تازىلىق قەغىزى(卫生巾)، ھەر بىر ئائىلىدە چوقۇم ساقلىنىدىغان زۆرۈر لازىمەتلىكنىڭ بىرى؛ بەزى كىشىلەر ئۇنى كۆپ ئىقتىدارلىق بۇيۇم ئورنىدا ئىشلىتىپ، ھاجەتخانىدا ئىشلەتكەندىن باشقا، ئۇنى يەنە ئۈستەل سۈرتۈشكە، ئاياغ سۈرتۈشكە ئىشلىتىدۇ، بەزىلەر بالىلىرىغا تاماق قەغىزى قىلىپ بىرىدۇ ياكى بالىسىنىڭ بۇرنىنى سۈرتىدۇ. چۈنكى، تازىلىق قەغىزى ئىشلىتىش جەھەتتە ھەقىقەتەن قولايلىق. لېكىن، بۇنداق ئىشلىتىش ئۇسۇللىرى زادى توغرىمۇ ئەمەس؟ تازىلىق قەغىزىنىڭ توغرا ئىشلىتىش ئۇسۇللىرى قانداق بولىدۇ؟

   1. ئۆيىدە كىچىك بالىسى بارلار، مەيلى ئېغىزىنى سۈرتۈش ئۈچۈن بولسۇن ياكى بۇرنىنى سۈرتۈش ئۈچۈن بولسۇن، ئەڭ ياخشىسى تازىلىق قەغىزى ئىشلەتمەسلىك كېرەك؛ بالىلارنىڭ ئېغىزىنى ياكى بۇرنىنى سۈرتۈشكە، ھۆل قەغەز ياكى سالفېتكا قەغىزى(餐巾纸) تېخىمۇ بەكرەك ماس كېلىدۇ؛ ئۇنىڭ ئۈستىگە  ئەڭ ياخشىسى بوۋاقلار مەخسۇس ئىشلىتىدىغىنىنى سېتىۋالساق، ھەم پاكىزە ھەم ساغلام بولىدۇ.
   2. زۇكام تىگىپ قالغان ۋاقىتتا، بىز ئادەتتە ھەمىشە تازىلىق قەغىزىدە بۇرنىمىزنى سۈرتىمىز؛ لېكىن تازىلىق قەغىزى بۇرۇن ۋە ئېغىزىمىزغا تىگىشىدىغان بولغاچقا، بۇنداق ۋاقىتتا ئەڭ ياخشىسى سۈنئىي ماتېرىياللار قوشۇلماي ئۆز رەڭگىدە ئىشلەنگەن سۈپىتى ياخشى قەغەز ئىشلىتىش، بولمىسا لۆڭگە ئىشلىتىپ ئېرىنمەي يۇيۇپ پاكىزلاپ تۇرۇش كېرەك، بۇنىڭدا نىسبەتەن بىخەتەر بولىدۇ.

   3. بەزى ئائىلىلەردە، تاماق يىگەن ۋاقىتتا، ئۈستەلگە بىر يۆگەپ تازىلىق قەغىزى قويۇپ قويىدۇ؛ بۇنىڭدىكى مەقسەت قولايلىقنى كۆزلەش بولۇپ، بىر ئائىلە كىشىلىرى يىرتىپلا ئىشلىتەلەيدۇ. لېكىن، تازىلىق قەغىزى تەركىبىدە باكتىرىيە بار بولۇپ، تاماق ئۈستىلىدە ئىشلىتىشكە ماس كەلمەيدۇ؛ شۇڭا تاماق ئۈستىلىدە، ئەڭ ياخشىسى سالفېتكا قەغىزى ئىشلىتىش لازىم.