تۇخۇم، ئاددىي پۇقرالارنىڭ ئەڭ ياخشى ئۇزۇقلۇق يېمەكلىكى بولۇپ، باھاسى تۆۋەن ئۇزۇقلۇقى يۇقىرى. تۇخۇمدا ناشتىلىق تەييارلاشقا بولۇپلا قالماي، قورۇما قورۇشتىمۇ كۆپ ئىشلىتىلىدۇ.    ئادەتتە بازاردىن تۇخۇم سېتىۋالماقچى بولساق، مەيلى كۆكتات بازىرىدىكى تۇخۇم بولسۇن ياكى تاللا بازىرىدىكى تۇخۇم بولسۇن، تۇخۇملارنىڭ رەڭگى پەرقلىنىدىغان بولۇپ، كۆپ قىسىم كىشىلەر توخۇمنىڭ سىرتقى شەكلىگە قاراپ تۇخۇم تاللايدۇ. ئەمەلىيەتتە بۇ خىل تاللاش ئۇسۇلى خاتا.    بازاردىكى تۇخۇملارنىڭ رەڭگىنىڭ ئوخشاش بولماسلىقى، ئاساسلىقى ئىككى سەۋەبتىن بولۇپ، بىرسى توخۇنىڭ سورتى ئوخشىمايدۇ، ئىككىنچىسى مېكياننىڭ قېنىدا ئۆزگىرىش كۆرۈلگەن. ئىگىلەشلەرگە ئاساسلانغاندا، دۆلىتىمىزدىكى توخۇلارنىڭ سورتى ئاز دېگەندىمۇ 100 خىلدىن ئاشىدۇ، ئۇنىڭ ئۈستىگە كۆپ قىسىم مېكيانلار ئاق تۇخۇم تۇغىدۇ. شۇڭا، ئادەتتە ئاق رەڭلىك تۇخۇم نىسبەتەن كۆپ ئۇچرايدۇ. مېكياننىڭ قان سۇيۇقلۇقىدا بىر خىل مىتابولىزىم ھاسىلاتى بار بولۇپ، ئەگەر مېكيان بۇ خىل ماددىنى مىتابولىزىملىيالمىسا، ئۇنداقتا بۇ مېكيان تۇغقان تۇخۇم قىزىل رەڭلىك بولىدۇ.    ئەمەلىيەتتە، ئاق شاكاللىق تۇخۇم بىلەن قىزىل شاكاللىق تۇخۇم كۆپ پەرقلەنمەيدۇ، لېكىن تەركىبىدىكى ئۇزۇقلۇقلارنىڭ مىقدارىدا بەلگىلىك پەرق بار. ھەر 100گىرام تۇخۇم تەركىبىدە، قىزىل شاكاللىق تۇخۇمدا 14.4گىرام ئاقسىل بار، ئاق شاكاللىق تۇخۇمدا بولسا 15گىرامغا يىتىدۇ؛ ياغ تەركىبى بولسا، قىزىل شاكاللىق تۇخۇمنىڭ 11.8گىرام، ئاق شاكاللىق تۇخۇمنىڭ بولسا 9.9گىرام بولىدۇ. شۇڭا، بۇ ئىككى خىل تۇخۇمنىڭ ئۇزۇقلۇق تەركىبىدە بەك كۆپ پەرق بولمىغاچقا، نەزەرىيە جەھەتتىن، قايسى خىلنى تاللاپ سېتىۋالساق ئوخشاش بولىدۇ.    لېكىن مەن ئۆزۈم تاللاشقا توغرا كەلسە، مەن ئاق تۇخۇمنى تاللايمەن. چۈنكى، ھازىر يۇقىرى ئاقسىللىق تۆۋەن ياغ تەركىبلىك يېمەكلىكلەرنى ئىستېمال قىلىش تەۋسىيە قىلىنىدۇ.