بۈگۈن كۆپچىلىككە تونۇشتۇرماقچى بولغان قولايلىق ئۈگرە چۆپ، مەن ئەڭ ياخشى كۆرىدىغان قولايلىق تائاملارنىڭ بىرى بولۇپ، تەييارلاش ئۇسۇلى ئاددىي بولسىمۇ، ئەمما تەمى ئۈگرىخانىلاردىكى ھەقىقىي ئۈگرىدىن قېلىشمايدۇ.
   خام ماتېرىيالى:  تەييار ئۈگرە چۆپ، غولپىياز مايسىسى،
   تەم خۇرۇچلىرى: تۇز، توخۇ تەم جەۋھىرى، شىڭچۇۋ جىياڭيۇسى، ئاچچىقسۇ، كۈنجۈت مېيى(ياكى قوي مېيى)، ئادەتتىكى ئىستىمال مېيى، ئاقمۇچ
تەييارلاش ئۇسۇلى
   1. غولپىياز مايسىسىنى ئۇششاق توغراپ قاچىغا سالغاندىن كېيىن، ئۈستىگە مۇۋاپىق مىقداردا توخۇ تەم جەۋھىرى، تۇز، شىڭچۇۋ جىياڭيۇسى، ئاچچىقسۇ، كۈنجۈت مېيى، ئاقمۇچ قاتارلىقلارنى قوشۇپ ئارىلاشتۇرىمىز.

   2. ئازراق ئىستىمال مېيىنى قىزىتىپ، تەييار قىلغان قىيام ئۈستىگە قۇيىمىز.

   3. ئۈستىگە بىر پىيالە قايناقسۇ قۇيۇپ ئارىلاشتۇرىمىز.

پىشۇرۇش ئۇسۇلى
   4. قازاندا سۇ قاينىتىپ، ئۈگرە چۆپنى سېلىپ پىشۇرىمىز.

   5. چۆپ پىشقاندىن كېيىن سۈزۈپ ئېلىپ، تەييارلىغان قىيامغا سېلىپ ئارىلاشتۇرغاندىن كېيىنلا ئىستېمال قىلىشقا بولىدۇ.