تويلىشىش، ئەسلىدە ئىنتايىن مۇقەددەس بىر ئىش؛ بىراق، بەزى كىشىلەر تويلىشىشقا قارىتا، ئويناشقاندەك پوزۇتسىيە تۇتىدۇ. بولۇپمۇ ھازىرقى بەزى ياشلار، قىزىققانلىق قىلىپ تىز سۈرئەتتە توي تۇرمۇشىغا قەدەم قويىدۇ؛ ئەمما تويلىشىپ بولغاندىن كىيىن، يەنە تېخىمۇ تىز سۈرئەتتە توي تۇرمۇشىدىن ئاجراپ چىقىشنى ئويلايدۇ. بەزىلىرى ھەتتا، توي تۇرمۇشىنى ئاخىرلاشتۇرماي تۇرۇپلا، كىيىنكى "بىكىتى"نى ئىزدەپ تېپىپ بولىدۇ.

   تالاغا قاراش قىلمىشى، ئەسلىدىنلا ئادەمنىڭ غەزىۋىنى قوزغايدىغان بىر خىل قىلمىش بولسىمۇ، ئەمما ھازىر، تالاغا قاراش قىلمىشى ۋاقتىنچە پەقەت ئەخلاق نوقتىسىدىنلا ئەيىبلىنىدۇ؛ بىراق، تۆۋەندىكى ئىككى خىل ئەھۋالدا، تالاغا قاراش قىلمىشى سادىر قىلغان تەرەپنىڭ قانۇنى جاۋاپكارلىقى سۈرۈشتە قىلىنىدۇ.

قوش تويلىشىش
   ئالدى بىلەن ئايدىڭلاشتۇرۋىلىشقا تىگىشلىك بولغىنى، تالاغا قاراش، قوش تويلىشىشقا ۋەكىللىك قىلمايدۇ. ئەمما، تويلاشقان ھەمرىيى بىلەن بولغان توي مۇناسىۋىتى ئۈزۈلمەي تۇرۇپ، ئىككىنچى بىر ئادەم بىلەن ئەر-خوتۇن نامىدا بىرگە تۇرسا، ئۇنداقتا بۇ خىل قىلمىش قوش تويلىشىش جىنايىتىگە چېتىلىدۇ؛ بۇنداق ئەھۋالدا، ئەگەر ئالاقىدار قانۇن ئورۇنلىرىنىڭ تەكشۈرۈپ بىكىتىشى ئارقىلىق جىنايىتى بىكىتىلسە، ئۇنداقتا بۇ ئادەم قانۇنى جاۋابكارلىققا تارتىلىدۇ.

تالاغا قاراش ئوبىكتى ھەربىيلەرنىڭ جۈپتى بولسا
   يەنە بىر خىل ئەھۋال بولسا، قارشى تەرەپنىڭ ھەربىينىڭ تويلاشقان ھەمدە توي مۇناسىۋىتى قانۇنلۇق بولغان جۈپتى ئىكەنلىكىنى بىلىپ تۇرۇپ، يەنە قارشى تەرەپ بىلەن بىنورمال مۇناسىۋەتتە بولسا، ئۇنداقتا بۇنداق ئەھۋالدىمۇ قانۇنى جاۋاپكارلىق سۈرۈشتە قىلىنىدۇ. چۈنكى، ھەربىيلەرنىڭ كەسپى خىزمىتى ئالاھىدە بولۇپ، ئۇلارنىڭ زىممىسىگە دۆلەت ۋە خەلق ئاممىسىنى قوغداشتىن ئىبارەت ئېغىر ۋەزىپە يۈكلەنگەن بولغاچقا، ئۇلار ھەرۋاقىت بۇيرۇق كۈتۈپ تەييارلىقتا تۇرىدىغان، ياكى ئۇزۇن مەزگىل ئائىلىسىدىكىلەرگە ھەمرا بولالمايدىغان ئەھۋاللار بولىدۇ؛ شۇڭا ھەربىيلەرنىڭ توي مۇناسىۋىتى قانۇن تەرپىدىن قوغدىلىدۇ.