ھازىر كىشىلەر ناھايىتى غەلىتە بولۇپ قالغان، بىكاردىن بىكار ئاشقازىنىنى قىيناشنى ياخشى كۆرىدۇ. مەسىلەن، خىزمەت ئالدىراش دەپ ۋاقتىدا تاماق يېمەيدۇ؛ مۇھەببىتىدىن ئايرىلسا، ئازابلاندىم دەپ چوڭ يەپ چوڭ ئىچىدۇ؛ ئاخىرىقى نەتىجىدە، بۇ قىلمىشلار ئېلىپ كەلگەن ئاقىۋەتنى ئۇلارنىڭ ئاشقازىنى ئۈستىگە ئالىدۇ. لېكىن بۇنداق قىلىۋەرگەندە، ئاشقازان راكى ئىزدەپ كېلىپ قېلىشى مۇمكىن.

   ئەگەر ئېغىزىڭىزدا تۆۋەندىكىدەك ئۈچ خىل سىگنال كۆرۈلسە، ئاشقازىنىڭىزغا زىيان يەتكۈزىدىغان بارلىق قىلمىشلىرىڭىزنى توختىتىشىڭىز كېرەك.
دائىم ھېق تۇتۇپ قېلىش
   ناگاندا بىر ھېق تۇتۇپ قېلىش، بەلكىم بەك تويۇنۇپ كەتكەنلىكتىن ياكى سۇغۇق ھاۋا سۈمۈرىۋالغانلىقتىن بولۇشى مۇمكىن؛ لېكىن، ھەمىشە ئۆزىمىزنى توختىتالماي ھېق تۇتۇپ كەتسەك، ئۇنداقتا سىز بۇنىڭدىن ئېھتىيات قىلىشىڭىز كېرەك. چۈنكى بۇ، ئاشقازان چاپلاشقاق پەردىسىنىڭ زەخمىگە ئۇچراپ، نىرىپنى قايتا-قايتا غىدىقلىغانلىقنىڭ نەتىجىسى بولۇشى مۇمكىن.

ئېغىزغا ھەمىشە ئاچچىقسۇ يېغىلىپ قېلىش
   ئەگەر ئېغىزىڭىزغا ھەمىشە "ئاچچىق سۇ" يېغىلىۋالسا، ياكى ھەمىشە ئاشقازىنىڭىز ئېچىشقاندەك ھېس قىلسىڭىز، بۇ بەلكىم ئاشقازان سۇيۇقلۇقىنىڭ تەتۈر ئاققانلىقىنىڭ نەتىجىسى بولۇشى مۇمكىن بولۇپ، سىزنىڭ ئاشقازىنىڭىزدا كېسەللىك ئۆزگىرىشى بارلىقىنى بىلدۈرۈپلا قالماي، يەنە قىزىل ئۆڭگەچكىمۇ تەسىر يەتكۈزۈشى مۇمكىن.