ھامىلىدارلىق ئاخىرقى مەزگىلىدە، ئەگەر تۆۋەندىكىدەك ئەھۋاللار كۆرۈلسە، ھامىيلىنىڭ داس بوشلۇقىغا كىرگەنلىكىنى چۈشەندۈرۈپ بېرىدىغان بولۇپ، بۇ ۋاقىتتا ئەڭ ياخشىسى دوختۇرخانىغا كىرىپ تۇغۇتنى كۈتۈشىڭىز كېرەك.

كىچىك تەرەت قىستاش قېتىم سانى كۆپلەپ كېتىش
   ھامىيلىنىڭ يېتىلىشىگە ئەگىشىپ، بالىياتقۇ ئۈزلۈكسىز تۈردە يوغىناپ، دوۋساققا چۈشۈرىدىغان بېسىمى بارغانسېرى چوڭىيىدۇ؛ بۇنداق ئەھۋالدا، كىچىك تەرەت كۆپ قىستايدىغان ئەھۋالمۇ كۆپلەپ كېتىدۇ. ھامىيلە داس سۆڭەك بوشلۇقىغا كىرگەندىن كىيىن، بۇ خىل ئەھۋال تېخىمۇ ئېغىرلاپ يۇقىرى چەككە يىتىدۇ. چۈنكى، بۇ ۋاقىتتا بالىياتقۇ دوۋساققا تېخىمۇ يېقىنلاشقان بولۇپ، دوۋساققا تېخىمۇ چوڭ بېسىم چۈشۈرىدىغان بولغاچقا، دوۋساقنىڭ كىچىك تەرەت ساقلاش ئىقتىدارى تەبىئىيلا تۆۋەنلەپ كېتىدۇ.

قانۇنىيەتسىز تولغاق
   ھامىيلە داس سۆڭەك بوشلۇقىغا چۈشكەندىن كىيىن، بالىياتقۇ بوينىنى بېسىۋالىدۇ، شۇڭا ھامىلىدار ئايالدا قورساق قىسمى تۇرۇپ تۇرۇپ يېغىلىدىغان ساختا تولغان ئالامىتى كۆرىلىدۇ؛ بىراق، بۇ خىل تولغاقنىڭ داۋاملىشىش ۋاقتى ئۇزۇنغا بارمايدۇ ئۇنىڭ ئۈستىگە قانۇنىيەتسىز كېلىدۇ، ئىككى قېتىملىق تولغاق ئارىلىقىدىكى ۋاقىت پەرقىمۇ ئوخشاش بولمايدۇ ھەمدە قاتتىقلىق دەرىجىسى نىسبەتەن ئاجىز بولىدۇ، ئادەتتە ھامىلىدار ئايال نەچچە مىنۇت ئارام ئالغاندىن كىيىن، بۇ خىل تۇيغۇ ئاجىزلايدۇ.

قورساق شەكلىدە ئۆزگىرىش كۆرىلىش
   ھامىيلە داس بوشلۇقىغا چۈشكەندىن كىيىن، ھامىيلىنىڭ ئورنى ئاستى تەرەپكە يۆتكىلىدۇ؛ بۇ ۋاقىتتا، ھامىلىدار ئايالنىڭ قورساق شەكلى ئۆزگىرىپ، چوڭ ئاپېلسىنغا ئوخشاپ قالىدۇ. شۇڭلاشقا، تۇغۇتى يېقىنلاشقان ھامىلىدار ئاياللار، قورساق شەكلىنى كۆپرەك كۆزىتىپ بەرسە، بۇ ئارقىلىق ھامىيلىنىڭ داس سۆڭەك بوشلۇقىغا چۈشكەن چۈشمىگەنلىكىگە ھۆكۈم قىلىشقا بولىدۇ.

ھامىيلىنىڭ مىدىرلىشى ئاستىلاپ كېتىش
   ھامىيلە داس سۆڭەك بوشلۇقىغا كىرگەندىن كىيىن، داس سۆڭەك بوشلۇقى تار بولغانلىق سەۋەبىدىن، ھامىيلىنىڭ ھەرىكىتى چەكلىمىگە ئۇچراپ، ئىزچىل تۈردە پائالىيەتچان كەلگەن بوۋاقنىڭ ھەرىكەتلىرى ئاستىلاپ قالىدۇ. بۇ، ھامىيلە مىدىرلىمايدۇ دېگەنلىك ئەمەس؛ ئەگەر ھامىيلىنىڭ مىدىرلىشى تۇيۇقسىزلا ئازلاپ قالسا ياكى جىددىي سۈرئەتتە مىدىرلىۋىتىپ توختاپ قالسا، ھامىلىدار ئايال دەرھال دوختۇرخانىغا بېرىپ تەكشۈرتۈشى كېرەك، بولمىسا ئۆمۈرلۈك پۇشايماندا قالىدىغان ئەھۋاللار كۆرۈلۈشى مۇمكىن.