كىچىك ئوتتا داغلايمىز.

   گۆش سارغايغاندىن كىيىن، قازانغا ئىككى قوشۇق خۇڭشاۋ جىياڭيۇ، بىر قوشۇق تۇز، قوۋزاق دارچىن، شاكال بەدىيان، كاۋاۋىچىن قاتارلىقلارنى قوشىمىز، يەنە مۇۋاپىق مىقداردا زىرە تالقىنى قوشىمىز؛ كەينىدىن گۆش پۈتۈنلەي چىلاشقىچىلىك سۇ قوشىمىز.

   چوڭ ئوتتا قازاننى قايناتقاندىن كىيىن، كىچىك ئوتقا ئالماشتۇرۇپ بىر يېرىم سائەت قاينىتىمىز. ئەگەر ئۆيىڭىزدە يۇقىرى بېسىملىق قازان بار بولسا، يۇقىرى بېسىملىق قازانغا سېلىپ قايناتسىڭىز، گۆش تېخىمۇ يۇمشاق پىشىدۇ.

   ۋاقىت توشقاندىن كىيىن ئۇسۇپ ئالسىڭىز بولىدۇ.