سىزدە يۈزىڭىزگە دانىخورەك كۆپ چىقىپ، بەزىدە ھەتتا نەچچە ئايلاپ يوقىمىغان ئەھۋاللار بولۇپ باققانمۇ؟ توردىن ھەر خىل ئۇسۇللارنى ئىزدەپ سىناپمۇ بۇنىڭغا ئامال قىلالمىدىڭىزمۇ؟

   ئەمەلىيەتتە، دانىخورەكنىڭ ئالدىنى ئېلىشتا، يەنىلا يېمەكلىك ئارقىلىق تەڭشەش قىلىش ئەڭ ياخشى.

   يېمەك-ئىچمەك جەھەتتە، دانىخورەكتىن ساقلىنىش ئۈچۈن تۆۋەندىكى يېمەكلىكلەرنى ئازراق ئىستېمال قىلىش كېرەك.
يۇقىرى ساخارىدلىق يېمەكلىكلەر
   تاتلىق يېمەكلىكلەر نۇرغۇن كىشىلەرنىڭ قارشى ئېلىشىغا ئېرىشكەن. سىز كەيپىياتىڭىز ناچار ۋاقىتتا، تاتلىق يېمەكلىك يېسىڭىز كەيپىياتىڭىز دەرھال ئەسلىگە كېلىدۇ.

   بىراق، دانىخورەك چىقىپ قالغاندا، تاتلىق يېمەكلىكلەرنى بەك كۆپ يىيىش، دانىخورەكنى ياخشىلاشقا پايدىسىز.
   تەتقىقاتلاردا كۆرسىتىلىشىچە، تاتلىق يېمەكلىكلەر ئەمەلىيەتتە بىر خىل قاننىڭ قەنت تەركىبىنى يۇقىرىلىتىۋىتىدىغان كاربون سۇ بىرىكمىلىرى بولۇپ، قان پىلازمىسىنىڭ ئىنسۇلىن قۇيۇقلۇقىنى كۆتۈرۈۋىتىدۇ. بۇ دانىخورەك بىلەن مۇناسىۋەتلىك.
يۇقىرى ماي تەركىبلىك يېمەكلىك
   ئىشىنىمەنكى، نۇرغۇن كىشىلەرنىڭ كۆڭلىگە ئايان، مايسىز تاماق يىيىش ئەمەلىيەتتە ساغلاملىققا پايدىلىق. ئەگەر دانىخورەك چىقىپ قالغاندا مايلىق يېمەكلىكلەرنى بەك كۆپ ئىستېمال قىلغاندا، كېسەللىك ئەھۋالىنىڭ ياخشىلىنىشىغا پايدىسىز بولىدۇ. چۈنكى، دانىخورەك چىقىش، بەك كۆپ ماي تەركىبلىرى ئاجرىلىپ چىقىش سەۋەبىدىن كېلىپ چىقىدۇ.