ھەرقانداق بىر ئائىلىگە يىڭى بوۋاق قوشۇلغاندىن كىيىن، بىر ئائىلە كىشىلىرى بوۋاقنىڭ تىزراق ئۆسۈپ چوڭىيىشىنى ئۈمىد قىلىپ، بوۋاققا ھەر جەھەتلەردىن ئىنچىكىلىك بىلەن كۆڭۈل بۆلىدۇ. ئادەتتە، يېشى كىچىك بوۋاقلارنىڭ ئۆسۈپ-يىتىلىشى ئىنتايىن تىز بولۇپ، ئەگەر بىرەر ئىككى ئاي كۆرمەي بىر كۆرسەك، ئۇلارنى تۇيۇقىسزلا يوغىناپ ئىگىزلەپ كەتكەندەك ھىس قىلىمىز. بالىلار كىسەللىكى بۆلۈمى مۇتەخەسسىسلىرىنىڭ تەكلىپ بىرىشىچە، ئەگەر بالىلاردا كىچىسى ئۇخلاش جەريانىدا تۆۋەندىكى ئۈچ خىل ئەھۋال كۆرۈلسە، بۇ ئەھۋال بالىلارنىڭ تىز سۈرئەتتە ئۆسۈپ يوغىناش مەزگىلىگە كىرگەنلىگىنى چۈشەندۈرىدىكەن.

كىچىسى ئويغىنىپ كىتىدىغان قېتىم سانى كۆرۈنەرلىك دەرىجىدە كۆپىيىش
    نورمال ئەھۋال ئاستىدا، بالىلار كۈندۈزلىرى ئويناپ ھېرىپ كىتىدىغان بولغاچقا، كىچىلىرى ئادەتتە قاتتىقراق ئۇخلايدۇ. بىراق، كىچىك بالىلار كىچىسى ئۇخلىغان ۋاقىتتا، ئۇلارنىڭ بەدىنى بىر خىل ئۆسۈش ھورمۇنى ئاجرىتىپ چىقىرىدىغان بولۇپ، بالىلار تىز سۈرئەتتە ئۆسۈش مەزگىلىگە كىرگەندىن كىيىن، ئۇلارنىڭ كىچىلىك ئۇيقۇ ئەھۋالى ئادەتتىكىگە ئوخشىمايدىغان بولۇپ ئۆزگىرىدۇ؛ يەنى، كىچىلىرى ئويغىنىپ تۇرۇپ كىتىدۇ، ياكى چالا ئۇيقۇلۇق ھالەتتە تۇرۋالىدۇ. ئەلۋەتتە، بۇنداق ئەھۋالدا، بەزىبىر كىچىك تەرىتى قىستاش، قوسىقى ئېچىش، بىئارام بولۇش قاتارلىق ئالاھىدە ئەھۋاللار كۆرۈلمىگەنلىكىگە ھۆكۈم قىلىپ چىقىش كىرەك. ئەگەر بالىلاردا بۇ خىل ئالاھىدە ئەھۋاللار بولمىغان ئاساستا، ئۇلار كىچىسى تولا ئويغىنىپ كىتىدىغان بولۇپ قالسا، بۇ بالىلارنىڭ تىز سۈرئەتتە ئۆسۈش مەزگىلىگە كىرگەنلىكىنىڭ ئىپادىسى بولۇپ، ئاتا-ئانىلار بالىسىغا ئۇزۇقلۇق تۇلۇقلاش جەھەتتە كۆپرەك دىققەت قىلىشى كىرەك.

كىچىسى سۈت ئىمىدىغان قېتىم سانى كۆپىيىش
    كىچىسى، بالىنىڭ تولا قوسىقى ئېچىپ ئويغىنىپ كەتسە ھەمدە سۈت ئىمىتىدىغان قېتىم سانى كۆپىيىپ قالسا، ئاتا-ئانىلار بۇنىڭغا ئىتىبار بىلەن قارىشى كىرەك. بۇ خىل ئەھۋال، بالىنىڭ بەدىنىنىڭ تىز سۈرئەتتە يىتىلىش باسقۇچىغا كىرگەنلىك سىگنالى بولۇپ، بۇ ۋاقىتتا بالىغا تېخىمۇ كۆپ ئۇزۇقلۇق ماددىلارنى تەمىنلەش ئارقىلىق، ئۇلارنىڭ ئۆسۈپ-يىتىلىشىنى ئىلگىرى سۈرۈشكە توغرا كىلىدۇ.