ھازىر ياز كىتىپ كۈز پەسلى يىتىپ كەلدى؛ بۇ ۋاقىتتا، ئەتىگەن كەچتىكى تىمپىراتۇرا پەرقى نىسبەتەن چوڭ بولۇپ، نۇرغۇن كىشىلەر بۇ مەزگىلدە ئاسانلا زۇكام بولۇپ قالىدۇ. گەرچە بۇ بەلگىلىك دەرىجىدە كىلىمات تىمپىراتۇرا پەرقى سەۋەپلىك بولسىمۇ، ئەمما ئەڭ ئاساسلىق مەسىلە، يەنىلا ئۇلارنىڭ ئىممونت كۈچىنىڭ ئاجىز بولغانلىقىدىدۇر. ئىممونت كۈچى، ئادەم بەدىنىدىكى بىر قەۋەت مۇداپىئە تېمى بولۇپ، ئۇنىڭ مەۋجۇتلۇقى، بىزگە ياردەملىشىپ سىرتقى مۇھىتتىن كەلگەن باكتىرىيە ۋىرۇسلارغا قارشى تۇرىدۇ. ئىممونت كۈچى كۈچلۈك بولغان ئادەم، ئادەتتە ئاسانلىقچە زۇكامداپ قالمايدۇ، باشقا كىسەللىكلەرگىمۇ ئاسانلىقچە گىرىپتار بولۇپ قالمايدۇ. ئۇنداقتا، ئىممونت كۈچىنى قانداق قىلىپ كۈچەيتكىلى بولىدۇ؟ تۆۋەندىكى تۆت خىل ئادەتنى ئىزچىل تۈردە داۋاملاشتۇرسىڭىز، بەدىنىڭىز سىزگە رەھمەت ئېيتىدۇ!

ياخشى روھى كەيپىياتنى ساقلاش
   كۈندىلىك تۇرمۇش جەريانىدا، ياخشى بىر روھى كەيپىياتنى ساقلاش، بىزنىڭ ئىممونت كۈچىمىزنى ئاشۇرۇشقا پايدىلىق بولىدۇ. بىز ئادەتتە، كۆپرەك دوست تۇتۇپ، بەزىبىر كۆڭۈل سۆزلىرىمىزنى دىيىشسەك، كۆڭلىمىز ئېچىلىپ قالىدۇ؛ بۇندىن باشقا، بەزىبىر لىرىكىلىق مۇزىكىلارنى ئاڭلاپ بەرسەك، ئۆزىمىز ياقتۇرىدىغان ئىشلارنى قىلساق، بۇنىڭدا بىزنىڭ چوڭ مىڭىمىز قان ئايلىنىشنى ئىلگىرى سۈرىدىغان بولۇپ،  بىر مەزگىل داۋاملاشتۇرغاندىن كىيىن، ئىممونت كۈچىمىز بەلگىلىك دەرىجىدە يۇقىرىلايدۇ.

مۇۋاپىق تۈردە بەدەن چېنىقتۇرۇش
   بىز ئادەتتە، مۇۋاپىق تۈردە ھەرىكەتلىنىپ چېنىقىپ بىرىشىمىز كىرەك. ئەلۋەتتە، ھازىر ئەتىگەن كەچتە ھاۋا نىسبەتەن سۇغۇق بولغاچقا، ئاسانلا تەرلەپ سۇغۇق ئۆتۈپ قېلىشى مۇمكىن؛ شۇڭا، ھەرىكەت مىقدارىنى بەك ئاشۇرۋەتمەي، مۇۋاپىق تۈردە چېنىقىپ بەرسەك، ئۇيقۇمىزنى ياخشىلاش بىلەن بىرگە بەدەندىكى قان ئايلىنىشنى ياخشىلاپ، بەدەن مىتابولىزىمىنى ئىلگىرى سۈرىدۇ. بۇنىڭدا، بەدىنىمىزنىڭ كىسەلگە قارشى تۇرۇش كۈچى يۇقىرىلايدۇ.
قانۇنىيەتلىك دەم ئېلىش ئادىتى يىتىلدۈرۈش
   ياخشى بولغان ئۇيقۇ، بىزنىڭ جىسمانى ۋە روھى جەھەتتىكى ھارغىنلىقىمىزنى تۈگىتىپ، بەدىنىمىزنىڭ ئىممونت كۈچىنى ئاشۇرۇشقا پايدىلىق. ئادەم ئۇخلاش ھالىتىگە كىرگەندە، بەدەن ئىچىدىكى ھۈجەيرىلەر بىر خىل خېمىيىلىك ماددا ھاسىل قىلىدىغان بولۇپ، بۇ خىل ماددىنىڭ ئادەمنىڭ ئىممونت كۈچىنى يۇقىرى كۆتۈرۈش رولى بار.