ئىقتىسادنىڭ ئۇچقاندەك تەرەققى قىلىشىغا ئەگىشىپ، يانفون، ھەممە ئادەمدە چوقۇم بار بولغان بىر بۇيۇمغا ئايلاندى. مەيلى ياشانغانلار بولسۇن ياكى كىچىك دوستلار بولسۇن، ھەممەيلەننىڭ ئۆزىگە تەئەللۇق يانفونى بار. بىراق، يانفون پۈتۈنلەي ئومۇملاشقاندىن كىيىن، نۇرغۇن كىشىلەر، مەيلى تاماق يىگەندە ياكى يول ماڭغاندا بولسۇن، قولىدىن يانفوننى چۈشۈرمەيدىغان بولىۋالدى.
   بۆرەك، ئادەم بەدىنىدىكى مۇھىم بولغان ئەزا؛ ئۇ ئىچكى ئاجرىلىش ئىقتىدارىغا ئىگە بولۇپ، ھەركۈنى بەدەندىكى كىرەكسىز ماددىلارنى ئۈزۈلدۈرمەي بدەن سىرتىغا چىقىرىپ تۇرىدۇ ھەمدە بۇ ئارقىلىق بەدەن ساغلاملىقىنى قوغدايدۇ. لېكىن، تۆۋەندىكى نەچچە خىل ۋاقىت بۆلىكىدە يانفون ئوينىساق، بۆرەك ئىقتىدارىغا تەسىر يەتكۈزىدۇ.

كىچىسى ئۇخلىماي يانفون ئويناش
   ھازىر تۇرمۇش بېسىمى ئېغىر بولغانلىقتىن، كىشىلەرنىڭ كۈندۈزدە يانفون ئوينايدىغانغا ۋاقتى چىقماسلىقى مۇمكىن، شۇڭا ئۇلار كۆپىنچە، كىچىسى ئۇخلاشنىڭ ئالدىدا يانفون ئويناشقا ئادەتلەنگەن بولىدۇ. بىراق، ئۇزۇن ۋاقىت كىچىسى ئۇخلىماي يانفون ئوينىغاندا، ئۇيقۇغا تەسىر يىتىپلا قالماي، يەنە بەدەندىكى ئىچكى ئاجرىلىشقىمۇ تەسىر كۆرسىتىدۇ ھەمدە بۇ سەۋەبلىك روھى ھالىتىمىزغا تەسىر يەتكۈزىدۇ. ئۇنىڭ ئۈستىگە، كىچىدىكى ئۇخلاش ۋاقىتدا، بۆرەك ئۆز-ئۆزىنى تازىلايدىغان ۋە مىتابولىزىملايدىغان بولۇپ، ئەگەر كىچىسى ئۇخلىماي يانفون ئوينىساق، بۆرەككە بەلگىلىك يامان تەسىر ئېلىپ كىلىدۇ.

تاماق يىيىشنىڭ ئالدىدا يانفون ئويناش
    بىز ھەمىشە، بالىلارغا تاماقتىن ئىلگىرى قولنى يۇيۇش ھەققىدە تەربىيە ئىشلەيمىز؛ لېكىن ھازىر، نۇرغۇن كىشىلەر تاماقنىڭ ئالدىدا يانفون ئويناشنى تاللايدۇ، بەزىلەر ھەتتا بىر تەرەپتىن تاماق يىگەچ بىر تەرەپتىن يانفون ئوينايدۇ.
  دوختۇرلارنىڭ تەتقىقاتلىرىدا كۆرسىتىلىشىچە، تاماق يىگەن ۋاقىتتا يانفون ئوينىساق، ئادەمنىڭ دىققىتى چېچىلىپ كىتىپ، بۇ سەۋەبلىك ئىشتىھا تۆۋەنلەش، ھەزىم قىلىش سۇيۇقلۇقى ئاجرىلىشىنى توسقۇنلۇققا ئۇچرىتىش، يېمەكلىكنىڭ ھەزىم بولۇشىغا توسقۇنلۇق قىلىش قاتارلىق ئەھۋاللارنى پەيدا قىلىدىكەن. ئەگەر بۇنداق ئەھۋال ئۇزۇن داۋاملاشسا، ھەزىم قىلىش ئەزالىرى ئىقتىدارى تۆۋەنلەپ كېتىشنى كەلتۈرۈپ چىقىرىپ، بۆرەكنىڭ زەھەرنى بەدەن سىرتىغا ھەيدەپ چىقىرىش ئىقتىدارىنى زىيانغا ئۇچرىتىدۇ.