ھەممىمىز بەلگىلىك مەزگىلدە بىر ساتراچخانىغا بېرىپ چاچ ياسىتىمىز؛ بىراق، پالتا ئىشلىتىپ چاچ ياسايدىغان ساتراچ ئۇستامنى كۆرۈپ باققانمۇ سىز؟ يېقىندا، روسىيەلىك بىر چاچ ياساش ئۇستىسىنىڭ پالتا بىلەن ئىككى ئايالنىڭ چېچىنى ياسىغان ۋىدىئوسى توردا كەڭ تارقىلىپ، نۇرغۇنلىغان كۆرۈرمەنلەرنىڭ دىققىتىنى قوزغىغان. ئەمما ئىشىنىمەنكى، كۆپ قىسىم كىشىلەر، يەنىلا بۇ ئۇسۇلدا چېچىنى ياسىتىشنى سىناپ بېقىشقا جۈرئەت قىلالمايدۇ.

   بۇ چاچ ياساش ئۇستىسىنىڭ ئىسمى داننىل.ستومىن بولۇپ، روسىيە يىڭى سىبىريەدىن؛ توردىكى سۈرەتلىك فىلىمدا، روسىيەلىك ئىككى ساھىبجامال يەردە يۈكۈنۈپ ئولتۇرۇپ، بېشىنى بىر ياغاچ ساندۇقنىڭ ئۆستىگە قويغان. ئۇلار قارىماققا ناھايىتى تەمكىن كۆرۈنەتتى. داننىل بىرلا ۋاقىتتا ئىككى ئايالنىڭ چېچىنى ياسىغان بولۇپ، چاچ ياساش سۈرئىتى خۇددى ئۇسۇل ئوينىغانغا ئوخشاش ناھايىتى تىز ئىدى، قارشى تەرەپنى زەخمىلەندۈرۈپ قويۇشتىن ئازراقمۇ ئەنسىرمەيدىغاندەك قىلاتتى.

   داننىلنىڭ بۇ خىل ئۆزگىچە چاچ ياساش ئۇسۇلى سەۋەبلىك، ئۇ بۇ كوچىدىكى كىشىلەر تەرپىدىن "ئالۋاستى ساتراچ" دەپ ئاتالغان. داننىلنىڭ دىيىشىچە، ئۇ بىكار ۋاقىتلىرىدا بەزىبىر قىزىقارلىق ئىشلارنى ئۆزىنىڭ كەسپى بىلەن بىرلەشتۈرۈشنى ئويلىشىپ، ئاخىرىدا پالتا بىلەن چاچ ياساش ئۇسۇلىنى ئويلاپ تاپقان ئىكەن.

   داننىلنىڭ بىلدۈرۈشىچە، ئۇ دەسلىۋىدە كۆزىنى تېڭىپ قويۇپ چاچ ياساشنى ياكى ئىككى قولىدا تەڭ چاچ ياساشنى سىناپ باقماقچى بولغان؛ بىراق ئاخىرىقى نەتىجىدە، پالتا بىلەن چاچ ياشاشقا ئۆزگىرىپ قالغان.