سىز مۇنداق ئەھۋالغا يولۇقۇپ باققانمۇ؟ ئەمدى يۇيۇنۇپ بولۇپ، قوللىرىڭىزغا قارىسىڭىز، قوللىرىڭىزنىڭ چاچقا تولۇپ كەتكەنلىكىنى بايقايسىز؛ ئادەتتە چېچىڭىزنىڭ چۈشكەنلىكىنى بەك ھىس قىلىپ كىتەلمەيسىز، ئەمما چېچىڭىزنى يۇغان ۋاقىتتا ئەڭ كۆپ چۈشىدۇ. نىمىشقا بۇنداق ئەھۋال كۆرىلىدۇ؟ بۇنىڭ بىر سەۋەبى، سىزنىڭ چېچىڭىز ئەسلىدىنلا جانسى قۇۋۋەت يىتىشمىگەن بولۇشى مۇمكىن؛ يەنە بىر سەۋەبى بولسا، سىزنىڭ چاچ يۇيۇش ئۇسۇلىڭىزنىڭ خاتا بولغانلىقىدا. ئادەتتە، چاچ يۇغاندا تۆۋەندىكىدەك ئادەتلىرى بار كىشىلەرنىڭ چاچلىرى بارغانسىرى ئازلاپ كىتىدۇ.

سۇ بەك قىزىق
   بەزى كىشىلەر باش قىسىمغا سۇغۇق يەتسە بولمايدۇ دەپ قاراپ، بىر يىل360كۈننىڭ ھەممىسىدە بېشىنى قىزىق سۇدا يۇيىدۇ. بىراق، قىش ۋە ياز پەسلىدە، ئادەم بەدىنىنىڭ سۇ تىمپىراتۇرسىغا بولغان تەلىۋىدە ئۆزگىرىش كۆرىلىدۇ. سۇ تىپمىراتۇرسى بەك يۇقىرى بولۇپ كەتسە، چاچ قۇرغاق ھەم نۇرسىز بولۇپ قالىدۇ؛ بۇندىن باشقا يەنە، تۈك تۆشۈكچىلىرىنىڭ ئۇزۇن ۋاقىت ئېچىلغان ھالەتتە تۇرۇشىنى كەلتۈرۈپ چىقىرىپ، چاچ چۈشۈشنى ئېغىرلاشتۇرۋىتىدۇ. ئەمىلىيەتتە، بىرقەدەر ئىلمى بولغان ئۇسۇل بولسا، ئالدى بىلەن ئىلمان سۇدا چاچنى يۇيۇپ، چاچ سوپۇنى ئىشلىتىپ بولغاندىن كىيىن، نىسبەتەن سۇغۇقراق سۇدا بېشىمىزنى چايقىۋەتسەك، بۇنىڭدا تۈك تۆشۈكچىلىرى ئېچىلىش ۋە يېپىلىش جەھەتتىكى چېنىقىش پۇرسىتىگە ئىگە بولۇپ، چاچلىرىڭىزمۇ تېخىمۇ جانلىق بولۇپ كىتىدۇ.

چاچنى يۇيۇش رەت تەرتىۋى خاتا
  چاچ ئاسراش مەلھىمى تەركىبىدىكى ئىئونلارنىڭ ئىنتايىن كۈچلۈك بولغان سۈمۈرۈپ چاپلاشتۇرۇش رولى بار بولۇپ، چاچتىكى مەينەت نەرسىلەرنى ئۆزىگە سۈمۈرۋالىدۇ ھەمدە ئاسانلىقچە يۇيۇپ چىقىرۋەتكىلى بولمايدۇ. چاچ گۈزەل لەشتۈرۈش مۇتەخەسسىسلىرىنىڭ بىلدۈرۈشىچە، چاچتىكى چاچ ئاسراش مەلھەملىرىنى چايقاپ چىقارماق ئىنتايىن تەس بولۇپ، بۇنداق ئەھۋالدا بەلگىلىك دەرىجىدە قالدۇق ماددىلار چاچ ئارىسىدا قېلىپ، چاچنىڭ سۈپىتىگە زىيانلىق تەسىر يەتكۈزىدىكەن. شۇنىڭ ئۈچۈن، توغرا بولغان چاچ يۇيۇش ئۇسۇلى مۇنداق بولۇشى كىرەك: ئالدى بىلەن چاچ ئاسراش مەلھىمى ئىشلىتىپ، كەينىدىن ئاندىن چاچ يۇيۇش سۇيۇقلۇقى ئىشلىتىش، بۇنىڭدا ئاندىن چاچنى ھەقىقى تۈردە يۇيۇپ پاكىزلىغىلى بولىدۇ. بۇندىن باشقا، چاچنىڭ تۈۋى  قىسىمغا چاچ ئاسراش مەلھىمى ئىشلەتمەسلىك كىرەك، چاچ تۈۋى قىسىمدىن ئاز دىگەندىمۇ ئىككى سانتىمىتىر ئارىلىق قويۇپ ئاندىن ئىشلىتىش كىرەك. چۈنكى، چاچ ئاسراش مەلھىمى تۈك تۆشۈكچىلىرىنى توسۇپ قويىدۇ، ھەتتا چاچ چۈشۈشنى كەلتۈرۈپ چىقىرىشىمۇ مۇمكىن.

چاچ يۇيۇش سۇيۇقلۇقىنى بىۋاستە چېچىغا تۆكۈش
   نۇرغۇن كىشىلەر قولايلىق بولۇش ئۈچۈن، چاچ يۇيۇش سۇيۇقلۇقىنى بىۋاستە بېشىغىلا تۆكۈپ، ئاندىن ئاستا-ئاستا چېچىنى يۇيىدۇ؛ ئەمىلىيەتتە، بۇ خىل قىلمىشنىڭ باش تىرىسىگە بولغان زىيىنى ئىنتايىن چوڭ. چاچ يۇيۇش سۇيۇقلۇقىنىڭ پاكىزلاش ئۈنۈمى، ماغزاپ كۆپۈپ چىقىش ئۈستىگە قۇرۇلغان بولۇپ، چاچ يۇيۇش سۇيۇقلۇقىنى بىۋاستە باش قىسىمغا قۇيغان ۋاقىتتا، ئۇنىڭ تازىلاپ پاكىزلاش ئۈنۈمىگە تەسىر يەتكۈزىدۇ. توغرا بولغان ئۇسۇل بولسا، چاچ سۇيۇقلۇقىنى ئاۋال ئالقىنىمىزغا تۆكۈپ، ئۇۋۇلاپ بەلگىلىك ماغزاپ كۆپۈكچىلىرى چىقىرۋالغاندىن كىيىن، ئاندىن بېشىمىزغا ۋە چېچىمىزغا ئىشلىتىشتۇر.