بوۋاقلار كۆپرەك دۈم يېتىپ  بەرسە، ئۇلارغا تۆۋەندىكىدەك پايدىسى بار بولىدۇ:
   1. ياپىلاق باش بولۇپ قېلىشىنىڭ ياكى باش قىسىمىنىڭ غەلىتە شەكىللىنىپ قېلىشىنىڭ ئالدىنى ئالىدۇ.
   2. بوۋاقنىڭ قورسىقىنىڭ ئىسىلىپ قېلىشىنىڭ ئالدىنى ئالىدۇ.
   3. مۇسكۇللىرىنى تەرەققىي قىلدۇرۇشقا ۋە چېنىقتۇرۇشقا پايدىلىق.

   دۈم ياتقان ۋاقىتتا، بوۋاقلار ئۆزىنى تىرەپ كۆتۈرۈگەندە، ئاندىن ئانىسىنى ۋە ئەتراپتىكى مۇھىتنى كۆرەلەيدۇ؛ بۇ جەرياندا، بوۋاقنىڭ باش قىسىمى، بويۇن، مۈرە ۋە بەل قورساق قىسىملارنىڭ مۇسكۇللىرىنى چېنىقتۇرۇشقا بولىدۇ.
   تەتقىقاتلاردا كۆرسىتىلىشىچە، بوۋاقلارنىڭ دۈم ياتىدىغان ۋاقتى قانچە كۆپ بولسا، ئۇلار بېشىنى شۇنچە تېز تىكلەپ، ئۆزى بىمالال ئۆرۈلەلەيدىغان ۋە مۇستەقىل ھالدا ئولتۇرالايدىغان بولىدىكەن.

   ئەكسىچە، دۈم ياتماي ئوڭدىسىغا يېتىۋالىدىغان بالىلارنىڭ چوڭ ھەرىكەت ئىقتىدارى كىچىكىپ قېلىش نىسبىتى يۇقىرى بولۇپ، مۇسكۇللىرى چېنىقىشقا ئىرىشەلمەيدىكەن. شۇڭلاشقا، دۈم يېتىش بوۋاق بالىلارغا نىسبەتەن، بولۇپمۇ يېرىم ياشتىن تۆۋەن بوۋاقلارغا نىسبەتەن ئىنتايىن مۇھىم.

   قانچىلىك ۋاقىت دۈم يېتىش مەسىلىسىگە كەلسەك، 3-0ئايلىق بوۋاقلارنىڭ ھەر قېتىملىق دۈم يېتىش ۋاقتى 10-1مىنۇت ئارىسىدا بولسا بولىدۇ؛ 4-3ئايلىق بوۋاقلارنىڭ ھەر كۈنى ئاز دېگەندە 20مىنۇتتىن يۇقىرى دۈم يېتىشى تەۋسىيە قىلىنىدۇ؛ 4ئايلىقتىن كىيىنكى بوۋاقلار، يېرىم سائەتتىن بىر سائەتكىچە دۈم يېتىپ بىرىشى كېرەك.