قۇرۇق قازان قورىمىسى، بەرەڭگە، قوي گۆشى، كۆكمۇچ قاتارلىق يېمەكلىك ماتېرىياللىرىنى ئىشلىتىپ ۋە سامساق، غولپىياز، زەنجىۋىل قاتارلىق خۇرۇچ ماتېرىياللىرىدىن پايدىلىنىپ تەييارلانغان بىر خىل قۇرۇق قازان قورىمىسى بولۇپ، تەمى ئاچچىق ھەم تەملىك كېلىدۇ. بۈگۈن كۆپچىلىكنىڭ دىققىتىگە، قۇرۇق قازان بەرەڭگە قورىمىسى قورۇشنىڭ ئىككى خىل ئۇسۇلىنى تونۇشتۇرۇپ ئۆتىمىز.

   كېتەرلىك ماتېرىيال: ئىستېمال مېيى، بەرەڭگە، كۆكمۇچ، قىزىلمۇچ، غولپىياز، زەنجىۋىل، سامساق، پۇرچاق بوتقىسى
   تەييارلاش ئۇسۇلى
    1. بەرەڭگىنى پارچە ھالىتىدە توغراپ، سۇغا چىلاپ يۈز قىسىمىدىكى كىراخمالنى يۇۋىتىمىز ھەمدە ئاشخانىدا ئىشلىتىدىغان سۈرتكۈچ قەغەز بىلەن سىرتقى يۈزىدىكى سۇلارنى پاكىزە سۈرتىۋىتىمىز.
    2. قازانغا ماي قۇيۇپ، ماي 8-7ئۈلۈش قىزىغاندىن كېيىن بەرەڭگىنى سېلىپ داغلايمىز؛ بەرەڭگە داغلىنىپ ئالتۇن رەڭگە ئۆزگەرگەندە سۈزۈپ ئېلىۋالىمىز.
   3. قازاندا ئازراق ماي قالدۇرۇپ، زەنجىۋىل، سامساق ۋە غولپىياز قاتارلىقلارنى سېلىپ تەم چىقارغاندىن كېيىن، بەرەڭگە ياپراقچىسىنى سېلىپ قورۇيمىز؛ كەينىدىن كۆكمۇچ، قىزىلمۇچ، تۇز، پۇرچاق بوتقىسى، توخۇ تەم جەۋھىرى ۋە ئازراق سۇ قوشۇپ قورۇپ، سۈيى تۈگىگەندىن كېيىن ئوتنى ئۆچۈرۈپ، ئۈستىگە ئازراق غولپىياز مايسىسى سېپىۋەتسىڭىزلا ئۇسۇپ ئېلىشقا بولىدۇ.

   كېتەرلىك ماتېرىيال: بەرەڭگە، كۆكمۇچ، قوي گۆشى، سەۋزە، پۇرچاق بوتقىسى
   تەييارلاش ئۇسۇلى
   1. بەرەڭگىنى ياپراقچە ھالىتىدە توغراپ، سۇدا چايقىۋەتكەندىن كېيىن سۈيىنى پاكىزە ساقىتىۋىتىمىز. قازانغا ماينى كۆپرەك قۇيۇپ، ماي ئازراق قىزىغاندىن كېيىن بەرەڭگە ياپراقچىسىنى سالىمىز ھەمدە ئىككى تەرىپى ئالتۇن سېرىق رەڭگە كىرگۈچە داغلايمىز.
   2. كۆكمۇچنى يانتۇ ھالەتتە توغرايمىز، سەۋزىنى ياپراقچە ھالىتىدە توغرايمىز، گۆشنى نىپىز توغرايمىز.
   3. ئالدىدا بەرەڭگە داغلاپ ئېشىپ قالغان مايغا گۆش، كۆكمۇچ، سەۋزە قاتارلىقلارنى سېلىپ قورۇيمىز.
   4. پۇرچاق بوتقىسى سېلىپ قورۇپ قىزىل ماي چىقارغاندىن كېيىن، ئىككى چۈمۈچ سۇ قۇيۇپ، توخۇ تەم جەۋھىرى سالىمىز.
   5. بەرەڭگىنى سېلىپ، سۈيى قالمىغۇچە قورۇپ ئۇسۇپ ئالساق بولىدۇ.