دۇفۇ ئۆزى تەملىك ھەم ئۇزۇقلۇقى مول بىر خىل يېمەكلىك بولۇپ، بىراق ئۇنى پىشۇرغان ۋاقىتتا، بولۇپمۇ داغلىغان ياكى قورىغان ۋاقىتتا ئاسانلا ئىزىلىپ كېتىدۇ! ئەمەلىيەتتە، بەزىبىر تاكتىكىلارنى ئىشلىتىش ئارقىلىق، دۇفۇنى ئىزىۋەتمەي قورۇشقا بولىدۇ.
تۇز سۈيىگە چىلاپ قويۇش
   دۇفۇنى قاچىغا سېلىپ، ئۈستىگە دۇفۇنىڭ ئۈچتىن بىر قىسىمى چۆكۈشكىچىلىك سۇ قۇيغاندىن كېيىن، سۇغا ئازراق تۇز قوشۇپ دۇفۇنى 5مىنۇت چىلاپ قويساق، قولىمىزدا باسساقمۇ ئاسانلىقچە ئىزىلىپ كەتمەيدىغان بولىدۇ.

زەنجىۋىل سۈركەش ئۇسۇلى
   زەنجىۋىل ئارقىلىق دۇفۇنى قازانغا چاپلىشىۋالمايدىغان ھەمدە ئاسانلا ئىزىلىپ كەتمەيدىغان قىلىشقا بولىدۇ.

   زەنجىۋىلدىن ئازراق كىسىپ ئېلىپ، زەنجىۋىل ئېتى كۆرۈنۈپ تۇرغان يىرىنى قازاننىڭ تەگ قىسىمىغا سۈرتۈپ چىقىمىز.

   كەينىدىن ئاندىن قازانغا ماي قۇيۇپ دۇفۇنى سالىمىز.

   كەينىدىن ئوتتۇرا ھال ئوتتا ئاستا-ئاستا داغلىساق، بۇنىڭدا داغلاپ چىقارغان دۇفۇ قازانغا چاپلىشىۋالمايدۇ ھەمدە ئاسان ئىزىلىپمۇ كەتمەيدۇ.

چۆمۈچتە ئىتتىرمەسلىك
   بەزىدە دۇفۇ داغلىغان ۋاقىتتا، دۇفۇنى چۆمۈچتە مىدىرلىتىپ ئىتتىرسەكلا ئىزىلىپ كېتىدۇ.

   دۇفۇنى قازانغا سېلىپ بىردەم داغلىغاندىن كېيىن، قازاننى مىدىرلىتىپ باقساق، ئەگەر دۇفۇ ئورنىدىن قوزغىلىپ مىدىرلىسا، بۇ دۇفۇنىڭ داغلىنىپ بولغانلىقىنى بىلدۈرىدۇ، بۇ ۋاقىتتا چۆمۈچتە يۈزىنى ئۆرىسەك دۇفۇ ئىزىلىپ كەتمەيدۇ.

دۈملەپ پىشۇرۇۋىلىش
   دۇفۇنى ھوردا 15مىنۇت دۈملەپ پىشۇرۋالغاندىن كېيىن داغلىساق، دۇفۇنى قانداقلا قورىساقمۇ ئىزىلىپ كەتمەيدۇ.