قىش ۋە ئەتىياز پەسىللىرىدە ئادەمنىڭ بەدىنى ئاسانلا قۇرغاقلىشىپ قالىدۇ. كونا جۇڭگۇ تىبابىتى دوختۇرلىرىنىڭ قارىشىچە، بۇ ۋاقىتتا ئۆپكىگە نەملىك يەتكۈزۈپ بىرىدىغان يىمەكلىكلەرنى يىيىش ئارقىلىق بەدەنگە تەڭشەش ئېلىپ بىرىش كىرەك ئىكەن؛ مەسىلەن، قىشلىق بامبۇك نوتىسى.

    قىشلىق بامبۇك نوتىسىنىڭ ئاقسىل تەركىبى يۇقىرى، كىراخمال تەركىبى تۆۋەن بولۇپ، تەركىبىدە ئون نەچچە خىل ئامىنو كىسلاتالىرى ۋە باشقا ئۇزۇقلۇق ماددىلار بار. قىشلىق بامبۇك نوتىسى ئىستىمال قىلغاندا، ئۈچەي يوللىرىنىڭ قىمىرلىشىنى ئىلگىرى سۈرۈپ، ھەزىم قىلىشقا ۋە قەۋزىيەتنىڭ ئالدىنى ئېلىشقا پايدىلىق بولىدۇ.
    ئەمىلىيەتتە، قىشلىق بامبۇك نوتىسىنى توخۇ گۆشى بىلەن بىرلىكتە شورپا قاينىتىپ ئىچسەك، تەمى ئۆزگىچە بولۇپلا قالماي، توخۇ گۆشى ۋە قىشلىق بامبۇك نوتىسى تەركىبىدىكى ئۇزۇقلۇق ماددىلارنىڭ ساقلىنىپ قېلىشى ئەڭ ياخشى بولىدۇ ھەمدە بەدەنگە سۈمۈرۈلۈش دەرىجىسىمۇ ئەڭ يۇقىرى بولىدۇ.

كىتەرلىك ماتىريال
    يەرلىك توخۇ گۆشى، قىشلىق بامبۇك نوتىسى، قىشلىق موگۇ، چىلان، زەنجىۋىل، تۇز

 

 

    توخۇ گۆشىنى كىچىك پارچە قىلىپ توغرايمىز، قىشلىق بامبۇك نوتىسىنى ياپىلاق پارچە ھالىتىدە توغرايمىز.

    توخۇ گۆشىنى سۇغۇق سۇغا سېلىپ، ئۈستىگە زەنجىۋىل پارچىسى قوشۇپ قاينىتىۋالغاندىن كىيىن، سۈزۈپ ئالىمىز.

    قىشلىق بامبۇك نوتىسىنى قىزىق سۇغا سېلىپ، بىر قوشۇق تۇز قوشۇپ، 8-7مىنۇت قاينىتىمىز؛ بۇنىڭدا، ئۇنىڭ چۈچۈمەل تەمى ۋە ئوت-چۆپ ئاچچىقى يوقايدۇ.

    سۈزۈپ ئالغان توخۇ گۆشىنى يۇيۇپ ئۈستىگە چاپلىشىۋالغان موزىلىرىنى پاكىزە چىقىرۋەتكەندىن كىيىن، شورپا قازىنىغا سېلىپ، ئۈستىگە ئۈچ تال چىلان، تۆت تال يۇيۇپ پاكىزلانغان قىشلىق موگو سالىمىز؛ ئاخىرىدا قىشلىق بامبۇك نوتىسىنى سېلىپ، شورپىغا كىتەرلىك سۇ قۇيىمىز.

     چوڭ ئوتتا قايناتقاندىن كىيىن، يۈزىگە لەيلەپ چىققان موزىلىرىنى سۈزىۋىتىپ، تۇۋاقنى يېپىپ بىرسائەت قاينىتىمىز.

     ئۇسۇپ ئېلىشتىن بۇرۇن ئازراق تۇز سېلىپ تەمنى تەڭشىۋالساقلا، ئىسسىق توخۇ شورپىسى ئىچەلەيمىز.