كۆز، قەلبنىڭ دەرىزىسى؛ بىر-بىرىنى چۈشىنىدىغان ئادەملەرگە نىسبەتەن، كۆز يەنە ئۇچۇر يەتكۈزەلەيدىغان بولۇپ، قارشى تەرەپكە ئۆز خىيالىنى بىلدۈرەلەيدۇ. بىراق ھازىر، كۆپ قىسىم كىشىلەر كۆزنى ھەددىدىن ئارتۇق ئىشلىتىش مەسىلىسىگە دۇچ كىلىۋاتقان بولۇپ، چوڭلارلا ئەمەس، ئوقۇغۇچىلاردىمۇ، يېقىننى كۆرەر كۆز، كۆز قۇرغاقلىشىش، كۆرۈش پەردىسى ياللۇغى قاتارلىق كۆز كىسەللىكلىرى كۆپ كۆرۈلمەكتە.

   ئۇنداقتا بىز كۆزىمىزنى قانداق ئاسرىشىمىز كىرەك؟ بىر قىسىم كىشىلەر سەۋزە يىيىش ئارقىلىق كۆز ئاسراشنى تاللايدۇ. سەۋزىنى پىشىرۇپ يىيىشكە ۋە خام يىيىشكىمۇ بولىدۇ، ئەمما يەنىلا پىشۇرۇپ يىيىش تەۋسىيە قىلىنىدۇ؛ بۇنىڭدا، بەدەننىڭ سەۋزە تەركىبىدىكى كاروتىننى قوبۇل قىلىشىغا پايدىلىق بولۇپ، كۆزگە پايدىلىق تەسىر كۆرسىتىدۇ. سەۋزىدىن باشقا، بىز يەنە قايسى خىل يىمەكلىكلەرنى ئىستىمال قىلىش ئارقىلىق كۆزنى ئاسراش ئۈنۈمىگە ئىرىشەلەيمىز؟

   كۆپچىلىكنىڭ ئورتاق تۇنۇشىدا، سەۋزە ئاندىن كۆزنى ئاسراش يىمەكلىكى ھىسابلىنىدۇ. بىراق، ۋىيتامىنAنوقتىسىدىن ئېلىپ ئېيتقاندا، چىچەكسەينى ئاندىن ھەقىقى "ۋىيتامىنA پادىشاھى دەپ ئاتاشقا بولىدۇ؛ سەۋزىگە سېلىشتۇرغاندا، چىچەكسەي تەركىبىدىكى ۋىيتامىنAنىڭ مىقدارى، سەۋزىنىڭ ئىككى ھەسسىسىگە توغرا كىلىدۇ.
   كۆزىنى كۆپ ئىشلىتىدىغان كىشىلەر، چىچەكسەينى دائىم ئىستىمال قىلىپ بەرسە، كۆز ئاسراش رولىنى ئويناشتىن باشقا، ئۇنىڭ تەركىبىدىكى بەزى ئاكتىپ ماددىلارنىڭ يەنە راكقا ۋە ئوكسىدلىنىشقا قارشى تۇرۇش قاتارلىق ئۈنۈمى بار بولۇپ، مەزى بېزىنى قوغداش، ئۈچەي ساغلاملىقىنى ساقلاش قاتارلىق جەھەتلەردە ئاكتىپ رول ئوينايدۇ.

   چىچەكسەينىڭ ئەڭ ياخشى پىشۇرۇش ئۇسۇلى، دۈملەپ ئىستىمال قىلىش بولۇپ، ئەسلى تەمى ۋە ئۇزۇقلۇق قىممىتى ئەڭ چوڭ دەرىجىدە ساقلىنىپ قالىدۇ. ئەگەر قورۇپ ئىستىمال قىلىشقا توغرا كەلسە، قورۇش ۋاقتى ئۇزۇن بولۇپ كىتىش سەۋەبىدىن چىچەكسەي ئۇزۇقلۇق قىممىتىگە تەسىر يىتىشتىن ساقلىنىش ئۈچۈن، قورۇشتىن ئاۋال سۇدا بىر قاينىتىۋىتىپ ئاندىن قورۇساق بولىدۇ.

   چىچەكسەيدىن باشقا، كەرەپشىنىڭمۇ بەلگىلىك كۆز ئاسراش رولى بار. ھەر يۈز گىرام كەرەپشە تەركىبىدە 488مىكروگىرام ۋىيتامىنA بار بولۇپ، تېخىم مۇھىم بولغىنى، كەرەپشە يۇپۇرمىقى تەركىبىدىكى ۋىيتامىن Aنىڭ مىقدارى، غول يىلتىز قىسمىنىڭ 9 ھەسسىسىگە توغرا كىلىدۇ. شۇڭا، ئەگەر كۆز ئاسراش ئۈنۈمى تېخىمۇ ياخشى بولسۇن دىسەك، ئۇنداقتا كەرەپشە يۇپۇرمىقىنى تاشلىۋەتمەسلىك كىرەك.