بۈگۈن كۆپچىلىك بىلەن بىللە، پىدىگەن توغرىسىدا توختىلىپ ئۆتەيلى! ئىشىنىمەنكى كۆپچىلىكنىڭ ھەممىسى پىدىگەن يەپ باققان، پىدىگەننىڭ ئۇزۇقلۇق تەركىبى مول بولۇپ، ئاقسىل، كاربون سۇ بىرىكمىلىرى قاتارلىقلار مول، ماي تەركىبى بولسا ئاز؛ ئۇنىڭ ئۈستىگە باھاسى مۇۋاپىق، شۇڭا پىدىگەننى ياقتۇرۇپ ئىستېمال قىلىدىغان كىشىلەر بىر قەدەر كۆپ بولىدۇ.

   لېكىن بىز پىدىگەن سېتىۋالغان ۋاقىتتا، پىدىگەننىڭ يۇمىلاق ۋە ئۇزۇنچاق ئىككى خىل ئىكەنلىكىنى بايقايمىز؛ بۇ ئىككى خىل پىدىگەننىڭ سورتى ئوخشاش بولمايدۇ. ئۇنداقتا، بۇ ئىككى خىل پىدىگەننىڭ قانداق پەرقى بار؟

سورتى ئوخشىمايدۇ
   ئۇزۇنچاق پىدىگەن، دۆلەت سىرتىدىن كىرگۈزۈلگەن سورت، يۇمىلاق پىدىگەن بولسا دۆلىتىمىزنىڭ ئۆزىدە يىتىشتۈرۈلگەن سورت. بىراق، گەرچە دۆلىتىمىزنىڭ ئۆزىنىڭ سورتى دېگەن بىلەن، پىدىگەن ئەسلىدە دۆلىتىمىزدە يوق بولۇپ، خەن سۇلالىسى دەۋرىدە شەرقى جەنۇبى ئاسىيا، جەنۇبى ئاسىيادىن كىرگۈزۈلگەن. ئۇزۇنچاق پىدىگەن بولسا چەتئەلدىن كىرگۈزۈلگەن كۆكتات بولۇپ، فىرانسىيە پىدىگىنى، بىز ئادەتتە ئۇچرىتىدىغان ئۇزۇنچاق پىدىگەننىڭ ئەجدادىدۇر.
   مەھسۇلات قىممىتى جەھەتتە، ئۇزۇنچاق پىدىگەننىڭ مەھسۇلات مىقدارى، يۇمىلاق پىدىگەنگە قارىغان يۇقىرى ھەمدە توشۇشقىمۇ چىدايدۇ. شۇنىڭ ئۈچۈن، ئادەتتە بازاردا ئۇزۇنچاق پىدىگەننى كۆپرەك ئۇچرىتىمىز.

تەمى ئوخشىمايدۇ
   بەلكىم كۆپ قىسىم كىشىلەر بۇ ئىككى خىل پىدىگەننى ئىستېمال قىلىش جەريانىدا، ئۇلارنىڭ تەمى ئوتتۇرىسىدىكى پەرقنى ھېس قىلىپ يەتكەن بولۇشى مۇمكىن؛ ئۇزۇنچاق پىدىگەننىڭ قاتتىقلىق دەرىجىسى نىسبەتەن يۇقىرى بولۇپ، تالا ماددىسى تەركىبى بىر قەدەر تۆۋەن، تەم جەھەتتە نىسبەتەن يۇمشاق كېلىدۇ؛ يۇمىلاق پىدىگەن بولسا تېخىمۇ بەكرەك يۇمشاق كىلىدىغان بولۇپ، يىگەندە تېخىمۇ كۈچەپرەك چايناش لازىم بولىدۇ.
سۇ تەركىبى ئوخشىمايدۇ
   سۇ تەركىبى جەھەتتە، يۇمىلاق پىدىگەننىڭ سۇ تەركىبى نىسبەتەن تۆۋەن بولۇپ، پىشۇرۇش جەريانىدا ئاسانلىقچە شەكلى ئۆزگىرىپ كەتمەيدۇ؛ ئۇزۇنچاق پىدىگەننىڭ بولسا سۇ تەركىبى نىسبەتەن يۇقىرى بولۇپ، پىشۇرماق تەس، تىمپىراتۇرا ئازراقلا يۇقىرى بولۇپ كەتسە شەكلى ئۆزگىرىپ كېتىدۇ.

   ئەمەلىيەتتە ئۇزۇقلۇق تەركىبى جەھەتتە، بۇ ئىككى خىل پىدىگەننىڭ ئۇزۇقلۇق تەركىبىدە كۆپ پەرق يوق بولۇپ، ئۇزۇقلۇق مەسىلىسىدىن ئەنسىرىمىسەكمۇ بولىدۇ.