ئىگىلەشلەرگە ئاساسلانغاندا، ئامىرىكىلىق بىر جۈپ ئەر-خوتۇن، ئېچىۋىتىلگەن ئەر-خوتۇنلۇق مۇناسىۋىتىنى تەرغىپ قىلىدىغان بولۇپ، ئۇلارنىڭ ھەر ئىككىسىنىڭ ئۆز ئالدىغا ئون نەچچىدىن ئاشنىسى بار ئىكەن؛ تېخى ئۇلارنىڭ دىيىشىچە، بۇ خىلدىكى تويلىشىش مۇناسىۋىتى، ئۇلارنىڭ توي تۇرمۇشىنى تېخىمۇ مۇستەھكەم قىلىدىكەن.

    بۇ يىل 28ياشقا كىرگەن لورا بىلەن مايك ئىككىسى 2015-يىلى توي قىلغان بولۇپ، تويدىن كىيىن، ھەر ئىككىسى ئون نەچچىدىن ئاشنا تۇتىۋالغان. بۇ ئەر-خوتۇنلار، بەش ياشلىق بالىسى يىئىن بىلەن بىرگە ئامىرىكىنىڭ تېكساس شىتاتىدا تۇرىدىكەن. لورا بولسا خېرىدارلار مۇلازىمىتى مەسلىھەتچىسى بولۇپ، ئۇنىڭ دىيىشىچە، ئوخشىمىغان كىشىلەر بىلەن ئۇچرىشىشقا چىقىش، ئۇنىڭ تۇرمۇشىنىڭ بىر قىسمى ئىكەن.

    لورانىڭ چۈشەندۈرۈشىچە، توي قىلغاندىن بويان، ئۇلارنىڭ ھەر ئىككىسى، قارشى تەرەپنىڭ يالغۇز ئۆزىگىلا تەئەللۇق ئەمەسلىكىنى بىلىدىكەن. لورا ھازىر ھەر ئايدا ، ئاز دىگەندىمۇ ئىككى ئۈچ نەپەر باشقا باشقا ئەر كىشى بىلەن ئۇچرىشىشقا چىقىدىكەن.

    مايكمۇ ھەمىشە سىرتلارغا چىقىپ ئاشنا ئوينايدىغان بولۇپ، ئەر-خوتۇن ئىككىسى تېخى بىرگە ئولتۇرۇپ، ئۆزلىرىنىڭ ئاشنىلىرىنىڭ ئالاھىدىلىكلىرى ئۈستىدە مۇھاكىمە قىلىشىدىكەن. ئۇلارنىڭ مۇناسىۋىتى گەرچە بۇنداق ئەقىلگە سىغمىغۇدەك دەرىجىدە ھەيران قالارلىق بولىسمۇ، ئەمما ھەر ئىككىسى، ئائىلىگە ۋە ئوغلىمىزغا مەسئۇل بولۇشىمىز كىرەك دەپ قارايدىكەن.

    ئەر-خوتۇن ئىككەيلەن، ھەمىشە پىكىر ئالماشتۇرۇپ تۇرغاچقا، بۇ خىل قىلمىش مۇناسىۋىتىمىزنى تېخىمۇ مۇستەھكەم قىلىدۇ دەپ قارايدىكەن. ئۇلارنىڭ ئوخشاش بولمىغان ئادەم بىلەن بىنورمال مۇناسىۋەتتە بولۇش تالاغا قاراش ھىسابلانمايدۇ دەپ بىلىدىغان بولۇپ، ئۇلار پەقەت ئىھتىياجىمىزنى قاندۇرۇشىمىز ئۈچۈن، تېخىمۇ كۆپ ھەمراھقا ئىھتىياجلىق بولىمىز دەپ قارايدىكەن. ئەلۋەتتە، ئەر-خوتۇن ئىككىسى، ناگاندا بىر بۇ ئىش ئۈچۈن قارشى تەرەپكە ھەسەت قىلىدىغان بولۇپ، ئەمما ئۇلار بۇنى نورمال ئەھۋال دەپ قارايدىكەن.