دۇڭ چىن تىلغان ئېلىنسا، ئىشىنىمەنكى كۆپچىلىككە ئۇ ناتۇنۇش ئەمەس؛ ئۇ رىياسەتچىلىك قىلغان مەركىزى تىلىۋىزىيە ئىستانسىسى پىروگىراممىلىرى كىشىلەرنىڭ ياقتۇرۇپ كۆرۈشىگە ئىرىشكەن. يۇقىرى مەدەنىيەت سەۋيىسىگە ئىگە تالانت ئىگىسى بولۇش سۈپىتى بىلەن، بۇنىڭغا كۆپ يىللىق خىزمەت ۋە تۇرمۇش تەجىربىلىرى قوشۇلۇپ، ئۇ بالىسىنى تەربىيەلەش جەھەتتە ناھايىتى ياخشى ئۈنۈملەرنى ھاسىل قىلغان. دۇڭ چىننىڭ قارىشىچە، ئاتا-ئانىلارنىڭ بالىسىنى تەربىيەلەش ئۇسۇلى ئوخشاشمايدىغان بولۇپ، بالىلارنىڭ كەلگۈسىنى بەلگىلەيدىغىنى ئۆگىنىش نەتىجىسى ئەمەس، بەلكى بالىلارنىڭ خارەكتىرىنى يىتىلدۈرۈش ئىكەن.

    ئالدى بىلەن، بالىلارنىڭ مەسىلىگە يولۇققاندا سۇغۇق قان بولۇش خارەكتىرىنى يىتىلدۈرۈش كىرەك؛ بۇ، تۇرمۇشتا مەسىلىلەرگە دۇچ كەلگەندىكى ۋە مەسىلىلەرنى ھەل قىلغاندىكى ئەڭ ياىشى ئۇسۇل بولۇپ، بىر ئادەم پەقەت ئۆزىنى بېسىۋالغان ۋاقىتتىلا، ئاندىن ئىشنى يوغىنىتىۋەتمەي، يېغىشتۇرۇپ بولغىلى بولمايدىغان ھالەتنى كەلتۈرۈپ چىقىرىشتىن ساقلىنالايدىكەن. بۇ ۋاقىتتا، سۇغۇق قان مىجەز، بىزنىڭ مەسىلىلەرنى ئەقىل-ئىدراك بىلەن بىتەرەپ قىلىشىمىزغا پايدىلىق بولۇپ، بۇنداق مىجەزنىڭ بالىلارنىڭ كەلگۈسىگە قارىتا پايدىلىق تەسىرى ئىنتايىن زور ئىكەن.

   ئىككىنچىدىن، بالىلارنىڭ بوشاشماس ئىرادىسىنى يىتىلدۈرۈش. ئاشۇ مەغلۇپ بولغان كىشىلەرنىڭ مىساللىرىغا قارايدىغان بولساق، زور بىر قىسمى، ئاخىرغىچە بوشاشماي بەرداشلىق برەلمىگەنلىكتىن بولىدۇ. بالىلار كىچىك ۋاقتىدىلا، ئۇلارنىڭ ئىرادىسىنى بوشاشتۇرۇپ قويمايدىغان خارەكتىرىنى يىتىلدۈرسەك، بالىلار تېخىمۇ ئەستايىدىل ھەم مەسئۇلىيەتچان، توختىماي ئىزدىنىدىغان ۋە ئالغا ئىنتىلىدىغان بولۇپ چوڭ بولىدۇ. بۇ خىل ھالەت، بىر ئادەمنىڭ تەرەققىياتىغا ئىنتايىن پايدىلىق بولۇپ، بالىلارنىڭ كەلگۈسىدە مۇۋەپپىقىيەتكە قەدەم قويۇشىدا كەم بولسا بولمايدىغان بىر خىل ساپاسىدۇر.