تۇرمۇشتا، گۈزەل مەنزىرە بىلەن مەززىلىك تائامنى ئۆتكۈزىۋىتىپ قېلىشقا بولمايدۇ. بۈگۈن كۆپچىلىكنىڭ دىققىتىگە، تاتلىق ياڭيۇ يۇپۇرمىقىدىن سۇغۇق سەي تەييارلاشنى تۇنۇشتۇرۇپ ئۆتىمىز. ھەممىمىزگە مەلۇملۇق، تاتلىق ياڭيۇنى ئۇزۇقلۇق تەركىبى مول بولۇپ، خەلق ئارىسىدا "تاتلىق ياڭيۇنىڭ پايدىسى ئادەمگىياھقا يىتىشىپ قالىدۇ"دىگەن قاراش بار؛ بىراق سىزنىڭ بىلمەيدىغىنىڭىز، تاتلىق ياڭيۇ يۇپۇرمىقىنىڭمۇ ئادەتتە ئۇزۇقلۇق قىممىتى ئوخشاشلا يۇقىرى بولۇپ، ئىستىمال قىلىشقا ئىنتايىن ماس كىلىدۇ.

   ئۈستىدىكى بۇ رەسىم، دەل تاتلىق ياڭيۇ يۇپۇرمىقى بولۇپ، بۇ خىل ئۆسۈملۈكنىڭ مىۋىسىنىڭ (تاتلىق ياڭيۇنىڭ) ئۇزۇقلۇق قىممىتى يۇقىرى بولۇپلا قالماي، يۇپۇرمىقىنىڭمۇ ئۇزۇقلۇق قىممىتى يۇقىرى؛ تېخىمۇ مۇھىم بولغىنى، يىيىشلىك، تەييارلاش ئۇسۇلىمۇ ئاددى. شۇڭا، بۈگۈن كۆپچىلىكنىڭ دىققىتىگە، تاتلىق ياڭيۇ يۇپۇرمىقىدىن سۇغۇق سەي تەييارلاش ئۇسۇلىنى تۇنۇشتۇرۇپ ئۆتىمىز.

   ئادەتتە، تاتلىق ياڭيۇغا دېھقانچىلىق دورىسى چېچىش كەتمەيدۇ؛ ھازىر، دېھقانچىلىق دورىسى چېچىش كەتمەيدىغان يىمەكلىكلەردىن پەقەت ياڭيۇ بىلەن تاتلىق ياڭيۇلا قالغان بولۇشى مۇمكىن. شۇنىڭ ئۈچۈن، تاتلىق ياڭيۇ ۋە تاتلىق ياڭيۇ يۇپۇرمىقى، تەبىئى يىشىل يىمەكلىك بولۇپ ھىسابلىنىدۇ.

   ئالدى بىلەن، تاتلىق ياڭيۇ يۇپۇرمىقىنى پاكىزە يۇيۇپ تازىلايمىز؛ قازاندا سۇ قاينىتىپ، تاتلىق ياڭيۇ يۇپۇرمىقىنى سېلىپ ئىككى مىنۇت قاينىتىۋالغاندىن كىيىن، سۈزۈپ ئېلىپ سۇغۇق سۇدىن ئۆتكۈزىۋالىمىز.

   ئىككىنچى قەدەمدە، سۈيىنى سىقىۋەتكەندىن كىيىن، بۆلەك ھالىتىدە توغراپ تەخسىگە ئالىمىز؛ ئۈستىگە كۈنجۈت مېيى، تۇز، قىزىلمۇچ مېيى ۋە سامساق چانالمىسى قاتارلىقلارنى قوشۇپ تەكشى ئارىلاشتۇرساق، تەملىك بولغان تاتلىق ياڭيۇ يۇپۇرمىقى سۇغۇق سېيى تەييار بولىدۇ.