11-ئاينىڭ 26-كۈنى، لىيۇ خەي بىلەن ئايالى لى مېيۋېن ئۆز ھويلىسىدا تۇرۇپ كولاۋاتاتتى. لىيۇ خەي بىلەن لى مېيۋېن ئىچكى موڭغۇل ئاپتۇنۇم ناھايىتى كۇلۈن ئايمىقى، كوۋ خېزى بازىرىدا ئولتۇرۇشلۇق بىر جۈپ ئەر خوتۇنلار.
    1997-يىلى، 25 ياشلىق سەپتىن چىكىنگەن جەڭچى لىيۇخەينى خىزمەت جەريانىدا تاسادىبىيلىقتىن توك سوقوۋىتىپ، ئۇنىڭ ئىككى قولى كىسىۋىتىلگەن؛ ئايالى لى مېيۋېن گۇاڭشى ئۆلكىسىدىن بولۇپ، 13ياش ۋاقتىدا ھادىسىگە ئۇچراپ ئىككى پۇتىدىن ئايرىلىپ قالغان. رەھىمسىزلىككە تولغان بۇنداق رىئاللىققا قارىتا، لىيۇخەي قالدۇق بىلەكلىرى بىلەن كىيىم كىيىپ تاماق ئىتىشنى ئۆگەندى، لى مېيۋېن بولسا ئىككى ئورۇندۇققا تايىنىپ يول مېڭىشنى ئۆگەندى. 2007-يىلى، لىيۇخەي تېلىۋىزوردا ئۆزى بىلەن ئوخشاش قەيسەرلىك بىلەن ياشاۋاتقان لى مېيۋېننى كۆرۈپ، ئۇنىڭ بىلەن ئالاقىلاشتى. "ئىككىمىز بىرگە بولساق، قول ھەم پۇتىمىز بار بولىدۇ"، بۇ لىيۇ خەينىڭ ئەينى ۋاقىتتا لى مېيۋېنغا بەرگەن ۋەدىسى ئىدى.
    ئىككى ئايدىن كىيىن، تۇغۇلغاندىن بويان تۇنجى قېتىم يېراققا سەپەرگە چىققان لى مېيۋېن، گۇاڭشى ئۆلكىسىدىن ئىچكى موڭغۇلغا كەلدى. بۇ ئىككەيلەن توي قىلغاندىن كىيىن، ئىككى ئادەمدىكى ئىككى قول ۋە ئىككى پۇتقا تايىنىپ، ئۆي ئىشلىرى، كۆكتات تېرىش، توخۇ بېقىش قاتارلىق دىھقانچىلىق ئەمگەكلىرىنى جايىدا قىلىپ ماڭدى. بۇ ئىككەيلەن توي قىلغاندىن بويانقى 11يىل مابەينىدە، مەيلى بالىسى تۇغۇلغان، مەكتەپكە بارغان ۋاقتىلاردا بولمىسۇن ياكى ئەر-خوتۇن ئىككەيلەن ئاغرىپ قېلىپ دوختۇرغا كۆرۈنگەن ۋە كۈندىلىك تۇرمۇشى جەريانىدا بولمىسۇن، ئۇلارنىڭ ئۇرۇغ-تۇققان، دوست-يارەنلىرى كۆپلەپ ياردەم قىلدى؛ بىراق ئەر-خوتۇن ئىككەيلەن نۇرغۇن ئاق كۆڭۈل كىشىلەرنىڭ قىلغان ئىئانىسىنى چىرايلىقچە رەت قىلدى. ئۇلارنىڭ قارىشىچە، ئۇلار ھازىرقىدەك كۆكتات تېرىپ ۋە توخۇ بېقىپ، بىر ئائىلىنىڭ تۇرمۇشىنى قامداپ كىتەلەيدىغان بولۇپ، باشقىلارنىڭ ئاق كۆڭۈللۈكىدىن پايدىلىنىپ پۇل يېغىۋىلىشنى دۇرۇس بىلمەيتتى؛ ئۇلار قىزىغا ئۈلگە بولۇپ، ئۇنىڭغا ئۆزى مۇستەقىل تۇرمۇش كەچۈرەلەيدىغان بولۇشنى ئۆگىتىشنى ئويلايتتى.

    12-ئاينىڭ 1- كۈنى لى مېيۋىن كىيىملەر يۇيۇپ بولغاندىن كىيىن، لىيۇ خەي ئۇ كىيىملەرنى ئېلىپ چىقىپ، سىرتقا يېيىپ قويماقچى بولۇۋاتاتتى.

    12-ئاينىڭ 1-كۈنى، لى مېيۋېن ئارقا ھويلىسىدا، توخۇلارغا يەم بىرىۋاتاتتى.

    11-ئاينىڭ 29-كۈنى، لىيۇ خەي بېرىپ مەكتەپتىن يانغان قىزىنى ئەكەلدى.

    11-ئاينىڭ 27-كۈنى، لى مېيۋېن لىيۇخەينىڭ بېشىنى يۇيۇپ قويۇۋاتاتتى.

    11-ئاينىڭ 30-كۈنى، لى مېيۋېن تاماق ئىتىۋاتاتتى، قىزى بولسا بىر چەتتە ئانىسىغا ياردەملىشىۋاتاتتى.

    11-ئاينىڭ 23-كۈنى، لىيۇ خەينىڭ ئاچىسى نەۋرىسىنى ئېلىپ، لىيۇخەي بىر ئائىلە كىشىلىرىنى يوقلاپ كەلدى.

    لىيۇخەي ئەر-خوتۇن ۋە قىزىنىڭ بىللە چۈشكەن سۈرىتى.(11-ئاينىڭ 30-كۈنى تارتىلغان)
    ئادەمنى تەسىرلەندۈرىدىغان بۇ سۈرەتلەر، ئەگەر سىزنىڭمۇ يۈرەك تارىڭىزنى چەككەن بولسا، ئاستىندىكى ئېلاننى دەسسىگەچ، سۆز قالدۇرۇش رايونىدا مۇشۇ ۋاقىتتىكى كۆڭۈل ھسياتلىرىڭىزنى كۆپچىلىك بىلەن بەھىرلىنىڭ.