بىز بەزىدە، "پالانى ئاچچىقىدىن ئاغرىپ قاپتۇ" دىگەندەك گەپلەرنى ئاڭلايمىز؛ ئۇنداقتا، ئاچچىقلىنىش، راستىنلا ئادەمنى كىسەل قىلىپ قويامدۇ؟ ئەمىلىيەتتە، ئاچچىقلىنىشنىڭ بەدەنگە بولغان زىيىنى ئىنتايىن چوڭ. ئەگەر ھەمىشە ئاچچىقلىنىش ۋە كەيپىيات ئۆزگىرىشى نىسبەتەن چوڭ بولغان ئەھۋالدا تۇرساق، كىسەللىكمۇ بىزنىڭ بەدىنىمىزگە ھۇجۇم قىلىدۇ. تۆۋەندىكى بەش خىل كىسەللىك، ئاچچىقلىنىشتىن كىلىپ چىقىدۇ؛ شۇڭا ئادەتتە، ئاچچىقىڭىزنى بېسىۋالغىنىڭىز ياخشى.

ئاشقازان قاناش
   ئاشقازان ساغلاملىقى، كەيپىيات بىلەن زىچ مۇناسىۋەتلىك بولۇپ، ئادەمنىڭ كەيپىياتى خۇش ۋاقىتتا، ئىشتىھاسىمۇ ئېچىلىپ قالىدۇ؛ كەيپىياتى ناچار ۋاقىتتا بولسا، تاماق يىگۈسى كەلمەيدۇ. ئوخشاش بولمىغان ھىسيات ئىنكاسلىرىنىڭ ئاشقازان-ئۈچەي يوللىرىغا بولغان تەسىرى ئوخشاش بولمايدىغان بولۇپ، ھەمىشە ئاسان ھاياجانلىنىدىغان ۋە ئاسان تىرىكىدىغان كىشىلەردە، ئاسانلا ئاشقازان قاناش كۆرىلىدۇ. ئەگەر ھاياجانلىنىش بەك زىيادە بولۇپ كەتسە، ھەتتا ئاشقازان ئۈچەي چاپلاشقاق پەردىسى شەلۋەرەش ۋە يارا بولۇشنى كەلتۈرۈپ چىقىرىدۇ.

يۈرەك مۇسكۇللىرىغا قان ۋە ئوكسىگىن يىتىشمەسلىك
   ئادەم قاتتىق غەزەپلەنگەن ۋاقىتتا، يۈرەك ئىچكى قىسمىدىكى ئارتىرىيە قان تۇمۇرلىرى يېغىلىپ تارتىشىدۇ ھەمدە بۇ سەۋەپلىك قىسمەن خارەكتىرلىك قان بىلەن تەمىنلەش يىتىشمەسلىك ئەھۋالى كىلىپ چىقىدۇ. بۇندىن باشقا، مىجەزى قوپال ھەم تىرىككەك بولۇپ قېلىش، يۈرەك كىسەللىكلىرىنىڭ ئالدىنقى ئالامىتى بولۇشى مۇمكىن بولۇپ، ئايرىم بىر قىسىم يۈرەك كىسەللىكلىرى بىمارلىرىنىڭ ئالدىنقى مەزگىللىرىدە، مىجەزى تۇيۇقسىز ناچار بولۇپ قېلىش، ئاسان غەزەپلىنىش قاتارلىق ئالامەتلەر كۆرىلىدۇ؛ ئۇنىڭ ئۈستىگە 60-50ياشلىق كىشىلەردە تېخىمۇ ئاسان كۆرىلىدۇ.

بالىياتقۇ كىسەللىكلىرى
   ئاياللار ھەمىشە ئاچچىقلانسا، ئاسانلا ئىچكى ئاجرالما ۋە ھورمۇنلارنىڭ ئاجرىلىشىدا بىنورماللىق پەيدا بولىدۇ. ئىچكى ئاجرالما ۋە ھورمۇنلارنىڭ ئاجرىلىشىدا بىنورماللىق كۆرۈلگەندىن كىيىن، بەدەندىكى ھەرقايسى ئەزالار، بۇنىڭ تەسىرىگە ئۇچرايدۇ؛ بولۇپمۇ كۆپىيىش ئەزالىرى. بالىياتقۇ ئۆسمىسىنىڭ كۆرىلىشى، ئاياللىق ھورمۇنى زىيادە ئېشىپ كىتىش سەۋەبىدىن كۆرىلىدىغان بولۇپ، ئەگەر ئايال كىشى ھەمىشە ناچار كەيپىيات ھالىتىدە تۇرسا، ئۇنداقتا بەدىنىدىكى ھورمۇن سەۋيىسى يۇقىرى ئۆرلەپ، بالىياتقۇ كىسەللىكىگە گىرىپتار بولۇپ قالىدۇ.

ئۆپكە كىسىلى
   نۇرغۇن كىشىلەر، قاتتىق ئاچچىقلىنىش ھالىتىدە تۇرغان ۋاقىتتا، ئاسانلا ئۆپكىسى سىقىلىپ ئاغرىغاندەك ھىس قىلىدۇ. ئەگەر كەيپىيات ئۆزگىرىشى زىيادە چوڭ بولۇپ كەتسە، ئۇنداقتا نەپەسلىنىش تىزلىشىپ، ھەتتا زىيادە ئارتۇق ھاۋا ئالماشتۇرىدىغان ھادىسىلەر كۆرىلىدۇ؛ بۇنداق ئەھۋال، ئۆپكىنىڭ زىيادە كېڭىيىپ كىتىشىنى ھەمدە يىتەرلىك قويۇپ بىرىش ۋە ئارام ئېلىشقا ئىرىشەلمەسلىكىنى كەلتۈرۈپ چىقىرىپ، بۇ سەۋەپلىك ئادەمدە ئۆپكىسى سىقىپ ئاغرىغاندەك ئەھۋال كۆرىلىدۇ.