بۈگۈن چاي ھەققىدە بەزىبىر ساۋاتلارنى تونۇشتۇرۇپ ئۆتىمىز.
   1. چاي، بەزىبىر كېسەللىكلەرنىڭ ئالدىنى ئالالايدۇ؛ شۇنىڭ ئۈچۈن، ئوتتۇرا ياش ياشانغان كىشىلەر توپىنىڭ چاي ئىچىش ئادىتى، ناھايىتى ياخشى ئادەت ھېسابلىنىدۇ.
   2. چاينىڭ تەركىبىدىكى چاي پولېفىنولىنىڭ، ئوكسىدلىنىشقا قارشى تۇرۇش، بەدەندىكى ئەركىن رادىكاللارنى تازىلاش رولى بار؛ ھەممىمىزگە مەلۇملۇق، بەدەندىكى ئەركىن رادىكاللار بەك كۆپ بولۇپ كېتىش، نۇرغۇن كېسەللىكلەرنىڭ سەۋەبى!
   3. چاي تەركىبىدىكى كوففىئىن، مېڭىنىڭ ھاياجانلىنىش دەرىجىسىنى ئاشۇرۇپ، ئەستە ساقلاش ئىقتىدارى ۋە دىققەتنى مەركەزلەشتۈرۈش ئىقتىدارىنى ئاشۇرىدۇ.
   4. چاينىڭ يەنە سۈيدۈك ھەيدەش رولى بار، شۇڭا بەدەندىكى زەھەرلىك ماددىلارنىڭ بەدەن سىرتىغا چىقىرىلىشىنى ئىلگىرى سۈرىدۇ.
   5. بۇلاردىن باشقا، چاينىڭ ئۇرۇقلاش ۋە قاننىڭ ماي تەركىبىنى تۆۋەنلىتىشكە پايدىلىق رولى بار.

  چاينىڭ پايدىلىق تەرەپلىرى ھەقىقەتەن كۆپ، لېكىن چاي ئىچىشتىمۇ بەلگىلىك قائىدە-پىرىنسىپقا ئەمەل قىلىش كېرەك: چاينى قېنىق دەملىمەي سۇس دەملەپ ئىچىش كېرەك؛ بولمىغاندا، ئاشقازان كىسلاتاسىنىڭ زىيادە كۆپ ئاجرىلىپ چىقىشىنى پەيدا قىلىدۇ، بولۇپمۇ ئاچ قورساققا قېنىق دەملەنگەن چاي ئىچسەك، ئاشقازان چاپلاشقاق پەردىسىنى ئېغىر دەرىجىدە زىيانغا ئۇچرىتىدۇ. قېنىق دەملەنگەن چاي، زىيادە ھاياجانلىنىشنى كەلتۈرۈپ چىقىرىش سەۋەبلىك يۈرەك سوقۇشنى تېزلىتىپ، ئۇيقۇ قېچىشنى پەيدا قىلىدۇ. ئۇزۇن مەزگىل قېنىق دەملەنگەن چاي ئىچىپ ئادەتلەنگەندە، بەدەندىكى كالتسىي تەركىبىنىڭ ئېقىپ خوراپ كېتىشىنى پەيدا قىلىپ، سۆڭەك شالاڭشىش كېسەللىكىنى كەلتۈرۈپ چىقىرىدۇ.
   ئومۇملاشتۇرۇپ ئېيتقاندا، چاي ئىچىش ئادىتىنى يېتىلدۈرۈش كېرەك، ئەمما ئىچىش ئۇسۇلىغا دىققەت قىلماق لازىمدۇر.