يىڭى زىللاندىيىدە، يېقىندا بىر قېتىملىق ئۆزىنى ئۆلتۈرۋىلىش ۋەقەسى يۈز بەردى؛ 26 ياشلىق بىر ھامىلدار ئايال، قورسىقىدىكى بالىنىڭ جىنسى ئايرىمىسى تەكشۈرۈشى قىلدۇرغاندىن كىيىن ئىز-ئىزدىرەكسىز يوقاپ كەتكەن؛ ئارىدىن تۆت كۈن ئۆتكەندىن كىيى، ئۇ ئايالنىڭ جەسىتى، ئادەم ناھايىتى ئاز بارىدىغان بىر دېڭىز ساھىلىدە بايقالغان بولۇپ، ساقچى تەرەپ نۆۋەتتە، ئۇ ئايالنىڭ باشقىلار تەرپىدىن ئۆلتۈرۈلگەنلىك ئىھتىماللىقىنى يوققا چىقارغان. ئۇ ئايالنىڭ ئىرىنىڭ دىيىشىچە، ئايالى ئىزچىل تۈردە ئوغۇل پەرزەنت تۇغۇشنى زىيادە ئارزۇ قىلىپ كەلگەچكە، بۇ قېتىم قورسىقىدىكى بالىنىڭ قىز ئىكەنلىكىنى بىلىپ، روھى جەھەتتىن تۈگىشىپ، ئۆزىنى ئۆلتۈرۋىلىشنى تاللىغان ئىكەن.

    ئەنگىلىيە "كۈندىلىك پوچتا گىزىتى"نىڭ 24-نويابىردىكى خەۋرىگە ئاساسلانغاندا، ئۆلگۈچى، ھىندىستانلىق ئايال سونام.شىلار، بۇ يىل 26 ياش بولۇپ، ئىرى ساجار بىلەن يىڭى زىللاندىيىنىڭ پايتەختىدە ساياھەت قىلىپ ۋاقىتلىق ئولتۇراقلاشقان ئىكەن. 17-نويابىر كۈنى، قورسىقىغا بەش ئايلىق بولغان سونام ئىرى بىلەن بىللە دوختۇرخانىغا توغۇت ئالدىدىكى ئۆلچەملىك تەكشۈرۈش قىلدۇرۇشقا بارغان؛ ئۇ كۈنى سونام، ئولتىرا ئاۋاز دولقۇنلۇق تەكشۈرتۈشتە قورسىقىدىكى بالىسىنىڭ جىنسى ئايرىمىسىنىڭ قىز ئىكەنلىكىنى بىلگەن؛ كىيىن دوختۇرخانىدىن چىققاندىن كىيىن، سونام ماشىنىغا كىرىپلا ھۆڭرەپ يىغلاپ كەتكەن ھەمدە ئۆيىگە قايتىش يولىدا، ئۆزۈيالغۇز بىردەم ئايلىنىپ كەيپىياتىنى تىنچلاندۇرۇشنى باھانە قىلىپ ماشىنىدىن چۈشۈپ قالغانچە، قايتا ئۆيىگە قايتىپ بارمىغان.

     ئەتىسى ساجار ئايالىنىڭ ئىز-دىرەكسىز يوقاپ كەتكەنلىكى ھەققىدە ساقچىغا دىلو مەلۇم قىلغان؛ ساقچىلار دىلونى قوبۇل قىلىپ ئىزدەشنى باشلىغان ھەمدە شۇ جايدىكى خەلق ئاممىسىنى ئالاقىدار يىپ ئۇچى بىلەن تەمىنلەشكە چاقىرىق قىلغان. ئارىدىن تۆت كۈن ئۆتكەندىن كىيىن، يەنى 21-نويابىر كۈنى، 10نەچچە ياشلىق بىر دولقۇن تېيىلغۇچى، بىر قەدەر چەتكە جايلاشقان ۋالالاپا دېڭىز ساھىلىدە بىر ئايالنىڭ جەسىتىنى بايقاپ، ساقچىغا مەلۇم قىلغان؛ ساقچىلار نەق مەيدانغا يىتىپ كەلگەندىن كىيىن، بۇ جەسەتنىڭ دەل ئۆزى ئىزدەۋەتقان سونامنىڭ جەسىتى ئىكەنلىكىنى بايقىغان. بۇندىن باشقا يەنە، جەسەتنىڭ يېنىدا ئىككى يانفون بايقالغان بولۇپ، بۇلارنىڭ ھەممىسى ئۆلگۈچىنىڭ بۇيۇملىرى ئىكەن.

    بۇ دىلو شۇ جايدا زور دەرىجىدە غولغولا قوزغىغان؛ چۈنكى ساجار ئايالىنى ئىزچىل تۈردە ئوغۇل تۇغۇشنى ئارزۇ قىلىپ كەلگەنلىكتىن، قورسىقىدىكى بالىنىڭ قىز ئىكەنلىكىنى بىلگەندە، روھى جەھەتتىن بۇنى قۇبۇل قىلالماي ئۆزىنى ئۆلتۈرۋالغان دەپ ئېيتقان؛ بىراق كىشىلەر ساجارنىڭ بۇ سۆزلىرىنى كاللىسىدىن ئۆتكۈزەلمەي، بىرەر يۇشۇرۇن ئەھۋال بار بولۇشىدىن گۇمانلانغان. ئەمما ساقچى تەرەپ سونامنىڭ باشقىلار تەرپىدىن ئۆلتۈرۈلگەنلىك ئېھتىماللىقىنىڭ يوق ئىكەنلىكىنى ئىسپاتلاپ چىققان بولۇپ، سونامنىڭ ئىرى ساجار بىگۇناھ ئىكەن.