ئەنگىلىيە ۋارىس باررىيدىكى بىر ئەر راك كىسىلى بىلەن 26يىل كۈرەش قىلىش ئارقىلىق، ئاخىرى كىسەل ئۈستىدىن غالىپ كىلىپ، بىر ئائىلە كىشىلىرى ئېغىر بېسىمدىن قۇتۇلۇپ، خۇشال-خۇرام ھالدا يىڭى تۇرمۇشىنى كۈتۈۋالغان. بىراق تەقدىرنىڭ چاقچىقى ئۇلارنى يەنە بىر قېتىم ئىگىزدىن پەسكە تاشلىغان: ئىرىنىڭ كىسىلى پۈتۈنلەي ساقىيىپ بىر يىلدىن كىيىن، ئايالىنىڭمۇ راك كىسىلىگە گىرىپتار بولغانلىقى تەكشۈرۈپ چىقىلغان.
    بۇ يىل 30ياشقا كىرگەن سىكوت.ئادامىس، ئىككى ياش ۋاقتىدا ئاق قان كىسىلىگە گىرىپتار بولۇپ قالغان بولۇپ، بۇ سەۋەپلىك ئۆز بەدىنىدىكى قۇرۇق ھۈجەيرىنى كۆچۈرۈش ئوپراتسىيىسى قىلدۇرۇش ئارقىلىق، راك كىسەللىكى بىلەن قارشىلاشقان. ئۇ 19ياش ۋاقتىدا، ئەينى ۋاقىتتا ئەمدىلا 17ياشقا كىرگەن ئايالى مارتىنى.ئادامىس بىلەن تۇنۇشۇپ توي قىلغان. ئۇ ۋاقىتتا گەرچە دوختۇر ئادامىس كىچىكىدىن باشلاپلا خېمىيىلىك داۋالاشنى قوبۇل قىلىش سەۋەپلىك كۆپىيىش ئىقتىدارىدىن قالغان بولۇشى مۇمكىن دەپ پەرەز قىلغان بولسىمۇ، ئەمما ئۇلار تويدىن كىيىن يەنىلا ئىككى بالىلىق بولغان. ئادامىس، راك كىسەللىكى بىلەن ساق 26يىل كۈرەش قىلىپ، ئاخىرى 2017-يىلىغا كەلگەندە، ئۆزىدىكى راك كىسىلى ئۈستىدىن غەلبە قىلغان. بۇندىن كىيىن، ئادامىس پەقەت قەرەللىك تۈردە تەكشۈرۈش قىلدۇرۇپ، راكنىڭ قايتا قوزغالغان ياكى قوزغالمىغانلىقىنى تەكشۈرۈتۈپ تۇرسىلا بولاتتى. ئايالىنىڭ دىيىشىچە، ئۇ ۋاقىتتا ئۇلار بىر ئائىلە كىشىلىرى ئېغىر بىر يۈكتىن قۇتۇلغاندەك يىنىكلەپ خوشال بولۇشقان.

    بىراق، 2018-يىلى يازغا كەلگەندە، ئايالى مارتىنىدا تۇيۇقسىز دۈمچە قىسمى ئاغرىپ كىتىدىغان ئەھۋال كۆرۈلۈپ، بىر نەچچە ئايلىق ھەر خىل تەكشۈرۈش ۋە قان تەكشۈرۈش ئارقىلىقمۇ ئىنىق سەۋەبىنى تېپىپ چىقالمىغان. كەينىدىن، مارتىنىدا باش قىسىمى قاتتىق ئاغرىپ كىتىدىغان ئەھۋال كۆرۈلۈشكە باشلىغان ھەمدە ئۇنىڭ ئۇمۇرتقا سۆڭىكىنى تىشىپ تەكشۈرۈش ئارقىلىق، ئۇنىڭ يىلىكىنىڭ سۈزۈك رەڭدە ئەمەس بەلكى سېرىق رەڭلىك بولۇپ قالغىنىنى بايقىغان. نەتىجىدە، مارتىنىغا ماگنىت كۈچى رىزونانىس تەكشۈرۈشى ئېلىپ بېرىش ئارقىلىق، ئۇنىڭ ئۇمۇرتقۇسى ۋە مىڭىسىدە كۆپلىگەن ئۆسمىلەرنىڭ بارلىقىنى بايقىغان. ئەسلىدە ئۈمىدۋار ھەم خۇشخۇي كەلگەن مارتىنى، بۇ ۋاقىتتا كۆڭلى بىر شۇملۇقنى سەزگەندەك بولغان.

    ئۇ ئىرى ۋە ئىككى بالىسى بىلەن بىرگە، خۇشاللىققا تولغان رىژدىستوۋا بايرىمى ئۆتكۈزگەندىن كىيىن، 1-ئاينىڭ 2-كۈنىگە كەلگەندە، دوختۇرنىڭ شۇم خەۋرىنى تاپشۇرۇپ ئالغان: مارتىنى  تارقىلىشچان تىپتىكى يۇمشاق مىڭە پەردىسى نىرۋا ئۆسمىسىگە گىرىپتار بولۇپ قالغان. مارتىنىنىڭ ئېيتىشىچە، دوختۇرنىڭ بۇ خىلدىكى ئاز ئۇچرايدىغان مەركىزى نىرۋا سېستىمىسى ئۆسمە كىسەللىكىگە بولغان چۈشەنچىسى چەكلىك بولۇپ، ھازىرچە مارتىنىنىڭ كىسەللىك ئەھۋالىغا ئىنىق بىر نەرسە دىيەلمەيدىكەن ھەمدە مارتىنى بەدىنىدىكى راك ھۈجەيرىلىرىنىڭ ھەر ۋاقىت بەدەننىڭ باشقا قىسىملىرىغا تاراپ، ئۇنىڭ ھاياتىغا خەۋپ ئېلىپ كىلىش ئىھتىماللىقى بار ئىكەن.