بالىلار بەلگىلىك ياشقا يەتكەن ۋاقىتتا، ئۇلارنىڭ مۇستەقىل تۇرمۇش كەچۈرۈش ئادەتلىرىنى يىتىلدۈرۈش ئىنتايىن مۇھىم؛ بولمىغاندا، ئۇلارنىڭ كىيىنلىك تۇرمۇشى ۋە تەرەققىياتىغا تەسىر يىتىدۇ. ئۇنداقتا، بالىلار ئۈچ ياشقا كىرىشتىن بۇرۇن ئۇلار قايسى ئىقتىدارلارنى يىتىلدۈرۈشى كىرەك؟

ئەتىگىنى كەچتە چىشىنى چوتكىلاش
    كىچىك بالىلارنىڭ ھەممىسى تاتلىق نەرسە يىيىشنى ياخشى كۆرىدۇ؛ بىراق، ئەگەر تاتلىق نەرسىلەرنى يەپ بولغاندىن كىيىن ئېغىز بوشلىقىنى پاكىزە چايقىۋەتمىسە، ئۇلارنىڭ چىشىنى قۇرت يەيدۇ. بۇنىڭدا، بالىلارنىڭ چىشىنىڭ كۈرۈمسىز بولۇپ قېلىشىنى پەيدا قىلىپلا قالماي، يەنە ئۇلارنىڭ تائام يىيىشىگە بەلگىلىك تەسىر كۆرسىتىدۇ. شۇنىڭ ئۈچۈن، ئاتا-ئانىلار بالىلارنىڭ چىشىنى ياخشى ئاسراپ، ئۇلاردا تاماق يەپ بولغاندىن كىيىن ئېغىزىنى چايقايدىغان، ئەتىگىنى ۋە كەچتە ئېغىزىنى چوتكىلايدىغان ئادەتنى يىتىلدۈرۈشى كىرەك.

تاماقنى ئۆزى يىيىش
    ئادەتتىكى ئەھۋال ئاستىدا، بالىلار بىر ياشتىن ئاشقاندىن كىيىن، تاماق قاچىلىرى ۋە چوكا قوشۇق دىگەنلەرگە قارىتا قىزىقىش كۆرىلىدۇ؛ بىراق، بۇ ۋاقىتتا ئۇلار تېخى بىرنەرسىلەرنى چىڭ تۇتالمايدىغان بولغاچقا، ئۇلار تېخى تاماقنى ئۆزى يىيەلمەيدۇ. بىراق، ئاتا-ئانىلار بۇ ۋاقىتتىن پايدىلىنىپ، ئۇلارغا بىر تال قوشۇق بىرىپ، ئاۋال بىر مەزگىل مەشىقلەندۈرگەچ تۇرسا بولىدۇ. بالىلار ئىككى ياشقا كىرگەندە بولسا، ئۇلار قوللىرى بىر نەرسىلەرنى چىڭ تۇتالايدىغان بولىدۇ، بۇ ۋاقىتتا بالىلارغا تەدرىجى ھالدا تاماقنى ئۆزى يىيىشنى ئۆگەتسەك بولىدۇ. ئەگەر بەك ئەنسىرسەك، بالىلار مەخسۇس ئىشلىتىدىغان قاچا قۇچا ۋە چوكا قوشۇق دىگەنلەرنى ئېلىپ بەرسەك، بۇنىڭدا يەرگە چۈشۈپ كەتسىمۇ چېقىلىپ كەتمەيدۇ، بالىلارنىڭ ئىشلىتىشى تېخىمۇ بىخەتەر بولىدۇ.

ئۆزى ئۇخلاش
    كۆپ قىسىم بالىلار ئۈچ ياشقا كىرگەندىن كىيىن يەسلىگە بارىدۇ؛ بالىلار يەسلىگە كىرگەندىن كىيىن، چۈشلۈك ئۇخلايدىغان ۋاقىتتا ئاتا-ئانىسى ئۇلارنىڭ يېنىدا ھەمرا بولالمايدۇ. شۇنىڭ ئۈچۈن، بۇندىن بۇرۇن ئاتا-ئانىلار بالىسىنىڭ ئۆزى يالغۇز ئۇخلايدىغان ئادىتىنى يىتىلدۈرۈشكە باشلىمىقى لازىم. بۇنىڭدا، بالىلار يەسلى تۇرمۇشىغا تىزلا كۆنۈپ كىتەلەيدۇ. ئەگەر دەسلىۋىدە بالىلار ئۆزى يالغۇز بىر ئۆيدە يېتىشقا قورقسا، ئاتا-ئانىلار ئۇلارغا ھەمرا بولۇپ ئۇخلىتىپ قويغاندىن كىيىن چىقىپ كەتسە بولىدۇ.