كۈز كىرگەندىن كىيىن داۋاملىق يەپ بەرسىڭىز، ئەرلەرنى تېخىمۇ كۈچتۈڭگۈر قىلىدىغان، ئاياللارنى تېخىمۇ گۈزەللەشتۈردىغان بىر خىل تائام بار، سىز ئاڭلاپ باققانمۇ؟
    گۈللۈك پۇرچاق (花豆)، ئادەتتە سەككىز گۆھەر ئومىچىدا كۆپ كۈرلىدىغان بولۇپ، تاشقى شەكلى بۆرەككە ئوخشاپ قالغانلىقتىن، بەزىدە بۆرەك پۇرچىقى دەپمۇ ئاتىلىدۇ. گۈللۈك پۇرچاقنىڭ ئاقسىل تەركىنى %18گە يىتىدىغان بولۇپ، ئۇنىڭ تەركىبىدە 17 خىل ئامىنو كىسلاتاسى بار؛ ئۇنىڭ بەدەننى قۇۋۋەتلەپ ئىنىرگىيە تولۇقلاش ئۈنۈمى كۆرنەرلىك بولۇپ، بۇ خىل جىنسىي باھنى قۇۋۋەتلەش رولى بار بولغانلىق سەۋەبىدىن، سىھىرلىك پۇرچاق دەپ نام ئالغان. گۈللۈك پۇرچاقنىڭ ئۇزۇقلۇق تەركىبى مول، ئۆزى ئەرزان ھەم يىيىشلىك بولۇپ، قوي گۆش بىلەن بىللە پىشۇرۇلسا، بەدەننى قۇۋۋەتلەيدىغان ھەم تەملىك بىر خىل تائام بولىدۇ.

     گۈللۈك پۇرچاق 300گىرام، پىياز، قوي گۆشى 120 گىرام، سامساق، سوقۇلغان قىزىلمۇچ ، پەمىدۇر قىيامى ئۈچ قوشۇق، ئاق ئاچچىقسۇ بىر قوشۇق، لائور(月桂)، تۇز، قارىمۇچ، شىكەر

     گۈللۈك پۇرچاقنى بىر كىچە سۇغا چىلاپ قويىمىز. ئەگەر قۇرۇق پۇرچاق بولسا، ئەڭ ياخشىسى 8سائەتتىن ئارتۇق چىلاش كىرەك؛ يىڭى پۇرچاقنى 3-2سائەت چىلاپ قويساقلا بولىدۇ.

     پۇرچاقنى سۈزۈپ ئېلىپ، دۈملەش قازىنىغا سېلىپ، پۇرچاقنى يۆگەپ 2سانتىمىتىر ئاشقۇچىلىك سۇ قۇيىمىز؛ كەينىدىن پىياز، لائور، گۆش، پەمىدۇر قىيامى، سامساق قاتارلىقلارنى سالىمىز.

 چوڭ ئوتتا قايناتقاندىن كىيىن، تۇۋاقنى يېپىپ بىرسائەت دۈملەپ پىشۇرۇمىز.

      بىر سائەتتىن كىيىن، سوقۇلغان قىزىلمۇچ، تۇز، شىكەر، ئاچچىقسۇ قاتارلىقلارنى سېلىپ، يەنە بىر سائەت قاينىتىمىز، بۇ قەدەمدە تۇۋاقنىڭ يان تەرپىدىن ئازراق يۇچۇق قالدۇرىمىز.

 قاينىتىپ بولغاندىن كىيىن، پۇرچاق يۇمشاپ شورپىسى قويىلىدۇ،گۆشمۇ يۇمشاق پىشىدۇ.