گەرچە كەچ كۈز كىرىپ قالغان بولسىمۇ، ئەمما بازاردا يېڭى مىۋىلەر ئاز ئەمەس. بۈگۈن بىز كۆپچىلىكنىڭ دىققىتىگە، مىۋە-چىۋىلەرنىڭ بەزىبىر "كىچىك مەخپىيەتلىكلىرى"نى تونۇشتۇرۇپ ئۆتىمىز؛ سىز بۇنىڭغا ئاساسەن، قايسى مىۋىلەرنى يىيىشنى قارار قىلسىڭىز بولىدۇ.
بۆلجۈرگەن بولسا ئۇرۇقلىتىش مىۋىسى
   ئەگەر سىزنىڭ تاتلىق يېمەكلىكلەرنى يىگۈڭىز كىلىپ قالسا، بۇنىڭ بىلەن بىرگە سەمىرىپ قېلىشتىن قورقسىڭىز، ئۇنداقتا بۆلجۈرگەن سىزنىڭ ئەڭ ياخشى تاللىشىڭىز بولىدۇ.
   بۆلجۈرگەن تەركىبىدىكى مىۋە شېكىرى نىسبەتەن يۇقىرى، ھەتتا بۆلجۈرگەننى، ئەڭ تاتلىق مىۋە دېيىشكە بولىدۇ. بىراق، بۆلجۈرگەن گەرچە تاتلىق بولسىمۇ، ئەمما ئېنېرگىيە مىقدارى تۆۋەن بولۇپ، بىر قېتىمدا بىراقلا كۆپلەپ يەۋالمىسىڭىزلا، پۈتۈنلەي "ئۇرۇقلىتىش يېمەكلىكى" بولالايدۇ.

لىموننىڭ تازىلاش ئىقتىدارى كۈچلۈك
   لىموننىڭ ۋىيتامىنC تەركىبى ھەقىقەتەنمۇ يۇقىرى ئەمەس، ھەتتا يىسىۋىلەككىمۇ يەتمەيدۇ. ئەگەر سىز لىمونغا تايىنىپلا ۋىيتامىنC تولۇقلايمەن دېسىڭىز، ھەر كۈنى ئاز دېگەندىمۇ 8-7تال لىمون يىيىش لازىم بولىدۇ؛ بىراق بۇنداق قىلسىڭىز، ۋىيتامىنC تۇلۇقلىنىپ بولغۇچە، چىشىڭىز ئاۋۋال كاردىن چىقىدۇ.
   لېكىن، لىموننىڭ باشقا مىۋىلەردە يوق بىر خىل ئىقتىدارى بار: توڭلاتقۇ ۋە مىكرو دولقۇنلۇق ئوچاق ئىچىدىكى غەلىتە پۇراقنى يوقىتىش.

تەرخەمەكنىڭ %90دىن يۇقىرى قىسمى ھەممىسى سۇ
   تاغقا يامىشىش، باھار سەيلىسى دېگەنگە ئوخشاش پائالىيەتلەردە، تەرخەمەك ئىنتايىن ياخشى بىر خىل ئۇششاق يېمەكلىك ھېسابلىنىدۇ. تەرخەمەك يىگەندە، قوساق تويۇنۇش تۇيغۇسىنى ئاشۇرۇپلا قالماي، يەنە بەدەندىكى خوراپ كەتكەن سۇ تەركىبىنى تۇلۇقلىيالايدۇ.

كۈزلۈك چىلان، ھەقىقىي تۈردىكى ۋىيتامىن C شاھى
   گەرچە جۇغى كىچىك بولسىمۇ، ئەمما ھەر 100گىرام كۈزلۈك چىلان تەركىبىدىكى ۋىيتامىن Cنىڭ مىقدارى، 243مىللىگىرامغا يېتىدىغان بولۇپ، ئالمىنىڭ 60ھەسسىسىگە، لىموننىڭ 10 ھەسسىسىگە، مايمۇن شاپتۇلىنىڭ 4ھەسسىسىگە توغرا كېلىدۇ؛ شۇڭا، كۈزلۈك چىلان ئىسمى-جىسمىغا لايىق ۋىيتامىن C شاھىدۇر.
ئاق قىراۋ چۈشكەن ئۈزۈم تېخىمۇ تەملىك
   ئاق رەڭلىك قىراۋ، ئۈزۈمنىڭ ئۆزى ئاجرىتىپ چىقارغان گىلىكول تىپىدىكى ماددا بولۇپ، ئادەم بەدىنىگە زىيىنى يوق؛ ئەمما سىرتقى يۈزىدە ئاق قىراۋ بار بولغان ئۈزۈم، تېخىمۇ تەملىك بولىدۇ.

مىۋە يىيىش، ئەمما مىۋە شەربىتى ئىچمەسلىك
   ئىسىڭىزدە بولسۇنكى، قويۇلدۇرۇلغاننىڭ ھەممىسى جەۋھەر قىسىمى بولىدۇ. ئاپلىسىننى مىسالغا ئالساق، بىر ئىستاكان ئاپلىسىن شەربىتىدە، بەش ئاپلىسىنغا تەڭ كېلىدىغان شېكەر ۋە ئېنېرگىيە بار. ئۇنىڭ ئۈستىگە، ئاپلىسىندىن بەشنى يىسەك ئاسانلا تويۇپ قالىمىز؛ لېكىن، بىر ئىستاكان ئاپلىسىن شەربىتى ئىچسەك، ھېچنىمىگە كار قىلمايدۇ. شۇڭا، كۆپچىلىكنىڭ مىۋىنى كۆپرەك يەپ، مىۋە شەربىتىنى ئازراق ئىچىشى تەۋسىيە قىلىنىدۇ.
قەۋزىيەتكە بانان يىگەن بىكار
   بانان گەرچە يىيىشلىك بولسىمۇ، ئەمما ئۇ قەۋزىيەتنى ياخشىلىيالمايدۇ. چۈنكى، باناننىڭ تالا ماددىسى تەركىبى ئۇنچە يۇقىرى ئەمەس، شۇڭا ئۈچەينى غىدىقلاپ قىمىرلىشىنى ئىلگىرى سۈرەلمەيدۇ. بۇندىن باشقا، ئەگەر توڭراق بانان يەپ سالسىڭىز، ئەكسىچە ئاسانلا قەۋزىيەت قىلىپ قويىدۇ.