ئادەتتە ئائىلىدىكى بىرەرسىمىزنىڭ تۇغۇلغان كۈنى كەلگەندە، كۆپىنچە سىرتلارغا چىقىپ تاماق يىيىشنى ياكى تورت يەپ غەرپچە تۇغۇلغان كۈن ئۆتكۈزۈشنى ياخشى كۆرىمىز؛ ئەمىلىيەتتە، ئۆيدە ئاددىغىنا ئۇزۇن ئۆمۈر ئېشى تەييارلاپ يىسەك، تېخىمۇ ئەھمىيەتلىك بولىدۇ.

كىتەرلىك ماتىريال
   چۆپ (ماشىنىدا چىقارغان چۆپ ياكى گومەننىڭ قايسىسى بولسا بولىۋىرىدۇ)، تۇخۇم، شوخلا، پىياز، سامساق، بەسەي ياپراقچىسى، چىچەكسەي، موگو، راك، سەۋزە
خۇرۇچ ماتىرياللىرى
   مۇچ قىيامى، تۇز، قارىمۇچ،
 

 

   قازاندا سۇ قاينىتىپ چۆپنى پىشۇرۇپ ئالغاندىن كىيىن سۇغۇق سۇغا چىلاپ قويىمىز؛ چۆپ پىشۇرغان سۇدا، چىچەكسەي بىلەن بەسەي ياپراقچىسىنى قاينىتىۋالىمىز.
 

   موگونى ئالدىنئالا سۇغا چىلاپ قويۇپ كۆپتۈرگەندىن كىيىن، ئۇششاق قىلىپ توغرايمىز؛ شوخلىنى ئۇششاق توغرايمىز؛ پىيازنى قەلەمچە قىلىپ توغرايمىز؛ سەۋزىنى ياپراقچە ھالىتىدە ئازراق شەكىل چىقىرىپ توغرىۋالىمىز.

   ئاستى تۈز قازانغا ئازراق ماي قۇيۇپ، تۇخۇمنى قوچىماستىن بىۋاستە قازانغا چېقىپ خېباۋدەن قاتۇرىمىز؛ تۇخۇم قاتۇرۇش جەريانىدا، راكنىمۇ بىللە قازاندىكى مايدا داغلاپ پىشۇرۋالىمىز.

   تۇخۇم بىلەن راكنى قاتۇرۇپ ۋە داغلاپ بولغاندىن كىيىن قاچىغا ئېلىپ قويۇپ تۇرىمىز؛ قازانغا داۋاملىق تۈردە يەنە ئازراق ماي قۇيۇپ قىزىتىپ، پىياز، موگو، سامساق، سەۋزىلەرنى سېلىپ تەم چىقىرىپ قورۇيمىز.

   شوخلىنى سېلىپ، ئازراق سۇ قۇيۇپ قاينىتىپ قىيام قىلىمىز؛ ئەگەر ئاچچىقراق يىيىشنى ياخشى كۆرسىڭىز، ئازراق مۇچ تالقىنى ياكى مۇچ قىيامى قوشۇۋەتسىڭىز بولىدۇ.
 

   قازاننىڭ سۈيى قويۇلغان ۋاقىتتا، ئۈستىگە ئالدىدا پىشۇرۋالغان بەسەي ياپراقچىسىنى تاشلاپ، ئازراق تۇز قوشۇپ تەم تەڭشىگەندىن كىيىن ئوتنى ئۆچۈرىمىز.
 

   پىشۇرۇپ تەييار قىلغان چۆپنى قازانغا سېلىپ تەكشى ئارىلاشتۇرىمىز.