ئاشخانا ئۆيدە ماي بۇسى ئىنتايىن كۈچلۈك بولۇپ، بۇستاتقۇدىكى ماي كىرلىرى نىسبەتەن كۆپ بولغاندىن باشقا، قازاننىڭ تۇۋىقىغىمۇ ھەمىشە بىر قەۋەت ماي كىرى يېپىشىۋىلىپ، قارىماققىلا كۆڭۈلنى ئاينىتقۇدەك مەينەت كۆرۈنۈپ قالىدۇ. بۈگۈن كۆپچىلىكنىڭ دىققىتىگە، تۇۋاقنىڭ يۈز قىسىمىدىكى ماي كىرىنى پاكىزلاش ئۇسۇلىنى تونۇشتۇرۇپ ئۆتىمىز.

سۇ ھورىدا ئىرىتىش
   سۇ ھورى ماي كىرلىرىنى ئىرىتەلەيدىغان بولۇپ، ماي كىرلىرى پارچىلىنىپ ئىرىگەندىن كېيىن ئۇنى يۇيۇپ چىقىرىۋەتمەك ئاسانغا توختايدۇ. ئالدى بىلەن قازانغا ئازراق سۇ قۇيۇپ قىزىتىپ، نەچچە تامچە يۇيۇش سۇيۇقلۇقى قوشىمىز؛ سۇ قاينىغاندىن كېيىن، سۇدىن ئۆرلەپ چىققان ھوردا تۇۋاقنى بۇسلاپ قىزىتىمىز. نەچچە مىنۇت ئۆتكەندىن كېيىن، پاكىزە لاتا بىلەن تۇۋاقنى سۈرتسەك، ماي كىرلىرى پاكىزە چىقىپ كېتىدۇ.

سەۋزە بېشى
   ئادەتتە سەۋزىنىڭ باش قىسىمىنى ئىشلەتمەي كىسىپ ئېلىۋىتىمىز. لېكىن، ئەگەر سەۋزىنىڭ باش قىسىمىنى كىسىپ ئېلىۋەتكەندىن كېيىن تاشلىۋەتمەي، تۇۋاقنىڭ يۈز قىسىمىغا بىر قاتار سۈرۈپ، كەينىدىن تۇۋاقنى سۇدا يۇيۇپ چايقىۋەتسەك، تۇۋاقنىڭ يۈز قىسىمىدىكى ماي كىرلىرى پاكىزە چىقىپ كېتىدۇ.