بۇرۇن كوچىلاش، ئەزەلدىن ساپاسىزلىقنىڭ ئىپادىسى دەپ قارىلىپ كەلگەن؛ ئەمىلىيەتتىمۇ باشقىلارنىڭ ئالدىدا بۇرنىنى كوچىلاش ئەدەپسىزلىكنىڭ ئالامىتىدۇر. بىراق، بۇرۇن كوچىلاش ساپاسىزلىقنىڭ ئىپادىسى بولۇپلا قالماي، ئۇنىڭ يەنە باشقا زىيانلىق تەرەپلىرىمۇ بار؛ يېقىندا، ئەنگىلىيە ئالىملىرى بورۇن كوچىلاشنىڭ كىسەللىك ئېلىپ كىلىدىغانلىقىنى بايقىغان. بۈگۈن بىز كۆپچىلىكنىڭ دىققىتىگە مۇتەخەسسىسلەر كۆرسىتىپ ئۆتكەن، بۇرۇن كوچىلاشنىڭ زىيانلىق تەرەپلىرىنى تۇنۇشتۇرۇپ ئۆتىمىز.    ئەنگىلىيە لىۋىرپۇل تىروپىك بەلباغ تىببى شۆيەنى تەتقىقاتچىسى ۋىكتورىيە.كاننا دوكتۇر ۋە ئۇ باشلامچىلىق قىلغان تەتقىقات گۇرۇپپىسى، 40نەپەر تەكشۈرۈش ئوبىكتىغا قارىتا، ئۆپكە ياللۇغى ۋىرۇسىنىڭ ئادەم بەدىنى تىرە يۈزىدە تارقىلىش جەريانى سىنىقى ئېلىپ بارغان.    تەكشۈرۈش ئوبىكىتلىرى، ئۆپكە ياللۇغى ۋىرۇسى يۇقتۇرۇلغان بارمىقى بىلەن بۇرنىنى كوچىلىغان ياكى بۇرنىنى ئۆپكە ياللۇغى ۋىرۇسى يۇقتۇرۇلغان بارمىقىغا يېقىن ئەكىلىپ پۇرىغان. نەتىجىدە بۇرۇن كوچىلىغان ياكى بۇرنىنى تۇتۇپ ئۇۋلىغان ۋاقىتتا، ئۆپكە ياللۇغى كىسەللىك ۋىرۇسىنىڭ تارقىلىش مىقدارى ئەڭ كۆپ، تارقىلىش سۈرئىتى ئەڭ تىز بولغان. كاننا دوكتۇرنىڭ بىلدۈرىشىچە، ئۆپكە ياللۇغى شارسىمان باكتىرىيىسى بىلەن يۇقۇملىنىش، دۇنيا مىقياسىدىكى ئادەمنىڭ ئۆلۈپ كىتىشىنى كەلتۈرۈپ چىقىرىدىغان ئاساسلىق سەۋەپلەرنىڭ بىرسى بولۇپ، ھەر يىلى مۇشۇ سەۋەپلىك ھاياتىدىن ئايرىلىدىغان 5ياشتىن تۆۋەن بالىلارنىڭ سانىلا تەخمىنەن 130مىليۇن ئەتراپىدا بولىدىكەن.
    كاننا دوكتۇرنىڭ بۇ تەتقىقاتى، ئۆپكە ياللۇغى كىسەللىك ۋىرۇسىنىڭ ئادەمنىڭ تىرىسى ۋە بۇرۇن بوشلۇقى ئارقىلىق تارقىلىدىغانلىقىنى تۇنجى بۇلۇپ ئىسپاتلاپ چىققان. 1. ئوبرازغا تەسىر يىتىدۇ.
     بۇرۇن كوچىلاش ئۇزۇن مۇددەتلىك ئادەتكە ئايلىنىپ قالغاندا، ئادەمنىڭ بۇرۇن تۆشۈكلىرى يوغىناپ، بۇرۇن قىسىمىنىڭ شەكلى ئۆزگىرىپ كىتىدىكەن.
2. بۇرۇن چاپلاشقاق پەردە ئورگانىزىمى ئاسان زەخمىگە ئۇچرايدۇ.
    بۇرۇن چاپلاشقاق پەردىسىدە قىل قان تۇمۇرلىرى ئىنتايىن كۆپ بولۇپ، دائىم قىلىمىز بىلەن بۇرۇننى كۆچەپ كوچىلىغان ۋاقىتتا، بۇرۇن چاپلاشقاق پەردىسىنى ئاسانلا زەخمىگە ئۇچرىتىپ قان چىقىش كىلىپ چىقىدۇ. ئۇنىڭ ئۈستىگە بەزى قاناش ئۆزلۈكسىز تۈردە داۋاملىشىدىغان بولۇپ، 2-1ھەپتە ۋاقىتتىن كىيىن ئاندىن ئەسلىگە كىلىشى مۇمكىن. 3. ياللۇغلىنىشنى كەلتۈرۈپ چىقىرىدۇ.
    ئادەمنىڭ تىرناق قاتلىرىدا كىسەللىك ۋىرۇسلىرى يۇشۇرۇنغان بولىدۇ؛ شۇنىڭ ئۈچۈن بارماقلىرىمىز بىلەن بۇرنۇمىزنى كوچىلىغاندا، تىرناق ئارىلىرىغا يۇشۇرۇنغان باكتىرىيەلەر ئاسانلا بۇرۇن ئالدى تۆۈكى قاتارلىق قىسىملارغا تارقىلىپ، بۇرۇن بوشلۇقى ياللۇغى، بۇرۇن بوشلۇقىغا چىقان چىقىش قاتارلىق كىسەللىكلەرنى كەلتۈرۈپ چىقىرىدۇ. ئادەتتە، بۇرۇن چاپلاشقان پەردىسى ئېغىر زەخمىلىنىپ تىشىلىپ كەتمىگەن تەقدرىدىمۇ، بۇ جەرياندا ئۇ يەنىلا يىنىك دەرىجىدە زەخمىگە ئۇچرايدىغان بولۇپ، بۇرۇننىڭ مۇداپىئە ئىقتىدارىنى تۆۋەنلىۋىتىپلا قالماي، ئۇزۇن مەزگىللىك غىدىقلاش يەنە ياللۇغ كەلتۈرۈپ چىقىرىدۇ.
4. بۇرۇن تۈكچىلىرىنى زەخمىگە ئۇچرىتىدۇ.
    بۇرۇن تۈكچىلىرى، چاڭ-توزان ۋە كىسەللىك باكتىرىيىلىرىنىڭ بەدەنگە كىرىشىنى توسىدىغان ئەڭ ئاخىرقى بىر قەۋەت توسۇق؛ ئەگەر بۇرۇن تۆشۈكچىلىرى زەخمىگە ئۇچرىسا، بەدەننىڭ كىسەلگە قارشى تۇرۇش كۈچىنى تۆۋەنلىۋىتىپلا قالماي، يەنە تېخى تۈك تۆشۈكچىلىرى ياللۇغى پەيدا قىلىدۇ.