مۇھەببەت، توي تۇرمۇشىنى قامداشتىكى بىردىنبىر ئىنىرگىيە بولۇپ، ئوتتۇرلۇقتا مۇھەببەت قالمىغان ئەر-خوتۇنلار خۇددى ئۆلۈك سۇغا ئوخشاش، ئۇلاردا ھېچقانداق ھاياتى كۈچ بولمايدۇ.
   تۆۋەندىكى سەككىز خىل ھالەت، ئەر-خوتۇنلار مۇناسىۋىتىنىڭ ئۈزۈل-كىسىل بۇزۇلغانلىقىنى بىلدۈرىدىغان بولۇپ، بۇنداق ئەر-خوتۇنلار ئاجراشماي يەنە بىرگە ئولتۇرۋالسا، ھېچقانداق ئەھمىيىتى بولمايدۇ.
   1. ئەر-خوتۇنلار گاچىغا ئوخشاش كۈن ئۆتكۈزۈپ، بىر-بىرىگە قەتئى گەپ قىلماسلىق، پىكىر ئالماشتۇرماسلىق، ھەتتا ناتۇنۇش ئادەملەردەكمۇ بولالماسلىق.
   2. ئەر-خوتۇن ئىككى تەرەپ بىر-بىرىنى يوققا چىقىرىپ، ئۆز-ئارا كۆڭۈل بۆلۈشمەسلىك، بىر-بىرىنىڭ ئۆلۈك تىرىكى بىلەن كارى بولماسلىق؛ قارشى تەرەپنىڭ بارلىق قىلمىشلىرىنى ئۆزى بىلەن مۇناسىۋەتسىز دەپ قاراپ، ھېچنىمىگە كۆڭۈل بۆلمەيدىغان سۇغۇق مىجەز بولۇپ قېلىش.

   3. جىنسىيەتسىز توي تۇرمۇشىغا ئۆزگىرىپ، ئەر-خوتۇنلۇق جىنسىي تۇرمۇشىنى ئۇزۇن مۇددەت ئۈزۈپ قويۇش؛ ئۆز-ئارا جىسمىنىڭ بىر-بىرىگە ھېچقانداق جەلپ قىلىش كۈچى قالمايلا قالماي، يەنە تېخى قارشى تەرەپتىن زىرىكىش ھىس قىلىش، ھەتتا يىرگىنىدىغان بولۇپ قېلىش.
   4. ئەر-خوتۇنلار خۇددى ئۈششۈك ھەرىسىگە ئوخشاش، ئازراقلا گەپ توغرا بولماي قالسا جىدەللىشىپ، قارشى تەرەپكە ھېچقانداق چىكىنىش يولى قالدۇرماسلىق؛ قوپال ۋە سەت گەپلەرنى قىلىپ بىر-بىرىنىڭ كۆڭلىگە ئازار بىرىش، ھەتتا قارشى تەرەپنىڭ ئاتا-ئانىسىنىمۇ قوشۇپ ھاقارەتلەش.
   5. ئوتتۇرلۇقتا ئىلگىرىكى قىزغىنلىقلار پۈتۈنلەي يوقاپ، قارشى تەرەپ بىلەن بىرگە ئۇخلاش ياكى ئۇخلىماسلىققا ئىرەنشىپ كەتمەسلىك، ئۇزۇن مۇددەت ئۆي ئايرىپ ئۇخلاپ، ئالاھىدە بىرەر ئىش بولمىسا، ئادەتتە ھەتتا يۈزمۈ كۆرۈشمەسلىك.
   6. ھەر ئىككى تەرەپنىڭ كۆڭلى سۇۋۇپ، قارشى تەرەپنىڭ ھەرقانداق بىر قىلمىشىدىن كۆڭلى ئازار يىمەيدىغان بولۇپ قېلىش؛ ئىزچىل تۈردە سۇغۇق مۇناسىۋەتلەر ئۇرۇشى ھالىتىدە ئۆتۈپ، ھەتتا قارشى تەرەپ بىلەن جىدەللىشىشمۇ خوشياقمايدىغان بولۇپ قېلىش.

   7. ئەر-خوتۇن ھەر ئىككى تەرەپ ئائىلىگە كۆڭۈل بۆلمەي، ھەر ئىككىسى ئۆزىنىڭ ئويىنىنى ئويناش؛ سىرتتا ئويناپ ياشاپ، ھەدىسىلا يېرىم كىچىدە ئاندىن قايتىپ كىلىش، ھەتتا كىچە-كىچىلەپ ئۆيگە قايتماسلىق.
   8. قارشى تەرەپنى ھېچنىمىگە ئەرزىمەيدىغان ھىس قىلىدىغان بولۇپ ئۆزگىرىپ، قارشى تەرەپنى ھەرقانداق بىر جەھەتتىن باشقىلارغا يەتمەيدىغاندەك ھىس قىلىش؛ ھەمىشە قارشى تەرەپنى باشقىلار بىلەن سېلىشتۇرۇپ، باشقىلارنىڭ ئارتۇقچىلىقى ئارقىلىق قارشى تەرەپنىڭ كەمچىلىكىنى ئەيىبلەش، قارشى تەرەپنى ھېچنىمىگە ئەرزىمەيدىغان قاتارغا چىقىرىش.