يۇقىرىدىكى رەسىمدىكى بۇ بوۋاق، ھەقىقەتنمۇ بىر "مۆجىزىلىك بوۋاق" بولۇپ، ئۇ تىبابەت ساھەسىدىكى بىر ئابىدە. چۈنكى بۇ بوۋاق، دۇنيادىكى، ئۆلگۈچى تەقدىم قىلغان بالىياتقۇ كۆچۈرۈلگەندىن كىيىن، كۆچۈرۈلگەن بالىياتقۇدا ھامىيلە بولۇپ شەكىللىنىپ تۇغۇلغان تۇنجى بوۋاق.

    ئەنگىلىيە "ئەينەك" گىزىتىنىڭ 5-دىكابىردىكى خەۋرىگە ئاساسلانغاندا، بۇ مۆجىزىلىك بوۋاق بىرازىلىيەدە تۇغۇلغان؛ بوۋاقنىڭ ئانىسى ھامىلدار بولۇپ 35 ھەپتە 3كۈنلۈك بولغاندا قوساقنى يېرىش ئوپراتسىيىسى قىلىش ئارقىلىق بۇ بوۋاقنى تۇغقان؛ بوۋاقنىڭ تۇغۇلغان ۋاقىتتىكى ئېغىرلىقى 5جىڭ 200گىرام كەلگەن بولۇپ، ئىنتايىن ساغلام تۇغۇلغان بوۋاق ھىسابلىنىدۇ.
     بوۋاقنىڭ ئانىسى بۇ يىل 32 ياشقا كىرگەن بولۇپ، تۇغۇلما كىسەللىك سەۋەبىدىن، ئۇنىڭ بالىياتقۇسى يوق ئىدى.

    بۇ ئانا بالىياتقۇ كۆچۈرۈش ئوپىراتسىيىسى قىلدۇرۇشتىن 4 ئاي بۇرۇن، پروبىركىدا ھامىيلە يىتىلدۈرۈش تېخنىكىسىدىن پايدىلىنىپ جەمئى 8 دانە ئۇرۇقلانغان تۇخۇم يىتىشتۈرۈپ چىققان. ئۇنىڭ ئۈچۈن بالىياتقۇ تەقدىم قىلغىنى، 45 ياشلىق بىر ئايال كىشى بولۇپ، ئۇ بەخىتكە قارشى سەكتە كىسىلى بىلەن ئۆلۈپ كەتكەن.

    بۇ بوۋاق تۇغۇلۇشتىن بۇرۇن، يەرشارى بويىچە 10 نەپەر ئايال، ئۆلگۈچى تەقدىم قىلغان بالىياتقۇ كۆچۈرۈش ئوپراتسىيىسى قىلدۇرغان بولۇپ، بىراق ھېچقايسىسى ئوڭۇشلۇق ھالدا ھامىلە يىتىشتۈرەلمىگەن ئىدى. بىراق ئۆزىنىڭ ھايات ئانىسى تەقدىم قىلغان بالىياتقۇنى كۆچۈرگەن ئايال ئوڭۇشلۇق ھالدا ھامىلدار بولۇپ، ھامىيلە يىتىشتۈرگەن ھەمدە بالىنى مۇۋەپپىقىيەتلىك تۇغقان مىسال بار ئىدى.

    بۇ قېتىملىق ئوپراتسىيىنى تاماملىغان، بىرازىلىيە سانپاۋلۇ داشۆسىدىكى دەننى دوكتورنىڭ كۆرسىتىشىچە، بۇ قېتىملىق، ئۆلگۈچىنىڭ بالىياتقۇسىنى مۇۋەپپىقىيەتلىك ھالدا كۆچۈرۈش ئوپراتسىيىسى، تىبابەت ساھەسىدىكى بىر قېتىملىق زور ئىلگىرلەش بولۇپ، بۇ تېخىنىكا تۇغماس ئاياللار ۋە بالىياتقۇ كىسەللىكىگە گىرىپتار بولغان ئاياللارنىڭ بەخىت ئاۋازى ئىكەن.
    ئىلگىرى ھايات كىشىلەرنىڭلا بالىياتقۇسىنى قۇبۇل قىلىپ باشقىلارغا كۆچۈرۈش ئوپراتسىيىسى قىلىنىدىكەن؛ بۇ قېتىملىق ئوپراتسىيىنىڭ مۇۋەپپىقىيەتلىك بولۇشى، بالىياتقۇ تەقدىم قىلىش كىلىش مەنبەسىنىڭ زور دەرىجىدە كېڭەيگەنلىكىدىن دىرەك بىرىدىكەن.