بوۋاق يېڭى تۇغۇلغان ۋاقىتتا، ئۇلارنىڭ ئۇمۇرتقا سۆڭىكى تۈز ھالەتتە بولۇپ، قورامىغا يەتكەنلەرگە ئوخشاش فىزىلوگىيەلىك ئەگمە تېخى شەكىللەنمىگەن بولىدۇ؛ شۇنىڭ ئۈچۈن، يېڭى تۇغۇلغان بوۋاقلار ئۇخلىغان ۋاقىتتا ئۇلارغا ياستۇق قويۇپ بىرىشكە بولمايدۇ، بولمىغاندا ئۇمۇرتقا سۆڭەكنىڭ شەكلى ئۆزگىرىپ كېتىشى مۇمكىن.
   لېكىن بوۋاقنىڭ يېشىنىڭ ئېشىشىغا ئەگىشىپ، كارىۋاتتا تۈپتۈز يېتىش بىلەن قانائەتلىنىپلا قالماي، تەدرىجىي ھالدا ياستۇققا ئېھتىياجلىق بولىۋاتقانلىقى ھەققىدە كۆرسەتمە بىرىشكە باشلايدۇ.

ئاتا-ئانىسىدىن ياستۇق تالىشىشقا باشلايدۇ
   ئادەتتە، كىچىك بوۋاقلار ئانىسى بىلەن بىرگە ئۇخلايدۇ، ئەگەر ئانىلار بوۋىقىنىڭ ئۆزىدىن ياستۇق تالىشىۋاتقانلىقىنى بايقىسا، بۇ ئەھۋال، تۈز يېتىشنىڭ ئۇلارنىڭ راھەت يېتىش ئېھتىياجىنى قاندۇرالمايۋاتقانلىقىنى بىلدۈرىدىغان بولۇپ، بۇ ۋاقىتتا ئۇلارغا كىچىك ياستۇق قويۇپ بىرىش كېرەك.
ئۇيقۇ سۈپىتى سەۋەپسىز تۆۋەنلەپ كېتىش
   بالا يېرىم كېچىدە ھەمىشە چۆچۈپ ئويغىنىپ كەتسە ياكى ئۇيان ئۆرۈلۈپ بۇيان ئۆرۈلۈپ ئۇخلىيالمىسا ھەمدە قورقۇنچلۇق چۈش كۆرۈش، قىزىش قاتارلىق ئەھۋاللار كۆرۈلمىگەن بولسا، بۇندىن باشقا يەنە دۈم يېتىپ ئۇخلايدىغان بولۇۋالسا، بۇ ئۇلارنىڭ ئۇخلىغان ۋاقىتتا ياستۇققا ئېھتىياجلىق بولۇۋاتقانلىقىنى چۈشەندۈرۈپ بىرىدۇ.