مۇھەببەتلىشىش ئەسلىدە بەخىتلىك ھەم گۈزەل بىر ئىش، نۇرغۇن كىشىلەرنىڭ ئۇنتۇلغۇسىز مۇھەببەت ئەسلىمىلىرى بار. بۈگۈن كۆپچىلىككە سۆزلەپ بەرمەكچى بولغىنىمىز، ئادەمنى تەسىرلەندۈرىدىغان مۇھەببەت ھىكايىسى. ھىكايىمىزدىكى ئايال باش قەھرىمان لى چىن، ئوغۇل دوستى بىلەن مۇھەببەتلىشىپ ئەمدىلا ئۈچ ئاي بولغان ۋاقىتتا، بەخىتسىزلىك تۇيۇقسىزلا ئۇلارنىڭ بېشىغا قونۇپ، ئوغۇل دوستى ھادىسىگە ئۇچراپ ئىككى پۇت كىسىۋىتىلىدۇ. ئەگەر سىز لى چىننىڭ ئورنىدا بولسىڭىز، بۇ ۋاقىتتا قانداق قىلاتتىڭىز؟
   ئادەمنى ھۆرمىتىنى قوزغايدىغىنى، ئوغۇل دوستىنىڭ پۇت كىسىۋىتىلگەندىن كىيىن، لى چىن ئۇنى تاشلاپ كىتىپ قالمىغان؛ ئۇ بەلكى بۇ بۆلەك مۇھەببەتنىڭ مەسئۇلىيىتىنى ئۆز زىممىسىگە ئېلىپ، مەسئۇلىيەتنى مۇشۇ يۈدكەنچە 32يىل يۈدكەن. يىللار ئۇنىڭ چىرايىدا ئىزنالارنى قالدۇرغان بولسىمۇ، ئەمما ئۇ بۇنىڭدىن قىلچىلىك ئاغرىنىپ باقمىغان.

    تۇمۇز ئىسسىقتا، لى چىن مېيىپ ئىرىنى يۈدۈپ پەشتاققا ياماشقان ۋاقىتتا، ھەربىر پەلەمپەي ئۆرلىگەندە، ئۇنىڭدىكى تەر تامچىلىرىدىن بىرسى كۆپىيەتتى. ئۇنىڭ بوي ئېگىزلىكى 168سانتىمىتىر بولۇپ، ئۆزى بىلەن كۆپ پەرقلىنىپ كەتمەيدىغان، ئەمما گەۋرىلىك بولغان ئىرىنى يۈدكەندە، ئۇ خېلىلا كۈچەشكە ئىھتىياجلىق بولۇپ، ھەربىر قەۋەتكە چىققاندىن كىيىن توختىۋىلىپ نەچچە مىنۇت ئارام ئالاتتى.
   بىراق، بۇ ئىشلارغا لى چىن كۆنۈپ كەتكەن بولۇپ، ئىلگىرى كونا ئۆيىدە ئولتۇرىدىغان ۋاقىتتا، ئۇ ھەركۈنى ئىشقا بېرىشتىن بۇرۇن، ئىرىنى يۈدۈپ پەسكە ئېلىپ چۈشۈپ ئورۇنلاشتۇرۇپ قويغاندىن كىيىن، كەچتە ئىشتىن قايتىپ كىلىپ، ئاندىن ئىرىنى يەنە يۈدۈپ ئۆيگە ئېلىپ چىقىپ كىتەتتى.

    لى چىن بىلەن ئىرى چاڭ جىيەنگاڭ، ھەرئىككىسى جاڭ جىياگاڭ شەھرىدىن بولۇپ، 1987-يىلى باشقىلارنىڭ تۇنۇشتۇرۇشى بىلەن ئۆزئارا تۇنۇشقان. ئۇ ۋاقىتتا ھەر ئىككەيلەن ئەمدى 20ياشتىن ئاشقان بولۇپ، چاڭ جىيەنگاڭ قۇرلۇش ئورنىدا ئىشلەيتتى. 12-ئاينىڭ بىر كۈنى، قۇرلۇش ئورنىدىكى جازىدىن چاتاق چىقىپ، ئۇ 9-8مىتىر ئېگىزلىكتىن يېقىلىپ ئېغىر يارىلانغان.
    كىيىن، لى چىن ئىزچىل تۈردە دوختۇرخانىدا ئۇنىڭ ھالىدىن خەۋەر ئالغان. بۇۋاقىتتا، ئۇ ئىككىسى مۇھەببەتلىشىۋاتقىلى ئەمدىلا 3ئاي بولغان ئىدى.

    22يېشىدىلا ھادىسىگە ئۇچراپ قايتا ئورنىدىن تۇرالماسلىق ھەم كىيىنكى ئۆمرىنى كارۋاتتا يېتىپ ئۆتكۈزۈش، چاڭ جىيەنگاڭغا نىسبەتەن چىدىغۇسىز بىر زەربە بولدى. ئەمما لى چىن بولسا، بارلىق خاپىلىقلارنى ئىچىگە يۇتۇۋىتىپ، داۋاملىق چاڭ جىيەنگاڭنىڭ ھالىدىن خەۋەر ئالدى.
    كۆزنى يۇمۇپ ئاچقۇچە يېرىم يىل ۋاقىت ئۆتۈپ كەتتى، لىكىن چاڭ جىيەنگاڭنىڭ ئەھۋالى ياخشىلىناي دىمەيتتى. ئەتراپتىكىلەر، لى چىنغا چاڭ جىيەنگاڭدىن ئايرىلىپ كىتىش ھەققىدە نەسىھەت قىلىشقا باشلىدى، ئىككى تەرەپنىڭ ئاتا-ئانىسىمۇ قارشى چىقتى. بىراق، لى چىن جاھىللىق بىلەن ئاتا-ئانىسىنىڭ نەسىھىتىنى ئاڭلىماي، يۈك-تاقلىرىنى يېغىشتۇرۇپ چاڭ جىيەنگاڭنىڭ يېنىغا كەلدى؛ ھېچقانداق بىر مۇراسىم ئۆتكۈزمەيلا، لى چىن چاڭ جىيەنگاڭنىڭ ئايالىغا ئايلاندى.

    ئىككەيلەن بىرگە بولۇپ ئۈچ يىل ئۆتكەندىن كىيىن، لى چىن ھامىلدار بولدى. ۋاقىتنىڭ ئۆتىشىگە ئەگىشىپ، باشقىلارمۇ قايتا قارشىلىق بىلدۈرمىدى. ئارىدىن ئۇزۇن ئۆتمەي، قىزى دۇنياغا كەلگەندىن كىيى، چاڭ جىيەنگاڭنىڭ ھاياتىغا باشقىچە بىر يۇرۇقلۇق قوشۇلغاندەك بولدى.
   چاڭ جىيەنگاڭ بارغانسىرى ئۆزىگە ئىشنىدىغان بولۇپ ئۆزگىرىپ، ھەركۈنى ئۆيىدە بەزىبىر ئاددى ھەرىكەتلەرنى مەشىق قىلدى. ھازىر ئۇنىڭ بەدىنىنىڭ ئىقتىدارلىرى تەدرىجى ھالدا ئەسلىگە كىلىشكە باشلىدى.

    لى چىن بولسا ئىرىنىڭ بۇ قەيسەرلىكىدىن تەسىرلىنىپ، ئۇمۇ يىڭنە سانجىش، ئۇۋۇلاش قاتارلىقلارنى ئۆزلىكىدىن ئۆگىنىپ، ھەركۈنى ئىرىگە ئۆيدە يىڭنە سانجىش ۋە ئۇۋۇلاش ئېلىپ باردى.
   ئۇلارنىڭ تىرىشچانلىقى ئاخىرى يەردە قالمىدى. ھازىر، چاڭ جىيەنگاڭ بەزىبىر قوراللاردىن پايدىلىنىپ، ئۆيدە ئاستاغىنا ماڭالايدىغان، بەزىبىر ئۆي ئىشلىرىنى قىلىشىپ بىرەلەيدىغان بولدى.

    ھازىر، ئۇلار بىر ئائىلە كىشىلىرى يىڭى ئۆيگە كۆچۈپ كىردى؛ قىزىمۇ چوڭ بولۇپ قاتارغا قوشۇلدى. بىرئائىلە كىشلىرىنىڭ تۇرمۇشى، تەدرىجى ھالدا ياخشى تەرەپكە قاراپ يۈزلنىشىكە باشلىدى.
   مۇھەببەت مۇقەددەس، ئازاپلىق ھەم تەسىرلىك. ھىكايىدىكى باش قەھرىمان لى چىن ئىرىدىن ئايرىلماسلىقى، بىزنى ھەقىقەتەن تەسىرلەندۈرىدۇ. كىشىلىك ھايات ئىگىز-پەسلىكلەرگە تولغان، ئەگەر بىز بەرداشلىق بىرىپ ئۆتۈپ كىتەلىسەك، داغدام يولغا ئۇلىشالىشىمىز مۇمكىن؛ شۇڭا، ھەرقانداق ۋاقىتتا ئۈمىدىڭىزنى يوقىتىپ قويماڭ.