"ئامېرىكا تىبابەت ژورنىلى" ئىلگىرى ماقالە ئېلان قىلىپ مۇنۇلارنى كۆرسەتكەن: ئادەمنىڭ چوڭ مېڭىسى 30ياشتىن باشلاپ قېرىشقا باشلايدۇ؛ 40ياشتىن كېيىن، ئادەم بەدىنىنىڭ مىتابولىزىم سۈرئىتى ئاستىلاپ، چوڭ مېڭە ھۈجەيرە ئىقتىدارلىرى ئەگىشىپ كېمىيىدۇ، ماغدۇرى، ئەستە ساقلاش ئىقتىدارى، ئىنكاس تېزلىكى تۆۋەنلەيدۇ، بەدەننىڭ ماسلىشىش ئىقتىدارى ئىلگىرىكىگە يەتمەيدۇ؛ 60ياشتىن كېيىن، چوڭ مېڭە ھەر يىلى %15لىك سۈرئەت بىلەن يېگىلەيدۇ.

   يېقىندا، بېيجىڭ شىيېخى دوختۇرخانىسى چىقارغان "مېڭە ساغلاملىقى ھەرىكىتى"، توردا زول ئالقىشلارغا ئىرىشتى.
   بۇ تۆت تۈرلۈك ھەرىكەت، ئاددىيلا بارماق ھەرىكىتى بولۇپ، ھەر بىر ھەرىكەتنى كۈندە 20 قېتىمدىن ئىشلىسەك، مېڭە نىرىپلىرىنى چېنىقتۇرغىلى بولىدۇ.
   بىرىنچى ھەرىكەت: ئىككى قولىمىزنىڭ بەش بارمىقىنى، بىر-بىرىگە ماس كەلتۈرۈپ تەرتىپ بويىچە چىكىشتۈرۈپ بىرىمىز.

   ئىككىنچى ھەرىكەت: ئىككى قولىمىزنىڭ كۆرسەتكۈچ بارمىقى، ئوتتۇرا بارمىقى، نامسىز بارمىقى ۋە چىمچىلاق بارمىقى بىلەن، شۇ قولىمىزنىڭ باش بارمىقىنى تەرتىپ بويىچە چىكىپ چىقىمىز.

   ئۈچىنچى ھەرىكەت: ئىككى قولىمىزنىڭ بەش بارمىقىنى كېسىشتۈرۈپ مۇشت تۈگىمىز.

   تۆتىنچى ھەرىكەت: ئىككى قولىمىزنىڭ بەش بارمىقىنى رەت تەرتىپى بويىچە ئېچىپ، كەينىدىن رەت تەرتىپى بويىچە يېغىپ تۈگىمىز.

   مۇتەخەسسىسلەرنىڭ بىلدۈرۈشىچە، قولدىكى نۇرغۇنلىغان نىرىپلار چوڭ مېڭىگە ئۇلانغان بولۇپ، قول بارماق گىمناستىكىسى، بۇ نىرىپلارنى يىتەرلىك تۈردە غىدىقلاپ، مېڭە ئىقتىدارىنى كۈچەيتىشكە پايدىلىق بولىدۇ ھەمدە تونۇش توسالغۇسى كېسەللىكىنىڭ ئالدىنى ئالىدۇ ياكى داۋاملىق تەرەققىي قىلىشىنى توسىدۇ.
   ئىلگىرى، تەتقىقاتچىلار بارماق گىمناسىتىكىسى ئىشلەيدىغان ساغلام ئەرلەرنىڭ چوڭ مېڭىسىگە قارىتا سىناق ئېلىپ بارغان بولۇپ، نەتىجىدە، ئۇلارنىڭ ئالدى پىشانە پوستلاق قەۋىتىدىكى(ئەستە ساقلاش، ئۆگىنىش قاتارلىق مېڭە ئىقتىدارلىرىنى كونترول قىلىدۇ) قان ئايلىنىش مىقدارى ئادەتتىكى ۋاقىتتىكىگە قارىغاندا كۆپ بولغان. ئۇنىڭ ئۈستىگە، قول  گىمناستىكىسىنىڭ قاتتىقلىق دەرىجىسى تۆۋەن، مەيدانغا بولغان تەلەپمۇ تۆۋەن، شۇڭا كۆپچىلىكنىڭ ئادەتتە كۆپرەك ئىشلەپ بىرىشىنى تەۋسىيە قىلىمىز.