دۆلىتىمىزدە، "ھاراق بولمىسا سورۇن بولماس" دىگەن بىر گەپ بار؛ دوست-بۇرادەرلەر ۋە ئۇرۇغ-تۇققانلار يېغىلىپ تاماق يىيىشكەندە، ئازراق ھاراق ئىچىپ كەيپىياتنى كۆتۈرىمىز. لىكىن، بەزى ماشىنا ئىگىلىرى، تەلەي سىناش پىسخىكىسىدا بولۇپ، "ھاراقنى كۆپ ئىچمىدىم، ماشىنا ھەيدىسەم بولىۋىرىدۇ" دەپ قارايدۇ؛ نەتىجىدە، يولغا چىقىپ بولغۇچە قاتناش ساقچى تارماقلىرىغا تۇتۇلۇپ قالىدۇ.

   دۆلىتىمىزدە، ھاراق ئىچىپ ماشىنا ھەيدەش قانۇنغا خىلاپ قىلمىش ھىسابلىنىدۇ، قاتناش ساقچى تارماقلىرى بۇنداق ئەھۋالنى قاتتىق بىتەرەپ قىلىدۇ. قاتناش ساقچىلىرى قانۇن بويىچە تەكشۈرۈش ئېلىپ بېرىش جەريانىدا، ئەگەر ماشىنا ئىچىدە ھاراق پۇرىقى بارلىقىنى سىزىپ يەتسە، ئالاقىدار ئۈسكىنە ئارقىلىق، شوپۇرنىڭ ھاراق ئىچكەن ئىچمىگەنلىكىنى تەكشۈرىدۇ. بۈگۈن كۆپچىلىككە ئېيتماقچى بولغىنىمىز، تۆۋەندىكى بىرنەچچە خىل ئەھۋاللارمۇ، ھاراق ئىچىپ ماشىنا ھەيدىگەن قاتاردا بىتەرەپ قىلىنىدۇ.

   بىرىنچىدىن، ھاراق ئىچكەندىن كىيىن ماشىنا ئىچىدە ئارام ئېلىش. بۇ نوقتىنى نۇرغۇنلىغان ماشىنا ئىگلىرى نەزەردىن ساقىت قىلىپ، ھاراق ئىچىپ بولغاندىن كىيىن بېشى قېيىپ بىئاراملىق ھىس قىلسا، ماشىنا ئىچىدە بىردەم يېتىپ ئارام ئېلىۋالماقچى بولىدۇ. بۇنداق ئەھۋالدا، ماشىنا ئىگىسى چوقۇم ماشىنىنىڭ ئوتىنى ئۆچۈرۋىتىپ كەينى تەرەپ ئۇرۇندۇقتا ئارام ئېلىشى كېرەك؛ بولمىسا، ئەگەر ماشىنا ئوت ئېلىغلىق ھالەتتە بولسا، ماشىنا ھەيدەلمىگەن تەقدىردىمۇ، يەنىلا ھاراق ئىچىپ ماشىنا ھەيدىگەن قاتاردا بىتەرەپ قىلىنىدۇ.

   ئىككىنچىدىن، ھاراق ئىچكەندىن كىيىن ماشىنىنى يۆتكەش. بەزىلەر ھاراق ئىچكەندىن كىيىن، ماشىنا ھەيدەشكە بولمايدىغانلىقىنى ھىس قىلىپ، ماشىنىسىنى تېخىمۇ ئەپلىكرەك بولغان ماشىنا توختىتىش ئورنىغا توختىتىپ قويۇپ ئاندىن ئاممىۋى قاتناشتا قايتىشنى ياكى ماشىنا ئىچىدە ئولتۇرۇپ ئارام ئېلىۋىلىشنى ئويلايدۇ. بىراق، بۇ ئەھۋال بىرىنچى ئەھۋالغا ئوخشايدىغان بولۇپ، ھاراق ئىچكەندىن كىيىنلا، ماشىنىنى قەتئى ئوت ئالدۇرۇشقا بولمايدۇ، بولمىسا ھاراق ئىچىپ ماشىنا ھەيدىگەن قاتاردا بىتەرەپ قىلىنىدۇ.

   ئۈچىنچىدىن، ھاراق ئىچىپ ئەتىسى ماشىنا ھەيدەش. بەزىلەر ئالدىنقى كۈنى يېرىم كىچىگىچە ھاراق ئىچىپ، ئىككىنچى كۈنى ئەتىگەندىلا ماشىنا ھەيدىمەكچى بولىدۇ. بۇنداق ئەھۋالدا، گەرچە ھاراق ئىچكەندىن كىيىن ماشىنا ھەيدىمىگەن بولسىمۇ، ئەمما يىتەرلىك ئارام ئالمىغان بولغاچقا، بەدەندىكى ئىسپىرتلار تۇلۇق مىتابولىزىملىنىپ بولالمايدۇ، شۇڭا بۇنداق ئەھۋالدا ماشىنا ھەيدىسىڭىزمۇ ھاراق ئىچىپ ماشىنا ھەيدىگەنگە ھىساب بولىدۇ. ئالاقىدار بەلگىلىمىلەرگە ئاساسەن، تەكشۈرۈشتە، پەقەت سىزنىڭ قېنىڭىز تەركىبىدىكى ئىسپىرت مىقدارى ئۆلچەمدىن ئېشىپ كەتسىلا، ھاراق ئىچىپ ماشىنا ھەيدىگەن دەپ قارىلىدۇ، سىزنىڭ شۇ كۈننىڭ ئۆزىدە ھاراق ئىچكەن ئىچمىگەنلىكىڭىز ئاساس قىلىنمايدۇ.