دەسلەپ باشقىلارنىڭ ئېغىزىدىن، "ئەرلەرنىڭ تالاغا قارىشى پەقەت نۆل قېتىم ۋە نۇرغۇن قېتىم بولىدۇ" دىگەنلىكىنى ئاڭلىغان ۋاقتىمدا ئازراق ئەجەبلەنگەن؛ بىراق، كىيىنچە ئەستايىدىل ئويلاپ باقسام، بۇ گەپنىڭ بەلگىلىك ئاساسى بار ئىكەن. بىر قېتىم ساداقەتسىزلىك قىلغان ئىكەن، ئىككىنچىلەپ ئۇنىڭغا ئىشەنمەك ھەقىقەتەن تەس بولىدۇ. ئەلۋەتتە، ئەرلەرلا ئەمەس، ئاياللارمۇ ئوخشاش بولۇپ، ئەگەر ئايال كىشىنىڭ قەلبى ئۆزگىرىپ باشقا بىرسىنى ياخشى كۆرۈپ قالسا، ئۇلار ھەرقانچە يۇشۇرغان بىلەنمۇ، تۆۋەندىكى ئۈچ ئىشتا چاندۇرۇپ قويىدۇ.

مەقسەتلىك ھالدا سىز بىلەن بەلگىلىك ئارىلىقنى ساقلايدۇ
   ھەممىمىزگە مەلۇملۇق، ئەگەر بىر ئايال كىشى سىزنى ھەقىقى ياخشى كۆرسە، ئۇنداقتا ئۇ سىزگە تەشەببۇسكارلىق بىلەن يېقىنلىشىدۇ؛ يات جىنىسلىقلار ئۆز-ئارا بىر-بىرىنى جەلپ قىلىدىغان بولغاچقا، بۇنىڭغا سىلەرنىڭ ئۆز-ئارا ياخشى كۆرىشىڭلار قوشۇلۇپ، سىز تەشەببۇسكار بولمىغان تەقدىردىمۇ، ئايال كىشى تەشەببۇسكار بولۇپ سىزگە يېقىنلىشىدۇ. بۇ ئۇلارنىڭ تەبىئى ئىنكاسى بولۇپ، ئۆزىنى كونتىرول قىلالمىغان ھالدا سىزگە يېقىنلىشىپ قالىدۇ.
   بىراق، ئەگەر بىر ئايال كىشى سىز بىلەن مۇھەببەتلەشكەندىن كىيىن، ئۇ تۇيۇقسىزلا سىز بىلەن بەلگىلىك ئارىلىق ساقلايدىغان بولۇپ قالسا، ئۇنداقتا بۇ ۋاقىتتا سىز ھۇشيارلىقىڭىزنى ئۆستۈرۈشىڭىز كىرەك؛ چۈنكى، ئۇ ئايال كىشىنىڭ كۆڭلى ئۆزگىرىپ، باشقا بىرسىنى ياخشى كۆرۈپ قالغان بولۇشى مۇمكىن.

سىزدىن تەدرىجى يېراقلىشىپ، سىزگە قايتا كۆڭۈل بۆلمەس بولۇپ قالىدۇ
   بىلىشىڭىز كىرەككى، بىر ئايال كىشى سىزنى ھەقىقى ياخشى كۆرسە، ئۇنىڭ پۈتكۈل ئەس-يادى سىزدە بولۇپ، سىز مۇنداقلا بىر ھۆتىلىپ سالسىڭىزمۇ، ئۇ ئىنتايىن جىددىلىشىپ سىزنى كىسەل بولۇپ قالدىمىكىن دەپ ئەنسىرەپ كىتىدۇ. ئەگەر سىز راستىنلا كىسەل بولۇپ قالسىڭىز ياكى بىرەر ئوڭۇشسىزلىقلارغا دۇچ كەلسىڭىز، ئۇنداقتا ئۇ يېنىڭىزدىن ئايرىلماي سىزدىن خەۋەر ئالىدۇ. ئۇ سىزنى پۈتۈن ۋۇجۇدى بىلەن ياخشى كۆرگەچكە شۇنداق قىلىدۇ.
   بىراق، ئەگەر ئايال كىشى سىزنى ياخشى كۆرمەيدىغان بولۇپ قالسا، ئۇنداقتا، ئۇ سىزدىن ئايرىلىپ كىتىشنىڭ كويىغا چۈشىدىغان بولۇپ، سىزدىن تەدرىجى يېراقلىشىدۇ؛ ھەتتا سىز ئاغرىپ يېتىپ قالغان تەقدىردىمۇ، سىز بىلەن قىلچىلىك چاتىغى بولمايدۇ، سىزدىن ئەنسىرەپ جىددىلىشىدىغان ئەھۋال تېخىمۇ بولمايدۇ. ئەگەر ئايال كىشىدە بۇ خىل ئۆزگىرىشلەر كۆرۈلسە، ئۇنداقتا ئەڭ ياخشىسى ئۆزىڭىزنى ئالداپ يۈرمىگىنىڭىز تۈزۈك.

سىزدىن ئىشلارنى يۇشۇرۇشقا باشلايدۇ
   ئەگەر بىر ئايال كىشى سىزنى چىن دىلىدىن ياخشى كۆرسە، ئۇنداقتا، ئۇ سىزنى كۆڭلىدە بىرىنچى ئورۇنغا قويىدۇ؛ شۇڭا، ئادەتتە بىرەر مەسىلىگە دۇچ كەلسە، بىرىنچى بولۇپ سىزنى ئىزدەشنى ئويلايدۇ ھەمدە بۇنىڭ ئۈچۈن خىجىل بولۇپمۇ يۈرمەيدۇ. ۋاقىتنىڭ ئۆتىشىگە ئەگىشىپ، بۇ ئۇنىڭ ئادىتىگە ئايلىنىدىغان بولۇپ، ئۇنىڭدا سىزگە تايىنىش ئىدىيىسى شەكىللىنىدۇ. بۇ ئەھۋال دەل ئۇنىڭ سىزنى ھەقىقى ياخشى كۆرىدىغانلىقىنى ئىپادىلەيدۇ.
   بىراق، ئەگەر ئايال كىشى تۇيۇقسىزلا سىزدىن بىر ئىشلارنى يۇشۇرىدىغان بولۇپ قالسا ياكى بىرەر مەسىلىگە دۇچ كەلگەندە سىزگە ئېيتمايدىغان بولۇپ قالسا ھەمدە سىزگە ئىھتىياجلىق بولغان ۋاقىتتىمۇ سىزنى ئىزدىمىسە، ئۇنداقتا بۇ ئايال كىشى ئىنىقلا سىزنى ياخشى كۆرمەس بولۇپ قالغان بولىدۇ.