بەزى كىشىلەر پىياز يىيىشنى ياخشى كۆرمەيدۇ، ھەمىشە پىيازنىڭ ئاچچىقى يامان بولغانلىقتىن ئادەمنىڭ كۆزىدىن ياش ئاققۇزۇۋىتىدۇ دىيىشىدۇ. بىراق مۇتلەق كۆپ قىسىم كىشىلەر پىيازنىڭ، تەركىبىدە پىروستاگلاندىن A (前列腺素A) بار بولغان بىردىنبىر كۆكتات ئىكەنلىكىنى چوقۇم بىلمەيدۇ؛ بۇنىڭ بىلەن بىرگە پىيازنىڭ تەركىبىدە يەنە باشقا ۋىيتامىنلارمۇ بار بولۇپ، ئۇلار ئورتاق تەسىر كۆرسىتىپ، قان تۇمۇرلارنىڭ كېڭىيىشى، قان بېسىمنى تۆۋەنلىتىش ۋە قاننىڭ قۇيۇقلىقىنى تۆۋەنلىتىپ نۆكچە شەكىللىنىشنىڭ ئالدىنى ئېلىش قاتارلىق روللارنى ئوينايدۇ.

    سەۋزە يىيىشلىك بولۇپلا قالماي، ئۇنىڭ يەنە نۇرغۇن ئۇزۇقلۇق تەركىبلىرى بار، مەسىلەن سىئانىت فىنوللادىن(山奈酚) قاتارلىق؛ بۇ تەركىبلەرنىڭ ھەممىسىنىڭ قاننىڭ ماي تەركىبىنى تۆۋەنلىتىش ۋە تاجىسىمان ئارتىرىيە تۇمۇرىدىكى قان ئېقىم مىقدارىنى ئاشۇرۇش رولى بار بولۇپ، قان تۇمۇر قېتىشىشقا قارىتا ناھايىتى ياخشى بولغان ياخشىلاش ئۈنۈمى بار.

   سۇلۇ تەركىبىدە سۇدا ئىرىشچان يىمەكلىك تالا ماددىسى ۋە ئادەم بەدىنىگە زۈرۈر بولغان ئامىنو كسلاتا ۋە فىنول كىسلاتا تۈرىدىكى ماددىلار بار بولۇپ، داۋاملىق سۇلۇ ئىستىمال قىلغاندا، قاندىكى قەنت مىقدارى ۋە خولىستىرىننى تۆۋەنلىتىپ، قان سۇيۇقلۇقىنىڭ "ساغلام" ھالىتىنى ساقلاشقا ئىنتايىن بەك پايدىلىق بولىدۇ.

     بىزنىڭ تۇرمۇش مۇھىتىمىزدا، بىز ھەرۋاقىت قوغۇشۇن بىلەن ئۇچرىشىپ تۇرىشىمىز مۇمكىن؛ سامساق بولسا قان تەركىبىدىكى قوغۇشۇننىڭ قۇيۇقلۇقىنى ئۈنۈملۈك ھالدا تۆۋەنلىتەلەيدىغان بولۇپ، بۇ ئارقىلىق بىزنىڭ نىرۋا سېستىمىمىزنى قوغدايدۇ.

    پېدىگەننىڭ ئۇزۇقلۇق تەركىبى ئىنتايىن مول بولۇپ، خولىستىرىننى تۆۋەنلىتىپلا قالماي، يەنە قان نۆكچىلىرى شەكىللىنىپ قېلىشنىڭ ئالدىنى ئالىدۇ؛ بۇلار بىلەن بىرگە پىدىگەننىڭ تەركىبىدە ۋىيتامىن P ۋە ۋىيتامىن C بار بولۇپ، ۋىيتامىن P بولسا قان تۇمۇرلارنىڭ ئىلاستىكىلىقىنى ئۈنۈملۈك ھالدا ئاشۇرالايدۇ ھەمدە بۇ ئارقىلىق قان تۇمۇرلار يېرىلىش ۋە قان چىقىشنى ئازايتىدۇ.