ھەر قېتىم كۆكتات بازىرىغا بارغان ۋاقتىمدا، ھەر خىل يېڭى كۆكتاتلارنى ئۇچرىتىمەن، ئەمما مېنىڭ ئەڭ ياقتۇرىدىغىنىم، يەنىلا پاقىراپ تۇرىدىغان ھەم تەملىك بولغان سۈەنتەيزىدۇر. سۈەنتەيزى(蒜薹) بولسا سامساقنىڭ بىخلاپ چىققا غولى بولۇپ، بەزى جايلاردا سامساق نوتىسى دەپمۇ ئاتىلىدۇ. ئۇنداقتا، سۈنتەيزىنىڭ تەن ساغلاملىقىغا قارىتا قانداق پايدىلىق رولى بار؟

　　سۈەنتەيزى تەركىبىدە ساخارىدلار، ئاقسىل، ياغلار، كالتسىي، فوسفور، تۆمۈر، ماگنىي، نىك كىسلاتاسى، ۋىتامىن B قاتارلىق ئۇزۇقلۇق ماددىلار بار بولۇپ، بۇلارنىڭ ھەممىسى ئادەم بەدىنىدە كەم بولسا بولمايدىغان ئۇزۇقلۇق ماددىلاردۇر. تەتقىقاتلاردا بايقىلىشىچە، سۈەنتەيزىنىڭ ئادەم بەدىنىگە قارىتا تۆۋەندىكىدەك پايدىلىق تەرەپلىرى بار ئىكەن:

نىسبەتەن كۈچلۈك بولغان باكتىرىيە ۋىرۇس ئۆلتۈرۈش ئۈنۈمى بار

　　سۈەنتەيزى تەركىبىدە زور مىقداردا سامساق ماددىسى بار، شۇڭا بەلگىلىك دەرىجىدە باكىتىرىيە يوقىتىش ئۈنۈمىگە ئىگە. تەتقىقاتلاردا كۆرسىتىلىشىچە، سۈەنتەيزىنىڭ باكىتىرىيە ئۆلتۈرۈش ئىقتىدارى، پىنتسىللىننىڭ ئوندىن بىرىگە يىتىدىغان بولۇپ، باكتىرىيە ۋە پارازىنت قۇرتلارغا قارىتا نىسبەتەن ياخشى بولغان ئۆلتۈرۈش رولى بار ئىكەن. ھەممىمىزگە مەلۇملۇق، پىنتسىللىننىڭ رىئاكسىيە قىلىش ئېھتىماللىقى بار، شۇڭا پىنتسىللىن ئۇرۇشتىن ئاۋۋال سىناق قىلىدۇ؛ لېكىن سۈەنتەيزىدە بۇنداق مەسىلەن ساقلانمايدىغان بولۇپ، ھېچقانداق رىئاكسىيە پەيدا قىلمايدۇ، شۇڭا خاتىرجەم ئىستېمال قىلىش كېرەك.

ئوكسىدلىنىشقا ۋە قېرىشقا قارشى تۇرۇش

　　سۈەنتەيزى تەركىبىدە، ئىرىشچان تىپىدىكى توزۇشچان ماددا ۋە SOD (سۇپىر ئوكسىد دىسمۇتازا) بار بولۇپ، نىسبەتەن ياخشى بولغان ئوكسىدلىنىشقا ۋە قېرىشقا قارشى تۇرۇش ئۈنۈمىگە ئىگە.

قاندىكى ماي مىقدارىنى تۆۋەنلىتىشتە ياردەمچى رول ئويناش

　　سۈەنتەيزىنىڭ يەنە بەلگىلىك دەرىجىدە قاندىكى ماينىڭ مىقدارىنى تۆۋەنلىتىش رولى بار بولۇپ، تاجىسىمان ئارتىرىيە قېتىشىش تىپىدىكى يۈرەك كېسەللىكى، ئارتىرىيە قېتىشىش ۋە مېڭە قان تومۇر نۆچىسى قاتارلىق كېسەلىكلەرنى داۋالاشتا ۋە ئالدىنى ئېلىشتا ياردەمچى رول ئوينايدۇ.

قەۋزىيەتنى ياخشىلاش

　　سۈەنتەيزىنىڭ تاشقى پوستى قىسىمىدا تالا ماددىلىرى مول بولۇپ، ئاشقازان ئۈچەينى غىدىقلاپ قىمىرلىتىپ، قەۋزىيەتنى ياخشىلايدۇ.

بۇۋاسىرنىڭ ئالدىنى ئالىدۇ
      سۈەنتەيزىنى كۆپرەك ئىستېمال قىلغاندا، بۇۋاسىرنىڭ ئالدىنى ئېلىشقا بولۇپ، بۇۋاسىرنىڭ قايتا قوزغىلىش قېتىم سانىنى ئازايتىپ، يېنىك دەرىجىدىكى بۇۋاسىرغا قارىتا، بەلگىلىك دەرىجىدە ياردەملىشىپ داۋالاش رولىنى ئوينايدۇ.