قىش پەسلى كېتىپ باھار يىتىپ كېلىش ئالدىدا تۇرماقتا، "قىشتا بەدەنگە ماي يېغمىسا سوغۇققا توڭۇپ قالىدۇ" دەپ باھانە كۆرسىتىپ سەمىرىۋالغانلار، ئەمدى ئۇرۇقلاشقا تەييارلىق  كۆرىدىغان ۋاقتىڭىز كەلدى.

   سەمىرىپ قالغان كىشىلەرنىڭ قانداق ئادەتلىرى بار؟
تەخسە قۇرۇقداش
   مەيلى تەخسە ياكى قاچا قانچىلىك چوڭ بولسۇن، تەخسە ياكى قاچىغا ئۇسۇلغان تاماق قانچىلىك بولسۇن، قورسىقى تويۇپ بولغان بولسىمۇ، ئىسراپ قىلماسلىق پىرىنسىپىغا ئاساسەن ھەممىنى يەپ تۈگىتىۋىتىپ ئاندىن ئورنىدىن تۇرىدۇ.
تاماقنى تېز يىيىش
   تاماق يىگەن ۋاقىتتا شىردىن قېلىشمايدۇ، خۇددى مۇشۇ ئالدىدىكى تاماقنى يەپ بولغاندىن كېيىن قايتا تاماق يىيەلمەيدىغاندەك ھالەتتە يەيدۇ. گەرچە قورسىقى تويۇپ تومپىيىپ چىققان بولسىمۇ، ئەمما يەنە ئازراق يىيەلەيدىغاندەك ھېس قىلىپ، بارغانسېرى كۆپ يەيدىغان بولۇپ كېتىدۇ...

ئىچىملىك ئىچىشكە ۋە تاتلىق تۈرۈم يېيىشكە ئامراق
   كاۋاپ يىگەندە ئىچىملىك بولمىسا يىيەلمەيدۇ، تېلىۋىزور كۆرگەندە سۈت چاي بولمىسا كۆرەلمەيدۇ؛ تەبرىكلەيدىغان بىرەر ئىش بولسا، ئىچىملىك ۋە سۈت چاينىڭ ھەر ئىككىسى بولمىسا بولمايدۇ. تاماقتىن كېيىن، چوقۇم تاتلىق تۈرۈم بولمىسا بولمايدۇ.
   بىلىشىڭىز كېرەككى، ئىچىملىك ۋە تاتلىق تۈرۈملەرنىڭ تەركىبىدە زور مىقداردا قەنت ماددىلىرى بار بولۇپ، تاتلىق تەم ئادەمنى خۇمار قىلىپ قويۇپ، چوڭ مېڭىنىڭ ئۆزلۈكسىز تۈردە "قەنت تەركىبى قوبۇل قىلغىن" دەپ بۇيرۇق چىقىرىشىنى ئىلگىرى سۈرىدۇ.
تاماق تاللىماسلىق
   گەرچە كىچىك ۋاقتىمىزدا ئاتا-ئانىمىز تاماق تاللىماسلىق كېرەك دەپ تەربىيە ئىشلىسىمۇ، ئەمما لېكىن.... لېكىن سېمىز كىشىلەر، مەيلى ئاچچىق ياكى مەيلى تاتلىق، مەيلى سوغۇق ياكى مەيلى قىزىق بولسۇن، ۋە ياكى تۇزلۇق مايلىق بولسۇن، ھېچقايسىسىنى تاللىمايدۇ؛ يەيدىغان نەرسە قالماي ئېغىزى بىكار تۇرۇپ قالسا، ئۇلار سۇدا پىشۇرغان ياڭيۇنىمۇ ناھايىتى تەملىك ھېس قىلىپ ئىستېمال قىلىدۇ.