بوۋاق تېخى تۇغۇلماستىلا، ئاتا-ئانىسى ئۇنىڭ ئۈچۈن نۇرغۇن نەرسىلەرنى تەييار قىلىدۇ. بولۇپمۇ كىيىم، پايپاق، ئاياغ قاتارلىقلارنى سېتىۋىلىپ، بوۋىقىنى چىرايلىق ياساپ قويۇشنى ئۈمىد قىلىدۇ. بوۋاققا ئاياغ كېيگۈزۈش ئىشىدا، نۇرغۇن ئاتا-ئانىلار بوۋاق تۇغۇلغاندىن كىيىنلا ئۇنىڭغا ئاياغ كەيگۈزۈپ قويساق بولىدۇ دەپ قارايدۇ؛ يەنە بەزى ئاتا-ئانىلار بولسا، بالىلار تېخى كىچىك، يول مېڭىشنى بىلمەيدۇ، يول مېڭىشنى ئۆگەنگەندىن كىيىن ئاندىن ئۇنىڭغا كەيگۈزۈپ قويساق بولىدۇ دەپ قارايدۇ. ئۇنداقتا، بوۋاقلار زادى قانچىلىك چوڭ بولغاندا ئاندىن ئاياغ كەيگۈزسەك مۇۋاپىق بولىدۇ؟

    بوۋاقلارغا ئاياغ كەيگۈزۈشنى باشلاشتا، چوقۇم ۋاقىتنى ياخشى تاللاش كىرەك؛ بەك بالدۇر بولۇپ كەتسە ياكى بەك كىيىن قالسا، ئوخشاش پۇت قىسىم سۆڭىكىنىڭ يىتىلىشىگە تەسىر يىتىدۇ. بوۋاقلارغا ئاياغ كەيگۈزۈشنى باشلاش ۋاقتى جەھەتتە، ئۇلارنىڭ يېشىغا ئاساسەنلا قارار چىقىرۋالساق بولمايدۇ. ئادەتتە، بوۋاقلار بىرەر نەرسىگە تايىنىپ ئورنىدىن تۇرالايدىغان ھەمدە مېڭىشنى ئۆگىنىش ئىزنالىرى كۆرۈلۈشكە باشلىغان ۋاقىتتا، ئۇلارغا ئاياغ كېيگۈزۈشنى باشلىساق بولىدۇ. بۇندىن بۇرۇن، ئۇلارغا ئىسسىقلىق ساقلايدىغان پايپاق كېيگۈزۈپ قويساقلا بولىدۇ.

پۇت قىسىم نىرۋىلىرىنىڭ سەزگۈرلۈك دەرىجىسىنى تۆۋەنلىتىۋىتىدۇ
   بوۋاقلارنىڭ بەدىنىنىڭ ھەر تۈرلۈك ئىقتىدارلىرى تېخى يىتىلىۋاتقان مەزگىلدە تۇرۋاتقان بولغاچقا، مۇددەتتىن بۇرۇن ئۇلارنىڭ كىچىك پۇتىنى چىڭ ئىسكەنجىگە ئېلىۋالساق، بوۋاقنىڭ پۈت قىسىمىغا قارىتا بولغان تىگىشىش غىدىقلىنىشى كەمچىك بولۇشنى كەلتۈرۈپ چىقرىىدۇ ھەمدە بۇ سەۋەپلىك تىگىشىش سىزىم ئىنكاسى ئاستا بولۇپ قېلىپ، ئۇنىڭ كىيىنكى مەزگىللىك يەر يۈزىگە بولغان ماسلىشىشچانلىقى تۆۋەنلەپ كىتىدۇ.

پۇت قېسىم ئاڭ تەرەققىياتىنى توسقۇنلۇققا ئۇچرىتىدۇ
   بوۋاقلارغا مۇددەتتىن بۇرۇن ئاياغ كېيگۈزۈشنى باشلاش، ئۇلارنىڭ ئۆزىنىڭ پۇت قىسىمىغا بولغان تۇنۇشى كەمچىل بولۇشنى كەلتۈرۈپ چىقىرىپ، كىيىنكى مەزگىلدە يول ماڭغان ۋاقىتتا، يەر يۈزىگە كۈچ چۈشۈرۈش نوقتىسىنى كونتىرول قىلالماسلىق ۋە يول ماڭغاندا تۈز ماڭالماسلىقتەك ئەھۋاللارنى پەيدا قىلىدۇ.
بالىلارنىڭ ئۆمىلىشىگە توسقۇنلۇق قىلىدۇ
   بوۋاققا مۇددەتتىن بۇرۇن ئاياغ كېيگۈزۈشنى باشلاش، ئەمىلىيەتتە ئۇلارغا قارىتا بىر خىل چەكلىمە بولۇپ، ئۇلارنىڭ ئۆمىلەشنى ئۆگىنىش جەريانىغا توسقۇنلۇق قىلىدۇ.