نۇرغۇن ھامىلدار ئاياللار، ھامىلدارلىق ئاخىرقى مەزگىلىدە ناھايىتى ئازادە بولۇپ قالىمىز، پەقەت تۇغۇت ۋاقتىنىڭ كىلىشىنىلا ساقلىساق بولىدۇ دەپ قارايدۇ. بىراق ئەمىلىيەت، ئۇلارنىڭ ئويلىغىنىدەك ئەمەس. ھامىلدارلىق ئاخىرىقى مەزگىلى، ئەمىلىيەتتە ئىنتايىن مۇھىم بىر مەزگىل بولۇپ، تۇغۇت ۋاقتى بارغانسىرى يېقىنلاپ قالغانلىق سەۋەبىدىن، ھامىلدار ئايالدا يەنىلا نۇرغۇنلىغان ئۆزگىرىشلەر كۆرىلىدۇ.

دوۋسۇن سۆڭىكى(耻骨) ئاغرىش
   ھامىلدار ئاخىرىقى مەزگىلىدە چىدىماق ئەڭ تەس بولغان ئىشلارنىڭ بىرى، دوۋسۇن سۆڭىكى ئاغرىشتۇر. ھامىلدارلىق ئاخىرىقى مەزگىلىدە، بالىياتقۇ بارغانسىرى يوغىنايدىغان بولۇپ، ھامىيلىنىڭ ئوڭۇشلۇق تۇغۇلۇشى ئۈچۈن، دوۋسۇن سۆڭەك ئايرىلىدۇ. بۇنىڭغا ھامىلدارلىق مەزگىلىدە بەدەندە پەيدا بولدىىغان بوشىشىش ماددىسى قوشۇلۇپ، دوۋسۇن سۆڭەك ئارىلىقىنىڭ كېڭىيىپ كىتىشىنى كەلتۈرۈپ چىقىرىپ، بۇ سەۋەپلىك ئاغرىق تۇيغۇسى پەيدا قىلىدۇ.

كىچىك تەرەت تۇتالماسلىق
   ھامىلدارلىق ئاخىرىقى مەزگىلىدە ئادەمنى ئەڭ بىئارام قىلىدىغىنى، سۈيدۈك تېمىپ بىرىش بولۇپ، داس تىگى مۇسكۇللىرى بوشىشىپ كىتىدىغان بولغاچقا، نۇرغۇن ۋاقىتلاردا ھامىلدار ئايال چۈشكۈرسە ياكى ھۆتەلسەك، ئىختىيارسىز كىچىك تەرەت ئېقىپ بىرىدۇ؛ ئەگەر سىرتتا ياكى يېنىدا ئادەم بار ۋاقىتتا بۇنداق ئەھۋال كۆرۈلسە، ئادەمنى ئوسال ئەھۋالغا چۈشۈرۈپ قويىدۇ. بىراق، بۇ بىر ساقلىنىپ بولغىلى بولمايدىغان ھادىسە بولۇپ، ھامىلدار ئايال ئادەتتە تازىلىق قەغىزىنى توغرا ئۇسۇلدا ئىشلەتسە، ئوسال بولۇپ قالىدىغان ئەھۋاللاردىن ساقلىنىپ قالغىلى بولىدۇ.

بەل ۋە دۈمچە قىسىم ئاغرىش
    ھامىلدارلىق ئاخىرىقى مەزگىلىدە، ھامىلدار ئايالنىڭ قوسىقى يىتەرلىك چوڭىيىپ بولىدۇ؛ بۇنداق ئەھۋالدا، ھامىلدار ئايالنىڭ بەدىنى ئېغىرلىشىپ، يول مېڭىشىمۇ قىيىنلىشىپ كىتىدۇ. بۇ ۋاقىتتا، ھامىلدار ئايال ئادەتتە بەدىنىنىڭ تەڭپۇڭلىقىنى ساقلاش ئۈچۈن، ئۆزىمۇ سەزمىگەن ئاساستا بەدىنىنى كەينىگە تارتقان ھالەتنى ساقلايدۇ. بۇ سەۋەپلىك، ھامىلدار ئاياللاردا ھەمىشە بەل ۋە دۈمچە قىسىمى ئاغرىيدىغان ئەھۋال كۆرىلىدۇ.