چەتئەل ئاخباراتلىرى يېقىندا ئادەمنى تەسىرلەندۈرىدىغان بىر مەيدان كۆرۈنۈشنى خەۋەر قىلدى: ئامرىكا كىرىفلان شەھرىدىن بولغان 7ياشلىق قىز ئادىرىئانا.ئاۋىلىس، ئۆزىنى ئۆلۈم ئېغىزىدىن قۇتۇلدۇرغان شەپقەتچىسى—ئۈچ يىل ئالدىدا ئادىرىئانا ئۈچۈن يىلىك تەقدىم قىلغان مايك.لاۋرىنىس بىلەن تۇنجى قېتىم كۆرۈشتى؛ كىچىك ئادىرىئانا يىغلاپ تۇرۇپ، 29ياشلىق مايكنى قۇچاقلىدى؛ بۇ كۆرۈنۈش ئىنتايىن تەسىرلىك بولۇپ، ئادەم باغرىنى ئىزەتتى.

    2015-يىلى، ئەينى ۋاقىتتا ئەمدىن 4ياشقا كىرگەن ئادىرىئانا، دوختۇرلار تەرپىدىن ئاق قان كسىلى دەپ دىئاگونوز قويۇلدى. يىلىك تەقدىم قىلغۇچى مايك بولسا، داشۆدە ئۇقۇۋاتقان ۋاقتىدىلا يىلىك تەقدىم قىلىش كىلىشىمنامىسى ئىمزالىغان بولۇپ، ئۇنىڭ دىيىشىچە، ئۇ ساغلام ھەم خۇشال ياشاۋاتقان بىر ئادەم ئىكەن، شۇڭا ئۆزىنىڭ بۇ خىل ساغلاملىقى ۋە خۇشاللىقىنى باشقا تەلەيسىز كىشىلەر بىلەن تەڭ بەھىرلىنىش مەسئۇلىيىتى بار ئىكەن. مايكنىڭ بىلدۈرۈشىچە، ئەينى ۋاقىتتا ئۇنىڭ يىلىك تەقدىم قىلىش كىلىشىمنامىسى تۈزۈپ قول قويىشى، قانداقتۇ باشقىلارنىڭ مىننەتدارلىقىغا ئىرىشىش ئۈچۈن ياكى قەھرىمان بولۇش ئۈچۈن ئەمەس بەلكى بۇنداق قىلىشنى توغرا دەپ قارىغانلىقى ئۈچۈن ئىكەن. ئۇنىڭ تەن سالامەتلىك ئەھۋالى ئىزچىل تۈردە ياخشى بولۇپ، ئەگەر باشقىلارنىڭمۇ ساغلام بولۇشىغا ياردەم قىلالىسام، ئەلۋەتتە شۇنداق قىلىشىم كىرەك دەپ قارايدىكەن. ئادەتتە، يىلىك تەقدىم قىلىشنى قوبۇل قىلغۇچى، بىر يىلدىن كىيىن ئاندىن تەقدىم قىلغۇچى بىلەن ئالاقىلىشىشقا رۇخسەت قىلىنىدىغان بولۇپ، بىر يىل چەكلىمە ۋاقتى توشقاندىن كىيىن، ئادىرىئانانىڭ ئانىسى دەرھال مايك بىلەن ئالاقىلاشقان. مايكنىڭ دىيىشىچە، ئۇ ئادىرىئانانىڭ ئانىسىنىڭ ئۇچۇرىنى تاپشۇرۇپ ئالغان ۋاقتىدا، چىن كۆڭلىدىن بىر خىل ئىللىقلىق تۇيغۇسى ھىس قىلغان ھەمدە غايەت زور بىر خىل خۇشاللىق ۋە بەخت تۇيغۇسىغا چۆكۈپ قالغىنىنى بىلدۈرگەن.

    ئۈچ يىلدىن كىيىن، ئادىرىئانا بۇ خىل ئەجەللىك كىسەللىكنى يىڭىپ چىققان ھەمدە ئۆزىگە يىلىكىنى تەقدىم قىلىپ، جېىنىنى قۇتقۇزۇپ قالغان مايك بىلەن تۇنجى قېتىم كۆرۈشكەن. ئادىرىئانا ۋە ئۇنىڭ قوشكىزەك سىڭلىسى مىئا بىرلىكتە، بۇ ياش قەھرىماننى ئۇزۇنغىچە قۇچاقلاپ قولىنى قويۇپ بىرىشنى خالىمىغان.  ئادىرىئانانىڭ دىيىشىچە، ئۇ گەرچە ئەمدى يەتتە ياشقا كىرگەن بولسىمۇ، بىراق ئۇنىڭ پىسخىكىسى خېلىلا پىشىپ يىتىلگەن بولۇپ، بۇ خىل ھاياتلىق سوۋغىتىنىڭ قانچىلىك قەدىرلىك ھەم قىممەتلىك ئىكەنلىكىنى، ئۇ چۈشىنىپ يىتەلەيدىكەن.