ئايال كىشى ئەگەر ئۇرۇق بەدەن شەكلىنى ساقلايمەن دىسە، ئۇنداقتا تۆۋەندىكى بۇ تۆت خىل ئۇششاق يىمەكلىكتىن يېراق تۇرۇشى كىرەك بولۇپ، بۇ ئۇششاق يىمەكلىكلەرنى ئىنىرگىيە تەركىبى، بىۋاستە ماي ئىچكەندىن قېلىشمايدۇ.

شىكەر قوشۇپ قورۇلغان كاشتان
   نۇرغۇنلىغان كوچا-كويلار ۋە بازارلاردا، شىكەر قوشۇپ قورۇلغان كاشتان، بىر خىل ئىنتايىن كۆپ ئۇچرايدىغان يىمەكلىك بولۇپ، كىشىلەرنىڭ ياقتۇرۇپ ئىستىمال قىلىشىغا ئىرىشكەن؛ ئۇنىڭ ئۈستىگە، كاشتاننىڭ ئۇزۇقلۇق قىممىتىمۇ بىرقەدەر يۇقىرى. بىراق، ئۇرۇقلاۋاتقان كىشىلەر توپىغا نىسبەتەن، شىكەر قوشۇپ قورۇلغان كاشتاننى يەنىلا ئازراق ئىستىمال قىلىش ياكى ئىستىمال قىلماسلىق كىرەك. چۈنكى، كاشتاننىڭ كىراخمال تەركىبى نىسبەتەن يۇقىرى بولۇپ، يۇقىرى كاربون سۇ بىرىكمىلىرى تەركىبلىك يىمەكلىكلەرگە تەۋە؛ بۇ سەۋەپلىك، شىكەر قوشۇپ قورۇلغان كاشتاننى كۆپ ئىستىمال قىلغاندا، ئادەم بارغانسىرى سەمىرىپ كىتىدۇ.

بەرەڭگە ياپراقچىسى
   بەزى كىشىلەر كۈندىلىك تۇرمۇش جەريانىدا، بەرەڭگە ياپراقچىسى يىيىشنى ياخشى كۆرىدۇ؛ بىراق، سىز ئەگەر بەرەڭگە ياپراقچىسى ئىستىمال قىلىش بىلەن تەڭ ئۇرۇقلايمەن دىسىڭىز، ئۇنداقتا قەتئى خاتالاشقان بولىسىز. چۈنكى، بەرەڭگە ياپراقچىسىنىڭ ئىنىرگىيە تەركىبى يۇقىرى بولۇپ، بىر خالتا بەرەڭگە ياپراقچىسى يىيىش، نەچچە يۇتۇم ماي ئىچكەنگە ئوخشاش بولىدۇ.

گازىر
    گازىر، تۇرمۇشتا ئەڭ كۆپ ئۇچرايدىغان ئۇششاق يىمەكلىك بولۇش بىلەن بىرگە، ئۇ يەنە ماي تارتىش خام ماتىريالى ھىسابلىنىدۇ. چۈنكى،  ئۇنىڭ ماي تەركىبى ناھايىتى يۇقىرى، 100گىرام گازىر 50گىرام مايغا تەڭ كىلىدۇ. شۇڭا، گازىرنى كۆپ چېقىۋەتسىمۇ، ئادەمنى سەمىرتىپ قويىدۇ.