بىز كۈندە ئۆزىمىزمۇ سەزمىگە ئەھۋال ئاستىدا قىلىپ سالىدىغان بىر ھەرىكەت بار:
   بارماقلىرىمىزنى ئېھتىياتچانلىق بىلەن بۇرۇن تۆشىكىمىزگە تىقىپ، نەمخۇش ھەم ئازراق ئېلاستىكىلىقى بار نەرسىگە تەككۈزۈپ، كەينىدىن كوچىلاپ ئېلىۋەتسەك، بۇرۇن تۆشۈكچىلىرىمىز شۇ ھامانلا ناھايىتى راھەت ھېس قىلىپ كېتىدۇ...

   شۇنداق، بۈگۈن بىز، ئادەمنى خۇمار قىلىپ قويىدىغان بۇرۇن كوچىلاش ھەققىدە توختىلىپ ئۆتىمىز.
   ئىگىلەشلەرگە ئاساسلانغاندا، %91 ئادەم بۇرنىنى كوچىلايدىكەن؛ قالغان %9 ئادەم بولسا، ھەر نېمە دېگەن بىلەنمۇ بۇرنىنى كوچىلايدىغانلىقىنى ئېتىراپ قىلغىلى ئۇنىمايدىكەن. ئۇنداقتا، نېمە ئۈچۈن شۇنچە كۆپ ئادەم بۇرنىنى كوچىلاشنى ياخشى كۆرىدۇ؟

   بۇنى بىر نەچچە قاتلامغا بۆلۈپ چۈشەندۈرۈشكە توغرا كېلىدۇ:
   1. ئىنسانشۇناسلىق ئىلىمى قاتلىمىدىن ئېلىپ ئېيتقاندا: قەدىمدىن تارتىپ شۇنداق.
   ئىنسانلارنىڭ 6000يىلدىن ئارتۇق بۇرۇن كوچىلاش تارىخى بار، قەدىمقى مىسىر دەۋرىدىكى تام رەسىملىرىدە، ئادەملەرنىڭ قول بارماقلىرىدا بۇرنىنى كوچىلاپ تۇرغان رەسىملىرى خاتىرىلەنگەن.
   2. بەدەن قاتلىمى جەھەتتىن ئېلىپ ئېيتقاندا: بۇرۇن تۆشۈكچىلىرى ئېچىلىپ ئادەم راھەت ھېس قىلىدۇ.
   بۇرۇن قاقىچى، بۇرۇننى توسىۋىلىپ، بىزنى ئەركىن نەپەسلەنگىلى قويمايدۇ. بۇرۇن قاقىچىنى كوچىلاپ ئېلىۋەتسەك، خۇددى توسۇلۇپ قالغىلى ئۇزۇن بولغان يول تۇيۇقسىز ئېچىلىپ كەتكەنگە ئوخشاش، ئادەمنى ناھايىتى بەك راھەتلەندۈرىدۇ.
   3. روھىيەت قاتلىمى جەھەتتىن ئېيتقاندا: ئادەمگە بەك خوشياقىدىغان بولغاچقا، خۇمار قىلىپ قويىدۇ!
   ئادەمنىڭ بۇرۇن بوشلۇقىغا نۇرغۇنلىغان نىرىپلار تارالغان بولۇپ، ھەر قېتىم بارماقلىرىمىزدا بۇرنىمىزنى كوچىلىغاندا، بۇرۇن بوشلۇقىدىكى نىرىپلار غىدىقلىنىدۇ؛ بىز پەقەت بەك قاتتىق كۈچىۋەتمىسەكلا، ئادەمگە ھەقىقەتەن خوش يېقىپ، خۇمار قىلىپ قويىدۇ.
   ئەڭ سىرلىق بولغىنى، بۇرۇن تۆشۈكچىسىنىڭ يۇمشاقلىق ۋە ئىلاستىكىلىقى ئىنتايىن ياخشى بولۇپ، چوڭىيالايدۇ ھەم كىچىكلىيەلەيدۇ، ئادەتتە ئون بارمىقىمىزنىڭ ھەممىسى پېتىپ كېتىدۇ، شۇڭا مەشغۇلات ئېلىپ بارماق ئاسان.
   شۇنىڭ ئۈچۈن، ئىنسانلار تۇغۇلىشىدىنلا بۇرنىنى كوچىلاشقا ئامراق كېلىدۇ.

   لېكىن، بۇرۇن كوچىلاش بۇرۇن تۆشۈكچىسىنى يوغىنىپ قويارمۇ؟
   ئۇنداق بولمايدۇ. بۇرۇن تۆشۈكچىسىنىڭ چوڭ-كىچىكلىكى، بىزنىڭ كىچىك ۋاقتىمىزدا يېتىلىشتىن توختىغان ۋاقىتتىلا بېكىتىلىپ مۇقىملىشىپ بولىدۇ؛ شۇڭا، بىز بۇرنىمىزنى ھەركۈنى توختىماي كوچىلىساقمۇ، ئۇ ھەرگىز يوغىناپ كەتمەيدۇ. بىراق، ئەگەر بۇرۇن كوچىلاش نامۇۋاپىق بولۇپ قالسا، ياللۇغ كەلتۈرۈپ چىقىرىشى مۇمكىن، بۇرۇن تۆشۈكچىسىمۇ ۋاقتىلىق يوغىناپ قالىدۇ؛ ئەمما ياللۇغ قايتقاندىن كېيىن، بۇرۇن تۆشۈكچىسى يەنىلا ئەسلىدىكى چوڭ-كىچىكلىك ھالىتىگە قايتىپ كېلىدۇ.
   ئاخىرىدا مېنىڭ دەيدىغىنىم، بۇرۇننى كوچىلىسىڭىز مەسىلە يوق، ئەمما چوقۇم تىرناقلىرىڭىزنى ۋاقتىدا ئېلىپ تۇرۇشنى ۋە بارماقلىرىڭىزنى پاكىزە تۇتۇشنى ئۇنۇتماڭ.